Өз қызметінде Банк су тұтыну көлемін қысқартуға, су ресурстарын пайдалану тиімділігін арттыруға және табиғи су объектілеріне әсерді барынша азайтуға ұмтылады. Банк елдің су ресурстарына ұқыпты және ұтымды қараудың маңыздылығын сөзсіз мойындайды.

Банктің су тұтынуы келесі кестеде ұсынылған:

Су пайдалану көрсеткіштерін есептеу Банктің объектілері, оның ішінде филиалдық желі және Орталық аппарат ғимараты бойынша суды тұтыну және су бұру жөніндегі бастапқы есепке алу деректеріне негізделеді. Банктің объектілері орталықтандырылған сумен жабдықтау жүйелері арқылы сумен қамтылады, ал су бұру орталықтандырылған кәріз жүйелері арқылы орындалады.

Көрсеткіштердің құрамына орталықтандырылған сумен жабдықтау жүйелерінен алынған судың жалпы көлемі (су алу) және орталықтандырылған су бұру жүйелеріне берілген сарқынды сулардың көлемі енгізіледі. Растайтын құжаттары бар меншікті объектілер мен жалға алынған үй-жайлар бойынша есептеу суды нақты тұтыну деректері негізінде жүргізіледі. Сумен жабдықтау және су бұру жалдау төлеміне енгізілген және бастапқы деректер жоқ жалға алынған объектілер бойынша қолжетімді есептік және есепке алу деректері негізінде айқындалған бағалау мәндері пайдаланылады.

Суды тұтыну және су бұру бойынша нақты деректері бар объектілер негізінде үй-жай ауданының бірлігіне шаққандағы су тұтыну және су бұру коэффициенттері есептеледі. Олар тұтынылған су мен сарқынды сулар көлемінің үй-жай ауданына қатынасы ретінде айқындалады. Алынған коэффициенттер тиісті өңірлерде орналасқан және бастапқы деректері жоқ объектілер бойынша су тұтыну мен су бұру көлемін үй-жайлар ауданына пропорционалды түрде бағалау үшін қолданылады.

Нақты деректер толық көлемде жоқ өңірлер үшін қолжетімді деректері бар өңірлер негізінде бір қызметкерге шаққандағы су тұтыну және су бұрудың орташа көрсеткіші айқындалады. Бағалау алынған орташа көрсеткіштерді тиісті өңірлердегі қызметкерлер санына көбейту арқылы есептеледі.

Осылайша, су пайдалану көрсеткіштерін есептеу нақты деректер мен есептік болжамдардың үйлесімін қолдану арқылы жүргізіледі. Көрсеткіш ішінара бағалау сипатына ие және су тұтыну, объектілердің ауданы және қызметкерлер саны туралы қолжетімді деректерге негізделген.

«Су тұтыну» көрсеткіші су алу көлемі мен су бұру көлемінің айырмасы ретінде есептеледі. Банк қызметінің ерекшелігін ескере отырып (негізінен кеңселік қызмет), пайдаланылатын судың басым бөлігі су бұру жүйесіне қайтарылады, осыған байланысты нақты су тұтыну көлемі елеусіз болып табылады.

2025 жылы су алу көлемінің ұлғаюы Астана қаласында Орталық аппарат ғимаратының сатып алынуымен, сондай-ақ онда су пайдалану деңгейі жоғары жалға алушылардың (фитнес-орталық, бассейн және т.б.) болуымен байланысты. Бұл ретте су алудың ұлғаюы су бұру көлемінің салыстырмалы өсуімен қатар жүреді және су тұтыну көрсеткішіне салмақты әсер етпейді.