БҰҰ Тұрақты даму мақсаттарына жетудегі Банктің үлесі

• әлеуметтік жобалар мен бағдарламаларды іске асыру;
• қаржылық қызметтердің қолжетімділігін арттыруға бағытталған бастамаларды іске асыру;
• қайырымдылық және демеушілік көмек.

• Банк қызметкерлерінің қауіпсіз еңбек жағдайларын жасау және денсаулығын сақтау;
• қызметкерлерді әлеуметтік қолдау.

• оқу бағдарламаларын құру және банк персоналын оқытуды ұйымдастыру;
• банк қаражаты есебінен қызметкерлердің кәсіби дамуын қолдау.

• әйелдерді қолдауға бағытталған бастамаларды іске асыру;
• арнайы әйелдер тұрғын үй бағдарламаларын іске асыру;
• тең жұмыс жағдайлары мен мансаптық мүмкіндіктерді құру;
• қызмет пен сыйақыны бағалаудың тең жүйесін қамтамасыз ету.

• лайықты еңбек жағдайларын қамтамасыз ету;
• тауар өңірлердің дамуына әсер ету және сабақтас салаларға және тұтастай экономикаға мультипликативті әсер ету.

• сандық технологияларды енгізу;
• Банктің бизнес-процестерін автоматтандыру.

• Тұрғын үй қолжетімділігін қамтамасыз ету;
• Қалалардың экологиялығы бойынша бастамаларды қолдау және іске асыру.

• Электр қуатын үнемдеу мәдениетін арттыру;
• Ресурстарды (электр қуатын тұтыну, суды тұтыну) тұтынуды қысқарту;
• Банктің бизнес-процестерін автоматтандыру арқылы қағаз құжат айналымын оңтайландыру.

• Тұрақты даму мүддесі үшін ынтымақтастық пен серіктестік қатынастарды қолдау.

БҰҰ тұрақты даму міндеттері

Кедейлікті жою жөніндегі іс-шараларға жедел инвестициялауға жәрдемдесу үшін кедейлердің мүдделері мен гендерлік аспектілерді ескеретін даму стратегияларына негізделген ұлттық, өңірлік және халықаралық деңгейлерде сенімді стратегиялық механизмдер құру

Банктің үлесі

әлеуметтік жобалар мен бағдарламаларды іске асыру:

Әлеуметтік тұрғын үй бағдарламасын іске асыру үшін 209,9 млрд теңге әлеуметтік облигациялар шығарылды.

Жалпы портфельдегі «әлеуметтік» ипотеканың пайызы 39 %-ды құрайды. 2024 жылдың қорытындысы бойынша Банктің әлеуметтік кредиттер портфелі 1 363 млрд теңге сомасына 93 584 қарызды құрайды.

Сондай-ақ, мемлекеттік органдармен және сыртқы серіктестермен бірлескен бірқатар басқа да әлеуметтік жобалар іске асырылды, олар бойынша толығырақ ақпарат «әлеуметтік бағдарламаларды іске асыру» бөлімінде келтіріледі.

қаржылық қызметтердің қолжетімділігін арттыруға бағытталған бастамаларды іске асыру:

Халық үшін қаржылық қызметтердің қолжетімділігін арттыру үшін Банк ең төменгі тарифтер саясатын ұстанады. Банк тұрғын үй құрылысы жинақтары туралы шарт жасасқаны және шарт сомасын ұлғайтқаны үшін комиссияны нөлдеу туралы шешім қабылдады.

2024 жылы Банк төтенше жағдайларда клиенттерді қолдауға бағытталған тарифтер жүйесіне өзгеріс енгізді:

• кепілді қамтамасыз ету апаттық деп танылған не дүлей зілзала салдарынан бүлінген жағдайда кепілді ауыстырғаны үшін комиссия алмау.

Сондай-ақ, Банк өз клиенттеріне өнімдердің кең ассортиментін, ыңғайлы сервисті, оның ішінде қашықтықтан қызмет көрсету арналарын ұсынады, цифрлық технологияларды үнемі дамытады, киберқауіпсіздікті қамтамасыз етеді.

