Директорлар кеңесі мен оның комитеттерінің қызметін бағалау жыл сайынғы негізде жүргізіледі. Бұл ретте Бағалау кемінде үш жылда бір рет тәуелсіз кәсіби ұйымды тарта отырып жүргізіледі.

Директорлар кеңесі бағалау келесідей жүргізе алады:

• Қазақстан Республикасы заңнамасының не ішкі құжаттардың талаптарына сәйкес өз күштерімен;
• корпоративтік басқару рейтингтерін беретін тәуелсіз консультанттарды, кәсіби қауымдастықтар мен ұйымдарды тарта отырып іс-шаралар өткізу;
• басқа жолдармен.

2024 жылы Директорлар кеңесінің, комитеттердің және Директорлар кеңесі мүшелерінің жұмысын бағалау өз күшімен жүргізілді. Бағалау нәтижелері Директорлар кеңесінің 2024 жылғы 30 сәуірдегі жабық отырысында бекітілді (№ 6 хаттама).

Директорлар кеңесінің жұмысын бағалау қорытындысы бойынша мыналар атап өтіледі:

• Банктің Директорлар кеңесі жеткілікті көңіл бөледі және шешім қабылдау кезінде қойылған мақсаттарға қол жеткізуге және Банктің және оның Жалғыз акционерінің мүдделерін қорғауға бағдарланады;
• Директорлар кеңесі Банктің қаржы-шаруашылық қызметін тиісті бақылау үшін барлық қажетті құралдарға ие;
• Директорлар кеңесі стратегиялық міндеттердің орындалу барысына тұрақты мониторинг және бағалау жүргізеді, Банктің Директорлар кеңесінің сандық құрамы Банктің қажеттіліктеріне сәйкес келмейді;
• Директорлар кеңесі мен атқарушы орган Банктің қызметіне елеулі әсер етуі мүмкін негізгі тәуекелдерге тиісті дәрежеде назар аударады;
• Директорлар кеңесінде болашақ мақсаттарға, стратегияға, саясатқа, ірі инвестициялық жобаларға қатысты маңызды шешімдер қабылдауға жеткілікті уақыт пен ақпарат бар;
• Директорлар кеңесінің төрағасы Директорлар кеңесін тиімді басқарады;
• Директорлар кеңесінің төрағасы бақылауды жүзеге асыру және Банктің стратегиясын әзірлеу жөніндегі міндеттерді тиісті деңгейде орындайды;
• Дағдылар мен біліктіліктер Банктің Директорлар кеңесінде барынша дәрежеде ұсынылуы тиіс: Талдамалық қабілеттер, Қазақстан заңнамасын білу;
• Директорлар кеңесінің отырыстары әрқашан Банктің Директорлар кеңесінің жұмыс жоспарына сәйкес өткізілмейді;
• Директорлар кеңесінің отырыстары кезіндегі баяндамалар әрқашан теңдестірілген шешімдер қабылдау үшін жеткілікті нақты ақпарат бере бермейді;
• Директорлар кеңесінің отырыстарында әр мәселені талқылауға жеткілікті уақыт бөлінеді;
• Директорлар кеңесінің мүшелері өздерінің бақылау функцияларын тиімді орындау үшін Банктің қызметін және оның ерекшелігін зерттеуге жеткілікті уақыт бөледі.

Директорлар кеңесі комитеттерінің жұмысын бағалау қорытындысы бойынша Директорлар кеңесінің мүшелері комитеттердің кәсіби құрамы мен жұмысын жоғары бағалады.

«Бәйтерек» ҰБХ» АҚ Басқармасының 2024 жылғы 7 тамыздағы шешімімен «Бәйтерек» ҰБХ» АҚ Корпоративтік басқару кодексіне сәйкес келтіру үшін Банктің корпоративтік басқару кодексіне өзгерістер мен толықтырулар енгізілді.