Сыртқы аудит
Қазақстан Республикасының заңнамасына сәйкес Банктің аудитін жүзеге асыратын аудиторлық ұйымды және оның қызметтеріне ақы төлеу мөлшерін айқындау Директорлар кеңесінің айрықша құзыретіне жатады.
Сыртқы аудитті тарту саясатына және Аудит жөніндегі комитет туралы ережеге сәйкес Банктің Директорлар кеңесінің Аудит жөніндегі комитетінің құзыретіне келесі кіреді:
- қаржылық есептілік аудитін жүзеге асыратын аудиторлық ұйымды және оның қызметтеріне ақы төлеу мөлшерін анықтау туралы мәселені алдын ала мақұлдау;
- ішкі және сыртқы аудиторлардың ұсынымдарының орындалуын бақылау;
- сыртқы аудиторды іріктеу бойынша конкурс өткізу мақсатында әзірленген біліктілік талаптарын және/немесе техникалық ерекшеліктерді келісу, оның қызметтеріне ақы төлеу мөлшерін айқындау, сыртқы аудитор қызметтерінің сапасын бағалау, аудитті жүзеге асыратын сыртқы аудиторды ауыстырудың мақсаты мен қажеттілігін анықтау;
- сыртқы аудиттің тәуелсіздігі мен объективтілігін бағалау, сондай-ақ Директорлар кеңесіне ұсынар алдында аудиторлық ұйымның қорытындысын алдын ала талдау;
- реттеуші органдардың, сыртқы және ішкі аудиторлардың, заңнаманы сақтау мәселелері жөніндегі басшылықтың есептерін қарау;
- сыртқы аудитормен тұрақты кездесулер, сыртқы аудитор дайындаған басшылыққа хаттарды қарау, басшылыққа хатта көрсетілген менеджмент жүзеге асырған сыртқы аудитордың ұсыныстарын қарау;
- ішкі және сыртқы аудит, қаржы-шаруашылық есептілік қызметіне қатысты өзге де мәселелерді қарау;
- қажет болған жағдайда Банк басшылығымен, оның сыртқы және ішкі аудиторларымен жекелеген отырыстар өткізу.
2024–2026 жылдарға арналған қаржылық есептілік аудиті бойынша «Бәйтерек» ҰБХ» АҚ орталықтандырылған сатып алуды жүргізу кезінде Банктің тауарларын, жұмыстары мен қызметтерін сатып алуды жүзеге асыру қағидаларына сәйкес «ПрайсуотерхаусКуперс» ЖШС жеңіске жетті. «ПрайсуотерхаусКуперс» ЖШС 2024 жылғы 26 сәуірдегі 2024–2026 жылдарға арналған қаржылық есептілік аудиті бойынша қызметтерді ұзақ мерзімді сатып алу туралы шарт жасалды. Шарттың қолданылу мерзімі 2027 жылғы 30 сәуірге дейін. 2024 жылғы қаржылық есептілік аудитін жүргізу қызметтері үшін сыйақы сомасы 89 600 мың теңгені құрайды.
Банк 7 жылдан аспайтын Банкте сыртқы аудитті ұйымдастыру саясатына сәйкес жоба бойынша серіктесті (аудит үшін негізгі жауапты) ротациялау қағидатын ұстанады.
Сыртқы аудитор аудиторлық емес қызметтерді алған жағдайда Банк барлық қызметтерді сыртқы аудитордың тәуелсіздігіне әсер ететін мүдделер қақтығысының (сыртқы аудитордың мүдделілігі оның қаржылық есептіліктің дұрыстығы туралы пікіріне әсер етуі мүмкін жағдай) туындау мүмкіндігі (тәуекелі) тұрғысынан қарайды. 2024 жыл ішінде «ПрайсуотерхаусКуперс» ЖШС аудиторлық ұйымы қаржылық есептілік аудитімен байланысты емес консультациялық қызметтер көрсеткен жоқ.