қайырымдылық және демеушілік көмек:

Жыл бойы Банк қызметкерлері түрлі нысандағы қайырымдылық жобаларына белсенді қатысты, сондай-ақ Банк қызметкерлері су тасқынынан зардап шеккендерге көмек көрсету, жасыл желектерді отырғызу, жетім балалар мен ата-анасының қамқорлығынсыз қалған балаларды тәттілер түріндегі жаңа жылдық сыйлықтармен және мүгедек балаларды кеңсе жиынтығымен қамтамасыз ету бойынша қоғамдық ұйымдардың бастамаларына оқу жылының басталуы және т.б. белсенді қатысты.

БҰҰ тұрақты даму міндеттері

Денсаулық сақтау қызметтерімен жалпы қамтуды, оның ішінде қаржылық тәуекелдерден қорғауды, сапалы негізгі медициналық-санитарлық қызметтерге қол жеткізуді және барлығына қауіпсіз, тиімді, сапалы және арзан негізгі дәрілік заттар мен вакциналарға қол жеткізуді қамтамасыз ету

Банктің үлесі

Қауіпсіз еңбек жағдайларын жасау және Банк қызметкерлерінің денсаулығын сақтау:

Ауру себебімен жұмыс орнында болмау коэффициенті 0,02 %-ды құрады, бұл ретте:

• уақытша еңбекке жарамсыздық жарақаттарының жиілік коэффициенті (LTIFR) – 0 %;
• жазатайым оқиғалардың жиілік коэффициенті (LTAFR) – 0 %;
• жазатайым оқиғалардың ауырлық коэффициенті – 0 %;
• өлім жарақатының жиілік коэффициенті – 0 %;
• кәсіптік сырқаттанушылық коэффициенті – 0 %;
• жоғалған күндердің коэффициенті – 0 %.

қызметкерлерді әлеуметтік қолдау:

Банк қызметкерлерге кең әлеуметтік пакеттің құрамына кіретін жеңілдіктер мен өтемақылар ұсынады. Банк өз қызметкерлеріне әлеуметтік қолдаудың мынадай түрлерін ұсынады: белгілі бір өмірлік жағдайлар үшін материалдық көмек, ерікті медициналық сақтандыру бағдарламасы (ауырған жағдайда сақтандыру), жұмыс орнының өзгеруі жағдайлары бойынша өтемақы төлемдері, тұрғын үй мәселелерін шешуге жәрдемдесу. Сондай-ақ Банк қызметкерлерге спорт клубтарына абонементтер құнының 50 %-ды өтейді.

БҰҰ тұрақты даму міндеттері

2030 жылға қарай жұмысқа орналасу, лайықты жұмыс алу және кәсіпкерлік қызметпен айналысу үшін талап етілетін дағдылары, оның ішінде кәсіптік-техникалық дағдылары бар жастар мен ересектер санын едәуір ұлғайту.

Банктің үлесі

оқу бағдарламаларын құру және банк персоналын оқытуды ұйымдастыру, Банк қаражаты есебінен қызметкерлердің кәсіби дамуын қолдау:

Сыртқы оқытудан 2024 жылы Банктің 985 қызметкері өтті, бұл оқытылған қызметкерлердің жалпы санының 66 %-ды құрайды. Банктің орталық аппаратының 15 қызметкері тұрақты даму және ESG тақырыптарында сыртқы оқытудан өтті.

2024 жылы ішкі оқытумен 1 494 қызметкер қамтылды, бұл қызметкерлердің жалпы санының 100 %-ын құрайды.

БҰҰ тұрақты даму міндеттері

Әйелдердің жан-жақты және нақты қатысуын және олар үшін саяси, экономикалық және қоғамдық өмірде шешім қабылдаудың барлық деңгейлерінде көшбасшылық үшін тең мүмкіндіктерді қамтамасыз ету. Барлық әйелдерге қатысты кемсітушіліктің барлық түрлерін жою.

