Банк ESG-факторларды Банктің даму стратегиясына және негізгі процестеріне, оның ішінде жоспарлау, есептілік, тәуекелдерді басқару, инвестициялар, операциялық қызмет, Банк мәдениеті және басқа да процестерге, сондай-ақ басқару органдарынан бастап (Жалғыз акционер, Директорлар кеңесі, Басқарма) қатардағы қызметкерлерге дейінгі барлық деңгейлерде шешім қабылдау процестеріне кіріктіреді. Бұл қысқа мерзімді және ұзақ мерзімді мүдделерді теңгеруге, сондай-ақ шешім қабылдау процесінде экологиялық, әлеуметтік және басқарушылық аспектілерді ескеруге мүмкіндік береді.

Тұрақты даму саласындағы рөлдер мен жауапкершілікті бөлу басқару органдары мен бейінді бөлімшелерге бекітілген. Бұл тұрақты даму қағидаттарын енгізуге жүйелі тәсілді және олардың іске асырылуына бақылауды қамтамасыз етеді.

Тұрақты қаржыландыруды дамыту шеңберінде Банк экологиялық және әлеуметтік маңызы бар жобаларды қолдауға бағытталған ESG-өнімдер мен бастамаларды әзірлейді және енгізеді. Экологиялық және әлеуметтік әсері бар кредиттік өнімдер ұсынысын кеңейтуге ерекше көңіл бөлінеді, бұл кредиттік портфельде «жасыл» және әлеуметтік қаржыландыруды дамытуға ықпал етеді.

Банк сондай-ақ тұрақты даму саласындағы ішкі саясаттар мен рәсімдерді енгізеді, тұрақты даму корпоративтік мәдениетін дамытады және қызметкерлердің тұрақты даму мәселелері бойынша хабардарлығын арттырады.

Осылайша, ESG-факторларды басқару тұрақты дамуды Банктің стратегиясы мен операциялық қызметіне кіріктіруге ықпал етеді, халықаралық стандарттарды енгізуді қолдайды, әлеуметтік жауапты бастамаларды ынталандырады және клиенттер, қызметкерлер мен қоғам үшін ұзақ мерзімді құндылық қалыптастырады.