Оқыту және білім беру

Персоналды дамыту кез-келген ұйымның табысының құрамдас бөлігі болып табылатынын назарға ала отырып, Банк жыл сайын персоналды оқытуға және дамытуға қаражат жоспарлайды. Банктегі білім беру бағдарламалары басшы құрамнан бастап мамандарға дейінгі барлық қызметкерлерді қамтиды.

2024 жыл ішінде Банк қызметкерлері үшін тұрақты негізде Банк базасында нормативтік құжаттарға енгізілген өзгерістер мен толықтырулар, Банк қызметкерлерінің тұрақты даму саласындағы хабардарлығын арттыру, IT-инфрақұрылымды жетілдіру және жаңа ақпараттық жүйені енгізу шеңберінде Банктің жаңалықтары бойынша оқу іс-шаралары өткізілді. Оқыту іс-шаралары сондай-ақ Банк алдында тұрған мақсаттар мен міндеттерге қол жеткізу үшін тиімді шешімдер қабылдауға қабілетті Банк қызметкерлерінің кәсіби біліктілігін арттыру және оларды ынталандыру мақсатында өткізілді. Сонымен қатар, Банк қызметкерлері кәсіби дағдыларды дамыту және әлемдік тәжірибені зерделеу мақсатында түрлі бағыттар бойынша онлайн-форматта сыртқы семинарларда, курстарда, тренингтерде оқыды. Банк қызметкерлері кәсіби біліктілігін арттыру және сертификаттаудан өту мақсатында мерзімді негізде міндетті мамандандырылған курстардан өтеді.

Банктің орталық аппараты мен филиалдарының қызметкерлері үшін ішкі оқыту бойынша 64 іс-шара өткізілді, 2024 жылға жоспар бойынша – 37 іс-шара. Ішкі оқыту тақырыбы әртүрлі болды: ішкі бақылау жүйесі, тауарларды, жұмыстар мен қызметтерді сатып алуды жүзеге асыру, заңды тұлғаларға қызмет көрсету, Банк қызметкерлерінің ақпараттық қауіпсіздік мәселелері бойынша хабардарлық деңгейін арттыру, алаяқтыққа қарсы іс-қимыл, Банктің Даму стратегиясы, банктік құпияны сақтамаудың салдары, корпоративтік қақтығыстар мен мүдделер қақтығысын реттеу саясаты, операциялық тәуекелдерді басқару жүйесі және қызметтің үздіксіздігі. Қылмыстық жолмен алынған кірістерді заңдастыруға (жылыстатуға) қарсы іс-қимыл, және терроризмді қаржыландыру, комплаенс-тәуекелдерді басқару жүйесі, сыбайлас жемқорлыққа қарсы іс-қимыл және басқалар.

Есепті жыл ішінде Банктің барлық қызметкерлеріне бағдарланған «Мираполис» қашықтықтан оқыту жүйесіндегі электрондық интерактивті оқу курстарының кітапханасы үнемі толықтырылып, өзектендіріліп отырды.

Келесі оқыту курстары әзірленді:

1. Клиенттерге қызмет көрсету стандарттары (клиенттік қызмет);
2. Тәуекелдерді басқару, кірістерді жылыстату және терроризмді қаржыландыру жүйесі.
3. Адам құқықтары. Әртүрлілік және инклюзивтілік.

2024 жыл ішінде Банктің барлық қызметкерлеріне бағытталған «Мираполис» қашықтықтан оқыту жүйесіндегі электрондық интерактивті оқу курстарының кітапханасы үнемі толықтырылып, өзектендіріліп отырды.

Сонымен қатар, Банк қызметкерлері өздерінің кәсіби деңгейін арттыруға және өз міндеттерін тиімді орындау үшін қажетті құзыреттерді дамытуға бағытталған сыртқы оқытудан өтті. Сыртқы оқыту аясында Банк қызметкерлері әртүрлі кәсіби тақырыптарға, соның ішінде тұрақты даму мен ESG-ге арналған курстар мен семинарлардан өтті. 15-тен астам жұмыскер тұрақты даму және ESG саласында кәсіби сертификаттар алды. Есепті кезеңде Банк қызметкерлері қаржы нарығының әртүрлі мамандары, оның ішінде реттеуші онлайн және офлайн форматтарда ұйымдастырған 15-тен астам тұрақты даму және ESG конференциялары мен іс-шараларына қатысты.

Банкте тоқсан сайынғы негізде Банктің орталық аппараты қызметкерлерінің тиімділігін бағалау барлық қызметкерлерге ҚНК белгілеу және Банктің алқалы органдарының есепті кезеңде оларға қол жеткізуін қарау жолымен өткізіледі. Есепті жылы орталық аппарат қызметкерлерінің 100 % тоқсандық тиімділікті бағалаудан өтті.

Еңбек заңнамасы шеңберінде тараптардың келісімі бойынша қызметкермен еңбек шарты бұзылған кезде қызметтің негізгі көрсеткіштері картасының орындалуы туралы ұсынылған есеп негізінде нақты жұмыс істеген уақыттың есепті кезеңіндегі қызмет нәтижелері бойынша белгіленген екі лауазымдық жалақыға дейінгі мөлшерде өтемақы төлеу және/немесе сыйлықақы төлеу жөнінде шешім қабылдануы мүмкін. Сондай-ақ, еңбек шарты бұзылған кезде қызметкерге қызметкердің біліктілігі және оның жұмысқа қатынасы туралы мәліметтерді қамтитын ұсыныс хат берілуі мүмкін.