Банктің үлесі

әйелдерді қолдауға бағытталған бастамаларды іске асыру:

Персонал санының құрылымында әйелдердің үлесі 58 %-ды құрайды (1 494 қызметкердің 869 әйелдер).

Банктің корпоративтік басқару кодексінің ережелеріне сәйкес, Директорлар кеңесі, сондай-ақ Банк Басқармасы құрамындағы әйелдердің ұсынылатын саны Директорлар кеңесі мен Банк Басқармасы мүшелерінің жалпы санының кемінде отыз пайызын құрайды. Осылайша, Банктің Директорлар кеңесі құрамындағы әйелдердің өкілдігі 40 %-ды құрайды (Директорлар кеңесінің 5 мүшесінен 2 әйел). Банктегі жоғары буын басшылық лауазымдарын (Басқарма мүшелері) 7 қызметкер атқарады, олардың 43 %-ы әйелдер (3 әйел).

Банктегі кіші, орта және жоғары басшылық лауазымдарды қоса алғанда, басшылық лауазымдардың 46 %-ы әйелдер (барлық басшылық лауазымдардағы қызметкерлер санынан, оның ішінде кіші, орта және жоғары басшылық лауазымдардан) алады. Банк қызметкерлерінің әйелдері туралы толығырақ мәліметтер «әртүрлілік және тең мүмкіндіктер» бөлімінде келтірілген.

арнайы әйелдер тұрғын үй бағдарламаларын іске асыру:

Банк Азия даму банкімен ынтымақтастықта «Ұмай» ипотека бағдарламасы аясында 41,3 млрд теңге сомасына 3,7 мың әйелге қолдау көрсетті.

Банктің клиенттері жеке тұлғалар болып табылады. 2024 жылдың қорытындысы бойынша салымшы клиенттерден әйелдер 59 % және ерлер 41 %, қарыз алушы клиенттерден әйелдер 55 % және ерлер 45 %-ды құрады. Ерлер мен әйелдер үшін ипотекалық кредиттеу шарттары бірдей болғанымен, Банктің қарыздар бойынша мәліметтер базасын талдау ерлер мен әйелдерге арналған несиелер арасындағы кейбір айырмашылықтарды көрсетеді. Мәселен, әйелдерге қарыздың орташа сомасы ерлерге қарағанда аз (16,8 млн теңге 19,5 млн теңге қарсы); әйел қарыз алушылардың орташа жасы ерлерге қарағанда жоғары (42 қарсы 39); әйелдер ерлерге қарағанда бірлескен қарыз алушылар болып жиі қатысады (14 % қарсы 8 %); әйелдер төлей алатын бастапқы жарна ерлерге қарағанда төмен (Банктің тұрғын үй несиелерінде әйелдердің үлесі 52 %-ды құрайды).

тең жұмыс жағдайлары мен мансаптық мүмкіндіктер жасау:

Банктің кадр саясаты, тұрақты даму саясаты, жыныстық, жас, нәсілдік, саяси, діни және басқа да осыған ұқсас себептер бойынша кемсітушіліктің алдын алу жөніндегі мәселелерді реттейтін Іскерлік әдеп кодексі бар.

Банкте омбудсмен институты, Іскерлік әдеп кодексін сақтамау туралы мәліметтерді жинау үшін келісім комиссиясы жұмыс істейді. Банк омбудсменінің позициясын әйел алады.

Есепті жылы кемсітушілік жағдайлары болған жоқ.

қызметті бағалаудың және сыйақының тең жүйесін қамтамасыз ету:

2024 жылы жұмыскерлерге санаты бойынша ерлер мен әйелдердің орташа базалық жалақысының арақатынасы 1:0,8 құрады.

БҰҰ тұрақты даму міндеттері

Тұрақты, толық қамтылған және тұрақты экономикалық өсуге, толық және өнімді жұмыспен қамтуға және барлығына лайықты жұмысқа жәрдемдесу

Банктің үлесі

лайықты еңбек жағдайларымен қамтамасыз ету:

Банк 2 714 адамды лайықты еңбек жағдайларымен қамтамасыз етеді (Банк қызметкерлерінің нақты саны – 1 494 бірлік, штаттан тыс қызметкерлер – 70 бірлік, консультант-агенттер – 1 150 бірлік). Оның ішінде мүгедектігі бар Банк қызметкерлерінің саны – 14 бірлік.

