Жауапты кредиттеу және қаржы өнімдері

Банк Қазақстан Республикасының барлық өңірлерінде кредиттік өнімдерді ұсыну бойынша өзінің кредиттік қызметін жүзеге асырады. Банктің кредиттік қызметінің негізгі бағыты Банк клиенттеріне кредиттік өнімдерді ұсыну болып табылады. Банк ТҮҚЖ салымшыларына кредиттік өнімдердің мынадай түрлерін ұсынады:

1. Тұрғын үй қарыздары;
2. Аралық тұрғын үй қарыздары;
3. Алдын ала тұрғын үй қарыздары.

Кредиттік өнімдер Банктің барлық клиенттері үшін стандартты шарттарда Қазақстан Республикасының ұлттық валютасында ұсынылады. ТҮҚЖ салымшыларына қарыздар беру олармен жасалған тұрғын үй құрылысы жинақтары туралы шарттардың және Банктің қарыз беру жөніндегі ішкі құжаттарына және Банктің тарифтік бағдарламаларына сәйкес банктік қарыз (тұрғын үй қарызы, аралық тұрғын үй қарызы, алдын ала тұрғын үй қарызы) шарттарының негізінде жүзеге асырылады.

Кредиттік өнімдер бойынша Банк клиенттері үшін кредиттеу шарттары клиент таңдаған тарифтік бағдарламаның шарттарымен айқындалады.

Банктің кредиттік өнімдері мен қызметтері бойынша пайдалану мерзімдері, сыйақы мөлшерлемелері, қарыздарды қайтару жөніндегі міндеттемелердің орындалуын қамтамасыз ету тәсілдері және басқа да базалық шарттар тарифтік бағдарламаларда және Банктің өзге де ішкі құжаттарында белгіленеді.

Кредиттік өнімді ұсынғаны үшін Банктің сыйақы мөлшерлемесі ТҮҚЖ туралы шарттың талаптарымен айқындалады. Банктік қарыз шарттарында банктік қарыз шартын жасасу күніне Банк ұсынған қарыз алушының таңдауы бойынша қарызды өтеу әдісі міндетті түрде көрсетіледі. Қарыз бойынша сыйақы мөлшерлемесінің мөлшері тұрғын үй құрылыс жинақтары туралы шарт жасасу сәтінде белгіленеді және шарттың қолданылу мерзімі ішінде тіркелген болып қалады. Сыйақының тіркелген мөлшерлемесі біржақты тәртіппен өзгертілмейді. ТҮҚЖ салымшысының өз бастамасы бойынша бір тарифтік бағдарламадан екіншісіне ауысуы кезінде қарыз бойынша сыйақының тіркелген мөлшерлемесі тараптардың келісімі бойынша ТҮҚЖ туралы шарттың қолданылу мерзімі ішінде оның талаптарын сақтай отырып және Қазақстан Республикасының заңнамасына және Банктің ішкі құжаттарына сәйкес төмендету/ұлғайту жағына өзгертілуі мүмкін.

Банктік қарыз шарттарында Банк комиссиялар мен өзге де төлемдердің толық тізбесін, сондай-ақ жасалған шарт шеңберінде қарыз беруге және оларға қызмет көрсетуге байланысты алынуға жататын олардың мөлшерін көрсетеді.

Банк комиссиялық және өзге де алымдар алуға құқылы, бірақ өз қызметтері үшін ең төменгі тарифтер саясатын ұстанады. Бұл тәсіл тұрғын үй құрылыс жинақ жүйесіне жаңа клиенттерді барынша тартуға бағытталған және клиенттік базаны кеңейтуге ықпал етеді.

2024 жылы тарифтер жүйесінде келесі өзгерістер болды:

• кепілдік қамтамасыз ету апаттық деп танылған не төтенше жағдайларда клиенттерді қолдауға бағытталған табиғи апат салдарынан оның зақымдануы жағдайында кепілдің орнын ауыстырғаны үшін комиссия алынбайды.

Банк жеке және заңды тұлғаларға көрсетілетін банктік және өзге де қызметтер үшін мөлшерлемелер мен тарифтер туралы ақпаратты Банктің интернет-ресурсында орналастырады.

