Мүдделі тараптармен өзара іс-қимыл — Отбасы Банк

Банк негізгі мүдделі тараптармен сапалы және тұрақты өзара қарым-қатынастарды қолдауға ұмтылады және негізгі шешімдерді қабылдау мен операциялық қызметті жүргізу кезінде олардың мүдделерін ескереді.

Мүдделі тараптармен өзара іс-қимыл қағидаттары мен рәсімдерін Корпоративтік басқару кодексі және Тұрақты даму саясаты айқындайды.

Директорлар кеңесі негізгі мүдделі тараптармен онлайн-құралдар және жеке кездесулер арқылы белсенді диалог құру қағидатын ұстанады, сондай-ақ Банктің жария есептері арқылы стейкхолдерлер үшін ақпараттың ашылуын қадағалайды.

Банк мүдделі тараптарды Банктің операциялық қызметіне ықпал ете алатын немесе оның қызметінің әсеріне ұшырайтын тараптар ретінде айқындайды. Банкте негізгі мүдделі тараптардың тізбесін және олардың ықпал ету дәрежесін белгілейтін Стейкхолдерлер картасы бекітілген. Карта әрбір стейкхолдермен жұмыс істеудің тиімді стратегиясын қалыптастыру үшін Банктің іскерлік ортасы туралы ақпаратты жүйелеуге және көрнекі түрде ұсынуға арналған. Стейкхолдерлерді айқындау және олармен жұмыс жүргізу бизнестің іскерлік беделін, компанияның капиталдануын арттыруға, сондай-ақ барлық мүдделі тұлғалармен тиімді әрі теңгерімді қарым-қатынас орнатуға бағытталған құралдардың бірі болып табылады. Осы құжатпен Банктің hcsbk.kz ресми сайтындағы «Тұрақты даму / ESG саясаттары» бөлімінде танысуға болады.

Мүдделі тараптардың негізгі топтары олардың Банкке ықпал ету деңгейіне және Банктің мүдделі тараптарға ықпал ету деңгейіне қарай таңдалды.