Банк БҰҰ жаһандық шартының қағидаттарын, корпоративтік басқару кодексін, тұрақты даму саясатын, адам құқықтарын сақтау және еңбек қатынастарын құру саласындағы еңбек қатынастары мен ішкі еңбек тәртібі Ережелерін басшылыққа алады. Еңбек қатынастары практикасын бұзғаны үшін есепті жылы банкке берілген шағымдар жоқ. Балалар мен мәжбүрлі еңбекті пайдаланатын, сондай-ақ жас қызметкерлердің қауіпті жұмыстарды орындайтын бөлімшелері жоқ.

Банкте жұмыс беруші мен қызметкерлер арасында ұжымдық шарт жасалды. Банкте қызметкерлердің жалпы санының 100 % ұжымдық шарттармен қамтылған.

өңірлердің дамуына әсер ету және сабақтас салаларға және тұтастай экономикаға мультипликативтік әсер ету:

Банк өз қызметі шеңберінде өңірлердің дамуына елеулі әсер етеді, демек, аралас салаларға және тұтастай экономикаға мультипликативтік әсер етеді. Халық үшін кредиттік қаражаттың қолжетімділігін арттыру шеңберінде тұрғын үй салуға арналған қаражатты пайдаланудың револьверлік қағидаты қамтамасыз етіледі. 2024 жылдың қорытындысы бойынша Қазақстан Республикасы бойынша 12 120 785 шаршы метр тұрғын үй (көппәтерлі тұрғын үйлер) пайдалануға берілді. Оның ішінде Банк 15 % немесе 1 758 840 шаршы метрді қаржыландырды.

Мультипликативті әсер құрылыс өнімдерін, электротехника, металлургия және мұнай-химия өнеркәсібін, сондай-ақ жаңа тұрғын үйді жайластыру заттарын шығарудың аралас салаларында өсу болып табылады.

Банктің тұрғын үй жобаларын іске асыру сондай-ақ шағын және орта бизнес кәсіпорындарының дамуына, қалалар мен басқа да елді мекендердің сәулеттік келбетін жақсартуға, құрылыс қызметінен бюджетке түсетін салық түсімдерін, оның ішінде: мүлік салығын, құрылыс саласы қызметкерлерінен алынатын табыс салығын және құрылысқа пайдаланылған материалдардың қосылған құн салығын ұлғайтуға ықпал етеді.

Тұрғын үй құрылысын қаржыландырудың бұл тетігі тұрғын үй құрылысының қарқынын жоспарлы деңгейде қолдауға мүмкіндік береді, осылайша экономиканың көптеген салаларында жұмыспен қамтуды және халық табысының өсуін қамтамасыз ететін бірқатар жұмыс орындарын құруды қамтамасыз етеді.

БҰҰ тұрақты даму міндеттері

Ақпараттық-коммуникациялық технологияларға қолжетімділікті едәуір кеңейту

Банктің үлесі

цифрлық технологияларды енгізу:

Банк Банктің қолданыстағы ақпараттық қауіпсіздігін басқару жүйесі арқылы ұйымдастырушылық, әдіснамалық және аспаптық деңгейлердегі ақпараттық қауіпсіздік саласындағы Қазақстан Республикасы заңнамасының, реттеушілердің және үздік әлемдік стандарттардың және практикалардың талаптарына нақты сәйкестігін қамтамасыз етеді. Банктің ақпараттық жүйелерін жүктемелік тестілеуді Банктің IT бөлімшелері Банктің осалдықтарды, қатерлерді және Банктегі ақпараттық жүйелердің жаңартуларын басқару жөніндегі ішкі құжаттарына сәйкес ұдайы (тұрақты негізде) жүргізеді.