Клиенттерді дербес деректерге жауапкершілікпен қараудың маңыздылығы туралы хабардар ету, сондай-ақ халықтың ақылға қонымды қаржылық мінез-құлқын қалыптастыруға жәрдемдесу, қаржылық құзыреттілік деңгейін арттыру, әртүрлі жастағы және ой-өрістегі клиенттерді қаржылық сауаттылық мәселелеріне оқыту мақсатында Банк түрлі іс-шаралар өткізеді. Осылайша 2024 жылы Банк келесі іс шараларды өткізді:

1. Банктің YouTube арнасында қазақ және орыс тілдерінде «Армандаған оқуға түсу үшін қалай ақша жинау керек» (https://www.youtube.com/watch?v=2aoQmnXFaUA, 50 мың қаралым), «Қаржы пирамидасын қалай тануға болады?» (https://www.youtube.com/watch?v=v3m8Y6NpQ6I, 211 қаралым), «ҚР қаржы мониторингі жөніндегі агенттігі қаржылық сауаттылықты арттыруды үндейді» (https://www.youtube.com/watch?v=wjRQkzonM2I, 366 қаралым), «Қаржы махаббат тілі сияқты!» (https://www.youtube.com/watch?v=60iL4Vb4OcY, 188 қаралым), «Қаржы ойындары ақша дағдысына қалай көмектеседі?» (https://www.youtube.com/watch?v=lmObvzCvBN8, 159 қаралым), «Қаржылық интеллект деген не?» (https://www.youtube.com/watch?v=2X_NkGJtCV0, 177 қаралым), «Қазақстандықтар жинақтаудың қандай әдісін пайдаланады?» (https://www.youtube.com/watch?v=_A3eOKo80q8, 338 қаралым) атты роликтер жарияланды.
2. Банктің әлеуметтік желілерінде алаяқтарға түспеу үшін қаржылық сауаттылықты арттыру, фишингтік шабуылдар және сақ болу жөніндегі посттар жарияланды.
3. Instagram халықтың өзіне-өзі қызмет көрсету үлесін ұлғайту үшін ақшаны басқару және депозитте қаражат жинау бойынша кеңестері бар бірқатар хабарламалар орналастырылған. Сондай-ақ, Instagram Банк бөлімшесіне бармай-ақ, Банк өнімдері мен қызмет көрсету туралы «сұрақ-жауап» тікелей эфирлері тұрақты негізде өткізіледі.
4. Банк бөлімшелерінде клиенттерді онлайн-сервистер арқылы қашықтықтан қызмет көрсетуге тарту мақсатында цифрлық гидтер саны 118-ге дейін ұлғайтылды. Цифрлық гидтердің міндеті қашықтықтан қызмет көрсету арналарын танымал ету және Банк клиенттерінің цифрлық және қаржылық сауаттылығын арттыру болып табылады. Қашықтықтан қызмет көрсету арналарына ауыстырылған операциялардың үлесі 2024 жылы 2023 жылмен салыстырғанда 42 %-дан 53 %-ға дейін ұлғайтылды.
5. «Қазпошта» АҚ бірлесіп қызмет көрсету аймағын кеңейту мақсатында «Почтальон» жобасы іске асырылды. Нәтижесінде 2024 жыл ішінде Банкпен ынтымақтасатын пошташылар саны 5,2 есеге артты. Пошташылар өздерінің еңбек қызметі барысында Отбасы Банкінің өнімдері бойынша кеңес берді, сондай-ақ алыс елді мекендерде тұратын клиенттерге депозит ашуға Банктің қашықтық арналары (Бейнебанкинг/Internet banking) арқылы көмектесті.
6. чат-ботқа онлайн режимінде ипотеканы үнемдеу және алу бойынша Гайд түріндегі жаңа сценарийлер қосылды.
7. IVR-жүйені оңтайландыру бойынша жұмыстар жүргізілді, байланыс орталығы операторының жауабын күту уақытын қысқарту үшін өзіне-өзі қызмет көрсету үшін филиалдар мен опциялар қосылды.
8. Банктің WhatsApp арқылы сұрақтарға жауаптарды жедел алу мүмкіндігі туралы push-хабарламаларды жіберу бойынша автоматты науқандар орнатылады.
9. депозиттерді ашуды және операцияларды жүргізуді қоса алғанда, онлайн-сервистер арқылы қызмет көрсету мүмкіндіктері туралы SMS және push-хабарламаларды тұрақты негізде жіберу жүзеге асырылды.
10. ипотеканы онлайн ресімдеу мақсатында клиенттерді шақыруға бағытталған операциялық науқандар тұрақты негізде жүргізілді.
11. клиенттік деректердің қауіпсіздігін қамтамасыз ету және олардың Банктің hcsbk.kz ресми сайтында «Отбасы инфо» бөлімінде жариялануын болдырмау жөніндегі шаралар туралы ақпарат тұрақты орналастырылды.
12. Жиі қойылатын сұрақтарға жауап беретін «сұрақ-жауап» блогы құрылды, бұл Банктің hcsbk.kz ресми сайтында халықтың сауатты қаржылық мінез-құлқын қалыптастыруға ықпал етеді.