Есепті жылдың негізгі оқиғалары

Есепті жыл ішінде Банк өзінің өнім түрлерін дамыту және кеңейту бойынша белсенді жұмыс жүргізді, атап айтқанда:
- өңірлік бағдарламалар аясында өңірлердің әкімдіктерімен ынтымақтастық туралы келісімдер жасалды;
- жастардың өңірлік бағдарламалары бойынша ынтымақтастық туралы келісімдер жасалды;
- «Корпоративтік» өнімі аясында «Қазхром» ТҰК» АҚ, «KazSMU» ЖШС, «БК-СТРОЙ» ЖШС, «Шебер-СВТ» ЖШС, «Соколов-Сарыбай тау-кен байыту өндірістік бірлестігі» АҚ, «Богатырь Көмір» ЖШС, «Еуроазиялық энергетикалық корпорациясы» АҚ, «Daily food Astana» ЖШС, «Daily food ltd» ЖШС кәсіпорындармен ынтымақтастық кеңейтілді;
- «OKS – SHYMCITY» ЖШС, Қостанай және Ақтөбе облысының әкімдіктерімен кейінгі сатып алумен жалға берілетін тұрғын үй жобасы бойынша ынтымақтастық туралы келісімдер жасалды.
2024 жылы Банк басшылығының құрамында өзгерістер болды. Банк Басқармасының құрамы өзгертілді. Енгізілген өзгерістерді ескере отырып, Банк Басқармасы жеті адамнан тұрады: Ибрагимова Л.Е., Айдарбекова А.К., Әзімбеков М.М., Ақшанов Н.С., Распекова Э.С., Қаирбеков И.У., (01.01.2024 – 29.08.2024), Савченко В.А., (01.01.2024 – 19.07.2024), Матай Ж.О., (26.08.2024 – қазіргі уақытқа дейін), Талтусов Р.А. (30.10.2024 – қазіргі уақытқа дейін).
Әлеуметтік облигациялар шығарылды. 2024 жылы Банк үшінші облигациялық бағдарлама бойынша жылдық 14,25 % (170,50 миллиард теңге) және жылдық 15,25 % (39,349 миллиард теңге) бес жылдық әлеуметтік облигацияларды орналастыру арқылы KASE жалпы сомасы 209,849 миллиард теңгеге ақшалай қаражат тартты.
Банктің 2 134 279 салымшысына мемлекеттік сыйлықақы төленді. 2024 жылдың қорытындысы бойынша Банк клиенттерінің депозиттеріне барлығы 92,9 млрд теңге аударылды.
Банк «AQYL» білім беру жинақтау салымын ашуды бастады, бұл Қазақстан азаматтарына елде де, шетелде де кәсіптік, техникалық және жоғары білім алу үшін жүйелі түрде қаражат жинауға мүмкіндік берді. «AQYL» салымы іске қосылғаннан бері 70 220 астам депозит ашылды, бұл халық арасында бұл өнімге деген сұраныстың жоғары екенін көрсетеді.
Банк аралық тұрғын үй қарыздарын алу үшін бағалау көрсеткішінің ең төменгі талап етілетін мәнін 5-ке дейін көтерді, тұрғын үй құнының 50 % мерзімінен бұрын жинақтаған салымшылар аралық тұрғын үй қарызына жүгінуден бұрын бағалау көрсеткішінің ең төменгі мәніне алдын ала қол жеткізуі керек. Осылайша, салымшылардың жинақ тәртібі артып, қарыздар бойынша артық төлемдер азаяды.
Банк өзінің 20-шы филиалы – Ұлытау облыстық филиалын ашты.
Қазақстан азаматтарының тұрғын үй жағдайын жақсартуға бағытталған «Отау» және «Наурыз» тұрғын үй бағдарламалары іске қосылды. «Отау» және «Наурыз» тұрғын үй бағдарламалары бірдей шарттарды ұсынады, бірақ «Наурыз» бағдарламасы Қазақстан Республикасы Президентінің тапсырмасы бойынша әзірленген әлеуметтік бағдарлама, сонымен қатар 2024–2031 жылдар аралығын қамтиды. «Отау» және «Наурыз» тұрғын үй бағдарламалары азаматтардың кең ауқымын, соның ішінде ауылдар мен аудан орталықтарының тұрғындарын қолжетімді ипотекалық кредиттеуді қамтамасыз етіп отыр. Халықтың әлеуметтік осал топтары үшін қарыз бойынша жеңілдікті мөлшерлеме қарастырылған, ол 7 %-дан аспайды.
Отбасы банк «Асыл мекен» пилоттық жобаны іске асыруды бастады. Бағдарлама аясында ауылдық елді мекендерде тұрғын үйлерді пайдалануға берілген бастапқы нарықтағы тұрғын үйлерді де, қайталама нарықтағы тұрғын үйлерді де (пәтерлер, тұрғын үйлер) сатып алуға, сондай-ақ жеке тұрғын үй құрылысына (жер учаскесін сатып алуды қоса алғанда) қарыз алуға болады. Бұл жоба Қазақстан Республикасы Президентінің тапсырмасы бойынша Банктің қызметін облыс орталықтарынан аудандарға, моноқалалар мен ауылдарға қайта бағыттау, ауылдық инфрақұрылымды дамытуға және ауыл тұрғындарының тұрғын үйге қол жетімділігін арттыру мақсатында жүзеге асырылуда. Оны жүзеге асыру үшін Банк 2 миллиард теңге бөлді, соның арқасында ауылдық аймақтардағы 208 отбасы баспана сатып алды немесе үй құрылысына қаржы алды.