Цифрлық арналарды дамыту және жетілдіру шеңберінде Банктің 2024 жыл ішінде жүргізген жұмысы туралы толық ақпаратпен Банктің hcsbk.kz ресми сайтында «Банк туралы»/ «Есептілік» бөлімінде орналастырылған Банктің 2024 жылғы жылдық есебінде танысуға болады.

Банктің бизнес-процестерін автоматтандыру:

2024 жылы Банктің бизнес-процестерін автоматтандыру жөніндегі іс-шаралар толық көлемде орындалды. Банктің бизнес-процестерін дамыту және автоматтандыру шеңберінде Банктің 2024 жыл ішінде жүргізген жұмысы туралы толық ақпаратпен Банктің hcsbk.kz ресми сайтында «Банк туралы»/ «Есептілік» бөлімінде орналастырылған Банктің 2024 жылғы жылдық есебінде танысуға болады.

БҰҰ тұрақты даму міндеттері

2030 жылға қарай жеткілікті, қауіпсіз және арзан тұрғын үйлер мен негізгі қызметтерге жалпыға бірдей қол жетімділікті қамтамасыз ету және лашықтарды абаттандыру;

Дүниежүзілік мәдени және табиғи мұраны қорғау және сақтау бойынша күш-жігерді жандандыру.

Банктің үлесі

тұрғын үйдің қолжетімділігін қамтамасыз ету:

Барлық қызмет кезеңінде мемлекеттік және өңірлік бағдарламалар шеңберінде Банк 897 млрд теңге көлемінде бюджет қаражатын тартты. 01.01.2025 жылғы жағдай бойынша 859 млрд теңге немесе тартылған қаражаттың жалпы көлемінің 96 %-ы игерілді (қайтарымды қаражатты ескере отырып, 1 030 млрд теңге немесе тартылған қаражаттың жалпы көлемінің 115 % игерілді).

01.01.2025 жылғы жағдай бойынша Банк жалпы сомасы 7,3 трлн теңгеге 573 мың қарыз берді. Тек 2024 жылы жалпы сомасы 1,3 трлн теңгеге 71,45 мың қарыз берілді. Банктің кредиттік портфелі 8,5 %-ға өсіп, 3,5 трлн теңгені құрады.

қалалардың экологиясы саласындағы бастамаларды қолдау және іске асыру:

Банк 31,4 млрд теңге сомасына 1 255 клиентке жасыл ипотекалық кредиттер берді. Банк жасыл құрылыс мәселелері бойынша құрылыс секторының 25 негізгі ойыншыларымен ынтымақтасады.

БҰҰ тұрақты даму міндеттері

Барлық елдердің қатысуымен тұтыну мен өндірістің ұтымды модельдерін пайдалануға көшу жөніндегі онжылдық іс-қимыл стратегиясын жүзеге асыру, бұл ретте дамыған елдер оған бірінші болып және дамушы елдердің дамуы мен әлеуетін ескере отырып, кірісуге тиіс;

2020 жылға қарай химиялық заттарды және олардың бүкіл өмірлік циклі бойынша барлық қалдықтарды экологиялық тұрғыдан ұтымды пайдалануға қол жеткізу және олардың адам денсаулығы мен қоршаған ортаға теріс әсерін азайту үшін олардың ауаға, суға және топыраққа түсуін айтарлықтай азайту;

2030 жылға қарай табиғи ресурстарды ұтымды игеруге және тиімді пайдалануға қол жеткізу;

2030 жылға қарай қалдықтардың пайда болуын болдырмау, оларды азайту, қайта өңдеу және қайта пайдалану бойынша шаралар қабылдау арқылы олардың көлемін едәуір азайту;

Компанияларға, әсіресе ірі және трансұлттық компанияларға тұрақты өндіріс әдістерін қолдануға және өз есептерінде ресурстарды ұтымды пайдалану туралы ақпаратты көрсетуге кеңес беру.