№	Стейкхолдерлер	Мүдделері/уәждері	Ықпал ету құралдары	Өзара іс-қимыл стратегиясы
1	Жалғыз акционер	Банктің Жалғыз акционері - «Бәйтерек» ҰИХ» АҚ мүдделерін сақтау	Қазақстан Республикасының заңнамасы, Жарғы, Банктің ішкі құжаттары	Қазақстан Республикасының заңнамасына сәйкес негізгі шешімдерді тиімді қабылдауға бағытталған корпоративтік басқару қағидаттары шеңберінде Жалғыз акционердің құқықтарын іске асыруды қамтамасыз ету
2	Басқару органы	Жалғыз акционердің айрықша құзыретіне жатқызылған мәселелерді қоспағанда, Банктің қызметіне жалпы басшылық жасау	Қазақстан Республикасының заңнамасы, Жарғы, Банктің ішкі құжаттары	Қызметтің басым бағыттарын, Банктің даму стратегиясын айқындау
3	Менеджмент	Қазақстан Республикасының заңнамасымен және Банктің Жарғысымен Жалғыз акционердің және Директорлар кеңесінің құзыретіне жатқызылмаған Банк қызметінің кез келген мәселелері бойынша шешімдер қабылдау	Қазақстан Республикасының заңнамасы, Жарғы, Банктің ішкі құжаттары	Жалғыз акционердің, Банктің Директорлар кеңесінің шешімдерін орындау. Даму жоспарларын және Банктің қызметіне қатысты басқа да мәселелерді дайындау және іске асыру
4	Персонал	Жұмыс берушімен еңбек қатынастары, еңбек шарты бойынша міндеттемелерді тікелей орындау	Еңбек кодексі, еңбек шарты, Банктің ішкі құжаттары	Банктің міндеттері мен функцияларын іске асыруға бағытталған лауазымдық өкілеттіктерді орындау
5	Мемлекеттік органдар	Қазақстан Республикасының заңнамасында бекітілген заңнамалық функцияларды жүзеге асыру	Қазақстан Республикасының заңнамасы	Қазақстан Республикасы заңнамасының сақталуын бақылау.
6	Инвесторлар	Пайда алу	Инвестициялау, ынтымақтастық/әріптестік туралы келісімдер шеңберіндегі шарттық қатынастар	Инвестицияланатын қаражат бойынша негізгі борыш пен сыйақыны бірінші кезекте төлеу, қаржыландыруға тәуелділікті болдырмау
7	Қаржы институттары	Пайда алу	Инвестициялау, ынтымақтастық/әріптестік туралы келісімдер шеңберіндегі шарттық қатынастар	Инвестицияланатын қаражат бойынша негізгі борыш пен сыйақыны бірінші кезекте төлеу, қаржыландыруға тәуелділікті болдырмау
8	Жеткізушілер	Пайда алу, бәсекеге қабілеттілік деңгейін арттыру	Тауарларды жеткізу, жұмыстарды орындау, қызметтер көрсету шеңберіндегі шарттық қатынастар	Сатып алу процесін ұйымдастыруға қойылатын талаптарды сақтау
9	Серіктестер	Коммерциялық мүдделер	Шарттық қатынастар	Ынтымақтастық және өзара түсіністік туралы шарттар мен келісімдер жасасу. Бизнес-процестерді жетілдіру және оларды автоматтандыру. Шарттық қатынастардың орындалуын бақылау
10	Клиенттер, тұтынушылар	Тұрғын үй құрылыс жинақтары нарығындағы өнімдер мен қызметтер желілерінің сапасы және қолжетімділігі	Клиенттердің қалауы мен қанағаттанушылығы	Тұрғын үй құрылыс жинақтары нарығындағы өнімдер мен қызметтердің сапасы мен қолжетімділігін арттыру
11	Аудиторлар	Қаржылық аудит бойынша қызметтер көрсету	Шарттық қатынастар	Аудиторлық қызметтер көрсету бойынша шарттар жасасу. Қаржылық есептілік аудиті, сыртқы аудит
12	Консалтингтік ұйымдар	Консалтингтік қызметтер көрсету	Шарттық қатынастар	Консалтингтік қызметтер көрсету бойынша шарттар жасасу. Бизнес-процестерді жетілдіру. Шарттық қатынастардың орындалуын бақылау
13	Халық	Тұрғын үй құрылыс жинақтары нарығындағы өнімдер мен қызметтер желілерінің сапасы және қолжетімділігі	Қоғамдық пікір. Жоғары тұрған және реттеуші органдарға, БАҚ-қа өтініштер	Бедел аудиті, қоғамдық пікір сауалнамалары, коммуникациялық стратегияны іске асыру. Банктің қаржылық және қаржылық емес есептілігін жариялау. Әлеуметтік жауапкершілік, қызметтің ашықтығы және тұрақты даму қағидаттарына іс жүзіндегі бейілділікті көрсету. Қосымша әлеуметтік міндеттемелер қабылдау, өзекті әлеуметтік проблемаларды шешу. Қайырымдылық қызмет
14	Қоғамдық ұйымдар	Қоғамдық, мемлекеттік емес ұйымдардың қызметі шеңберіндегі әртүрлі мәселелер	Жарғы, шарттық қатынастар	Қазақстан Республикасының заңнамасын сақтау, жергілікті қоғамдық қызметті қолдау, қайырымдылық, қамтамасыз ету, қоршаған ортаға қамқорлық жасау. Жұмыспен қамту, әлеуметтік жауапкершілік
15	Бұқаралық ақпарат құралы	Банктің қызметі туралы жарияланымдар және ақпараттандыру	Банктің қызметі туралы жарияланымдар және ақпараттандыру	Қазақстан Республикасының заңнамасын сақтау, БАҚ-пен екіжақты және көпжақты қатынастарды дамыту
16	Бәсекелестер	Халықтың салымдары нарығында, тұрғын үй салу және сатып алу мақсатындағы ипотекалық кредиттеу нарығында, ипотекалық кредиттеу нарығында қатысу үлесін ұлғайту	Заманауи технологияларды қолдану, қаржы нарығында көрсетілетін қызметтер мен өнімдердің сапа деңгейін арттыру, белсенді жарнамалық науқан, халықтың салымдары нарығында жаңа өнімдер мен қызметтер желілерін әзірлеу және енгізу	Бәсекелестер тарапынан қарсы іс-қимыл деңгейін төмендету стратегиясы: бәсекелестер үшін тартымсыз шарттарда ынтымақтастық; персоналдың Банкке бейілділік деңгейін арттыру; елдегі қатысу аясын кеңейту; тұрғын үй құрылыс жинақтары нарығында жаңа өнімдер мен қызметтер желілерін әзірлеу және енгізу; міндеттерді өзара тиімді шешу үшін кооперация