Халықаралық рейтинг агенттігі Moody’s Investors Service Отбасы банктің («Бәйтерек» холдингтің еншілес ұйымы) ұлттық валютадағы депозиттер бойынша Baa2 деңгейінен Baa1 деңгейіне дейін ұзақ мерзімді рейтингін көтерді. Болжам – «Тұрақты».
Банк «Элет Капитал» микроқаржылық компаниясы» ЖАҚ ынтымақтастық туралы Меморандумға қол қойды. Тараптар алдағы уақытта Меморандум аясында тәжірибе алмасуды қолдауға ипотекалық кредиттерді дамыту мәселелері бойынша кездесулер/семинарлар/форумдар/дөңгелек үстелдер/конференциялар өткізуге ниетті.
Отбасы банк алғаш рет Sustainable Fitch агенттіктен ESG-рейтингін «3» деңгейінде алды. Ол Банктің Тұрақты даму қағидаттарына бейілділігін растайды және оның тұрғын үйге қолжетімділік және халықтың әлеуметтік осал топтарын қолдау сияқты әлеуметтік маңызы бар міндеттерді шешуге қосқан үлесін атап көрсетеді.
Мемлекет басшысы Қасым-Жомарт Тоқаев «Қазақстан Республикасының кейбір заңнамалық актілеріне тұрғын үй саясатын реформалау мәселелері бойынша өзгерістер мен толықтырулар енгізу туралы» заңға қол қойды. Бұл заң Отбасы банкке («Бәйтерек» холдингтің еншілес ұйымы) ұлттық даму институты мәртебесін және оған тұрғын үй кезегін орталықтандырылған түрде жүргізу құқығын береді.
ҚР ИИДМ Тұрғын үй жағдайын жақсарту үшін біржолғы зейнетақы төлемдерін пайдалану ережелеріне енгізген түзетулер аясында біржолғы зейнетақы төлемдерінен тұратын қаражатты жинақтау (сақтау) мерзімі Отбасы банкіндегі депозиттерде 6 жылға дейін ұлғайтылды. Бұл енді артық зейнетақыны Отбасы банкіндегі депозитке аударуға және одан 6 жылдан аспайтын мерзімге (бұрын 3 жыл болған) жинақтауға болатындығын білдіреді.
Мемлекет басшысының Жолдауын қолдау аясында Банк «Ұлттық қор – балаларға» бағдарламасына бірінші болып қатысты, оның аясында республика азаматтарының тұрғын үй жағдайын жақсартуға және білім алуға арналған мақсатты жинақтарын пайдалану үшін ағымдағы шоттарды ашады және төлемдер жүргізеді. 2024 жылдың соңында Банк арқылы 31 889 азамат жалпы сомасы 1,673 млрд теңгені құрайтын мақсатты жинақ төлемдерін пайдаланды, оның ішінде: Тұрғын үй жағдайын жақсартуға 24 458 өтінім (тұрғын үй құрылыс жинақ Банкінің және Ақыл салымдарын толықтыру) жалпы сомасы 1,188 млрд теңгеге және жалпы сомасы 344 млн теңгеге 7 299 оқу өтінімі.
Отбасы банк пен Азия даму Банкі өзара түсіністік туралы Меморандумға қол қойды: Қазақстан Республикасында инклюзивті және жасыл тұрғын үйді қаржыландыруға жәрдемдесу жобасы. Құжатқа Қазақстан Республикасының Премьер-министрі Олжас Бектеновтың төрағалығымен өткен жаһандық инвестициялар жөніндегі қазақстандық дөңгелек үстел (KGIR-2024) барысында қол қойылды. Отбасы банк пен АДБ арасында қол қойылған құжат гендерлік теңдікті ілгерілетуге, экономикалық өсудің тұрақтылығына және Қазақстандағы құрылыстың «жасыл» дамуын қолдауға ықпал ететін болады.
Банк Қазақстан құрылысшылар одағымен және исламдық қаржы және бизнес қауымдастығымен (AIFB) Қазақстанда Исламдық қаржыландыру мен исламдық ипотеканы дамыту туралы меморандумға қол қойды. Сонымен қатар, CSQlaw Kazakhstan Branch – малайзиялық компанияның Қазақстандағы филиалымен меморандум жасалды. Тараптардың әріптeстік қатынастары мен бірлескен ынтымақтастық Қазақстанда исламдық қаржыландыру және исламдық ипотека құралдарын дамытуға және ілгерілетуге ықпал ететін болады. Елімізде мұсылман практиктерінің саны артып келеді, ал 2024 жылдың қорытындысы бойынша 2 миллионға жуық адам бар, сәйкесінше ислам Банкингіне сұраныс артып келеді. Банк 2025 жылы шариғат талаптарына жауап беретін депозиттер мен кредиттерді әзірлеу және сату мүмкіндігін қарастырады.