Банк филиалдарының кең желісі бар қаржы институты болып табылады. Осыған байланысты өз қызметін қамтамасыз ету үшін Банкке электр және жылу энергиясының едәуір көлемі қажет. Банк қоршаған ортаға әсерін барынша азайту және операциялық тиімділікті арттыру мақсатында энергия үнемдеу шараларын қабылдайды. Қаржы қаражатын үнемдеу және электр энергиясын сақтау мақсатында Банктің Орталық аппараты мен филиалдарының ғимараттарында қуаты 12-60 Ватт болатын жарықдиодты шамдар орнатылған. Банктің энергия ресурстарын тұтынуы келесі кестеде ұсынылған:

Ұйым ішінде энергия тұтыну:

Ұйымнан тыс энергия тұтыну

Ұйым ішінде тұтыну:

Ұйымнан тыс энергия тұтыну:

Электр энергиясы мен жылу энергиясын тұтыну Банктің объектілері, оның ішінде филиалдық желі және Орталық аппарат ғимараты бойынша бастапқы есепке алу деректері негізінде есептеледі. Электр энергиясы сыртқы жеткізушілерден сатып алынады және есепке алу аспаптарының көрсеткіштері бойынша ескеріледі.

Коммуналдық қызметтер жалдау төлемдеріне енгізілген және тікелей есепке алу деректері жоқ жалға алынған объектілер бойынша қолжетімді есептік және есепке алу деректері негізінде есептелген бағалау мәндері пайдаланылады. Қолжетімді есептік және есепке алу деректері жалдау шарттары, коммуналдық төлемдер, жалға берушілердің немесе басқарушы компаниялардың деректері, сондай-ақ жалға алынған үй-жайлардың ауданы мен пайдалану кезеңі туралы мәліметтерді қамтиды.

2025 жылы электр энергиясын тұтыну 2024 жылмен салыстырғанда 21%-ға ұлғайып, 3 588 192 кВт·сағ құрады. Көрсеткіштің өсуі есепті жылы Астана қаласында Орталық аппаратты орналастыру үшін ғимарат сатып алумен байланысты. Аталған ғимаратта жалпы ауданы 9 089,2 м² болатын 11 жалға алушы да орналасқан, бұл Банктің электр энергиясын тұтынуының жалпы көлемінің ұлғаюына әсер етті.

Табиғи газ, дизель отыны және бензин тұтыну Банктің объектілері бойынша бастапқы есепке алу деректері негізінде есептеледі. Табиғи газ жылу энергиясын қамтамасыз ету үшін пайдаланылады, сондай-ақ жеткізушілердің деректері және есепке алу аспаптарының көрсеткіштері бойынша ескеріледі. Дизель отыны дизель-генераторлық қондырғылардың (ДГҚ) жұмысы үшін пайдаланылады және отынды есепке алу деректері негізінде ескеріледі. Автокөлікке арналған бензин тұтыну жанармай құю деректері мен есепке алу құжаттары негізінде айқындалады.

Тікелей есепке алу деректері жоқ объектілер мен қызмет түрлері бойынша қолжетімді есептік және есепке алу деректері негізінде есептелген бағалау мәндері пайдаланылады. Қолжетімді есептік және есепке алу деректері жеткізушілердің мәліметтерін, болған жағдайда есепке алу аспаптарының деректерін, отынды сатып алу және пайдалану жөніндегі құжаттарды, автокөлікке жанармай құю деректерін, сондай-ақ Банктің тиісті объектілер мен қызмет түрлері бойынша ішкі есепке алу деректерін қамтиды.

2025 жылы Банктің жылу энергиясын тұтынуы өткен жылмен салыстырғанда 82%-ға ұлғайып, 10 183,04 Гкал құрады. Көрсеткіштің өсуінің негізгі себебі Астана қаласында Орталық аппарат ғимаратының сатып алынуы болды, бұл жалпы жылытылатын алаңның және тиісінше тұтынылатын жылу энергиясы көлемінің ұлғаюына алып келді.

Банк өзінің операциялық қызметінің энергия тұтынуға әсерін түсінеді және энергия тиімділігін арттыру арқылы энергетикалық ізін төмендетуге ұмтылады. Басым шаралардың қатарында дәстүрлі жарықтандыруды кезең-кезеңімен жарықдиодты жарықтандыруға ауыстыру және жарықтандыруды басқарудың автоматтандырылған жүйелерін енгізу бар.

Қоршаған ортаға әсерді қысқарту және табиғи ресурстарды ұтымды пайдалану мақсатында Банк 2026 жылы 10 филиалдың дәліздерінде жарықтандыруды автоматты бақылау жүйелерін (қозғалыс датчиктерін) орнатуды жоспарлап отыр. Осы бастаманы іске асыру электр энергиясын тұтынуды азайтып, Банк объектілерінің жалпы энергия тиімділігін арттыруға бағытталған.