Банктің мүдделі тараптармен өзара іс-қимылын ұйымдастыру процесі тартылу қағидатына негізделген, ол Банк қызметін басқару процесінің барлық кезеңдерінде мүдделі тараптардың мүдделерін ескеруді және мүдделі тараптарды маңызды тақырыптар мен өзекті мәселелерді, ықтимал тәуекелдер мен жауапкершілік шектерін талқылауға тартуды білдіреді.

Өзгерістер туралы тұрақты түрде ақпараттандыру үшін Банк стейкхолдерлерді тартудың әртүрлі әдістерін және өзара іс-қимыл тетіктерін пайдаланады, мысалы, ашық дереккөздерде ақпараттандыру (Банктің hcsbk.kz ресми сайты, Банктің әлеуметтік желілері), қанағаттанушылық сауалнамалары және кері байланыс тетіктері және т.б. Өзара іс-қимыл тетіктеріне бірлескен бағдарламалар мен жобалар, ынтымақтастық туралы меморандумдар жасасу, дөңгелек үстелдер өткізу және ақпарат жариялау кіреді. Өзара іс-қимыл Банктің стратегиялық жоспарлау, қаржылық және операциялық қызмет, жобаларды басқару сияқты әртүрлі жұмыс бағыттарын қамтиды. Әрбір мүдделі тарап өз кезегінде Банктің стратегиялық мақсаттарына қол жеткізуде маңызды рөл атқарады.

Банкте Жалғыз акционерді, клиенттерді, контрагенттерді және инвесторларды қоса алғанда, стейкхолдерлермен тиімді өзара іс-қимыл жасауға бағытталған кешенді коммуникациялық стратегия іске асырылады, ол он жылдық кезеңге әзірленген. Стратегияда коммуникация әдістері сипатталған, сондай-ақ диалогтың нақты іс-шаралары мен күтілетін нәтижелері көрсетілген. Коммуникациялық стратегия құрамына кіретін медиажоспар ақпаратты таратудың тоқсандық және айлық жоспарларын, тарату әдістері мен арналарын, оның ішінде БАҚ-пен бейресми кездесулерді, клиенттер мен Банктің басқа да стейкхолдерлерінің қатысуымен жыл сайынғы іс-шараларды айқындайды.

Стейкхолдерлердің Банк үшін маңыздылығын айқындау үшін стейкхолдерлер сауалнамасын қамтитын бедел аудиті жүргізіледі. Нәтижесінде клиенттерге сауалнама жүргізудің жыл сайынғы нәтижелері белгіленеді, олардың мақсаты кері байланыс жинау және одан әрі жақсарту бағыттарын айқындау болып табылады. Алынған нәтижелер жоспарлауға және жұмыс тиімділігіне ықпал етеді.

Банктің әрбір стейкхолдермен өзара іс-қимыл стратегиясын, сондай-ақ ықпал ету құралдарын Банктің құрылымдық бөлімшелері қызмет ерекшелігіне қарай дербес айқындайды.

Банктің мүдделі тараптардан сұрақтар және/немесе шағымдар алу тетіктері және оларға уақтылы ден қою тәртібі, оның ішінде шағымдарды қарау тетіктері мен сыртқы коммуникация тетіктері Банктің hcsbk.kz ресми сайтында «Тұрақты даму» / «Корпоративтік жауапкершілік» бөлімінде көрнекі түрде ұсынылған.

Мүдделі тараптармен өзара іс-қимыл жасауға жауапты Банк қызметкерлері Банктің тиісті өндірістік құжаттарымен айқындалады және олардың байланыс деректері Банктің hcsbk.kz ресми сайтында «Тұрақты даму» / «ESG байланыстары» бөлімінде орналастырылады.

Есепті PDF-форматта жүктеп алу