Банктің үлесі

энергия үнемдеу мәдениетін арттыру:

Банк экологиялық мәдениетті арттыру мақсатында өз қызметкерлерінің қатысуымен тұрақты негізде экологиялық акциялар мен тренингтер өткізеді. 2024 жылы еліміздің қалаларын көгалдандыру (бүкіл Қазақстан бойынша 350 ағаш отырғызылды), қалада және Банк үй-жайларында қоқыстарды жинау бойынша экологиялық акциялар өткізілді.

2024 жылдың қорытындысы бойынша Банктің Орталық аппараты 1 720,20 кг макулатура-қағаз, 1 111,70 кг шыны, 131,06 кг пластикті қайта өңдеу және кәдеге жарату жолымен қайта өңдеуге тапсырды.

Өзінің операциялық процестерінің қоршаған ортаға әсерін азайту, табиғи ресурстарды ұтымды пайдалану мақсатында Банк 2025 жылы орталық аппаратта, 2026 жылы Банктің 10 филиалында, 2027 жылы барлық 20 филиалындағы дәліздерде (қозғалыс датчиктері) жарықтандыруды автоматты бақылау жүйесін орнату сияқты мақсаттар қою тәжірибесін енгізеді.

ресурстарды тұтынуды азайту (энергия тұтыну, су тұтыну):

Банк бүкіл қоғам үшін экологиялық жағдайды жақсарту, сондай-ақ оның шығындарын оңтайландыру үшін ресурстарды тұтынуды азайту үшін үнемі жұмыс істейді. Есепті жылы Банк тұтынуды есепке алу әдістемесіне кейбір түзетулер енгізді, нәтижесінде энергия мен су тұтыну бойынша дәлірек мәліметтер алынды. «Энергия тұтыну және энергия тиімділігі», «Су тұтыну» бөлімдерін қараңыз. 2024 жылы Банк өткен жылмен салыстырғанда жылу энергиясын тұтынуды 35 %-ға қысқартты.

Банктің бизнес-процестерін автоматтандыру арқылы қағаз құжат айналымын оңтайландыру:

2024 жылы Банк қағазды пайдалануды 2023 жылмен салыстырғанда 15 %-ға қысқартты.

Тұрақты даму мүддесінде Жаһандық әріптестік шеңберінде жұмысты жүзеге асыру құралдарын нығайту және жандандыру

БҰҰ тұрақты даму міндеттері

Аз дамыған елдердің мүддесі үшін инвестицияларды көтермелеу режимдерін қабылдау және қолдану

Банктің үлесі

тұрақты даму мүддесінде ынтымақтастық пен серіктестік қатынастарды қолдау:

1. Банк миссиясы ESG-қағидаттарын енгізу арқылы Қазақстан Республикасының тұрақты даму және тиімді энергия көшу мақсаттарына қол жеткізуге жәрдемдесу болып табылатын Ұлттық ESG-клубының тең құрылтайшысы болып табылады.
   Клубтың мақсаты тұрақты даму мақсаттарына қол жеткізуге жәрдемдесу, энергия тиімділігін арттыру, қоршаған ортаға әсерді азайту, еңбек жағдайларын жақсарту және адам құқықтарын сақтау үшін ESG қағидаттарын ілгерілету болып табылады.
   Өзінің әлеуметтік жауапкершілігі шеңберінде клубтың әрбір тең құрылтайшысы белсенді түрде ілгерілейтін және дамитын белгілі бір бағытты қабылдай алады. Клуб алаңында ESG-тәсілдерді енгізу, жауапты инвестициялау, сондай-ақ «жасыл» және тұрақты жобалар нарығын дамытуға жәрдемдесу мәселелері талқыланады.
   Алдағы жұмыстар келешегінде Банк тұрақты даму және ESG саласындағы жаңа жобаларды іске асыруды, өз жобалары үшін, оның ішінде ESG-клубтың бірлескен күш-жігерінің көмегімен орнықты инвестициялар тартуды жоспарлап отыр.
2. Банк БҰҰ әйелдердің мүмкіндіктерін кеңейту қағидаттары жөніндегі жаһандық бастамасына қосылды (Women’s Empowerment Principles).