Банк ұзақ мерзімді кезеңде тұрақты дамуды қамтамасыз ету үшін өзінің экономикаға, экологияға және қоғамға ықпалының маңыздылығын түсінеді. Аталған қағидатты іске асыру шеңберінде Банкте Тұрақты даму саясаты (бұдан әрі - Саясат) қолданылады. Банктің саясаты БҰҰ Жаһандық шартының, БҰҰ Жауапты инвестициялау қағидаттарының, АА 1000 стандарттары сериясының және т.б. халықаралық стандарттары негізінде құрылған және тұрақты дамуды басқарудың негізгі нормаларын, қағидаттарын, қағидалары мен тәсілдерін айқындайды. Саясаттың толық нұсқасын Банктің hcsbk.kz ресми сайтынан, «Тұрақты даму / ESG саясаттары» бөлімінен табуға болады.

Банктегі тұрақты даму үш құрамдас бөліктен тұрады: экономикалық, экологиялық және әлеуметтік.

Экономикалық құрамдас бөлік Банктің тұрақты және тиімді жұмысын қамтамасыз етуге, инвестициялық тартымдылықты арттыруға, процестер мен шығыстарды оңтайландыруға, инновацияларды дамытуға, жаңа жұмыс орындарын құруға және қызметкерлердің біліктілігін арттыруға бағытталған.

Экологиялық құрамдас бөлік қоршаған ортаға әсерді барынша азайтуға, ресурстарды ұтымды пайдалануға, энергия мен су тұтынуды төмендетуге, сондай-ақ «жасыл» тәсілдерді енгізуге бағытталған.

Әлеуметтік құрамдас бөлік еңбек құқықтарын сақтауды, тең мүмкіндіктер мен гендерлік теңдікті қамтамасыз етуді, еңбек қауіпсіздігін, персоналды дамытуды, сондай-ақ ішкі және сыртқы әлеуметтік бағдарламаларды іске асыруды қамтиды.

Банк ұзақ мерзімді кезеңде тұрақты даму үшін өзінің экономикалық, экологиялық және әлеуметтік мақсаттарының келісімділігін қамтамасыз етеді.

Осы саясатты басқару Банктің басқару деңгейлері арасында жауапкершілікті нақты бөлуді, тұрақты даму қағидаттарын стратегиялық жоспарлау мен операциялық қызметке интеграциялауды қамтиды және Банктің қоғам мен қоршаған ортаға әсерді басқаруға кешенді тәсілге ұмтылысын көрсетеді.

Банк өзінің экологиялық және әлеуметтік саясатын Тұрақты даму саясатын, Кадр саясатын, Іскерлік этика кодексін, Корпоративтік басқару кодексін, Экологиялық саясат туралы ережені және т.б. қоса алғанда, негізгі институционалдық саясаттар арқылы іске асырады, олар тиісті реттеуші заңдардың, қағидалардың және серіктестер талаптарының сақталуын қамтамасыз етеді.

2025 жылы Банкте тұрақты даму саласындағы қызметті реттейтін бірқатар негізгі ішкі нормативтік құжаттар әзірленіп, өзектендірілді. Банктің тұрақты даму мәселелері жөніндегі ішкі құжаттары барлық қызметкерлерді қамтиды. Қызметкерлер бұл құжаттар туралы ақпаратты қолданыстағы хабарламалар жүйесі арқылы, сондай-ақ жұмысқа орналасу кезінде алады. Сыртқы мүдделі тараптар бұл құжаттарға Банктің hcsbk.kz ресми сайтында, «Тұрақты даму / ESG саясаттары» бөлімінде қол жеткізе алады.

Тұрақты даму туралы ақпаратты мүдделі тараптардың назарына жеткізу мақсатында Банктің интернет-ресурсында осы қызмет саласына арналған жеке бөлім бар. Белгілі бір жағдайларда шарттар жасасу кезінде стейкхолдерлерге тиісті нормалар мен қағидалар туралы жеке ақпарат беріледі.

Бақылау және есептілік тұрақты даму туралы жыл сайынғы есептер, ҚНК-ны қызметкерлерді ынталандыру жүйесіне интеграциялау, тәуекелдерді тұрақты талдау, сондай-ақ ақпаратты ашудың халықаралық стандарттарына сәйкестікті мониторингтеу арқылы жүзеге асырылады. Банк өзінің бастамалары мен нәтижелері туралы ақпаратты корпоративтік сайтта, жылдық есепте, тұрақты даму туралы есепте жариялап, қызметінің ашықтығы мен транспаренттілігін қамтамасыз етеді.

2025 жылғы маусымда Банктің Директорлар кеңесі 2030 жылға дейінгі Тұрақты даму стратегиясын бекітті. Банк ұлттық даму институты ретінде Қазақстанның тұрақты қаржы жүйесін қалыптастыруда және лайықты әрі қолжетімді тұрғын үйге қолжетімділікті қамтамасыз ету арқылы азаматтардың өмір сүру сапасын арттыруда негізгі рөл атқарады. Елдегі тұрғын үй құрылыс жинақтары жүйесінің негізгі қатысушысы бола отырып, Банк тұрақты дамуды өзінің миссиясының ажырамас бөлігі ретінде қарастырады - отбасыларды жеке тұрғын үймен қамтамасыз ете отырып, Отанға деген сезімді нығайту және ұзақ мерзімді әл-ауқатты арттыру.

2030 жылға дейінгі Тұрақты даму стратегиясы ESG (Environmental, Social, Governance) қағидаттарын Банктің барлық қызмет бағыттарына - өнімдерді әзірлеуден бастап ішкі мәдениет пен сыртқы есептілікке дейін интеграциялауды бекітеді. Стратегияны іске асыру БҰҰ-ның Тұрақты даму мақсаттарына қол жеткізуге үлес қосуға және Қазақстанның әлеуметтік-экономикалық прогресін қолдауға бағытталған.