Стратегия

Даму стратегиясы

«Қазақстанның тұрғын үй құрылыс жинақ банкі» АҚ-ның 2023 жылға дейінгі Даму стратегиясы (бұдан әрі – Даму стратегиясы) «Қазақстанның тұрғын үй құрылыс жинақ банкі» АҚ (бұдан әрі-Банк) Директорлар кеңесінің 30.09.2020 жылғы шешімімен (отырыстың №10 хаттамасы) жаңа редакцияда бекітілді.

Банктің Даму стратегиясын өзектендіру қажеттілігі төмендегі себептерге байланысты:

1) Қазақстан Республикасының Ұлттық Банкі Басқармасының «Екінші деңгейдегі банктерге арналған тәуекелдерді басқару және ішкі бақылау жүйесін қалыптастыру кағидаларын бекіту туралы» 12.11.2019 жылғы №188 қаулысымен;
2) Қазақстан Республикасы Үкіметінің 31.12.2019 жылғы №1054 қаулысымен бекітілген "Нұрлы жер" тұрғын үй-коммуналдық дамытудың 2020-2025 жылдарға арналған мемлекеттік бағдарламасын іске асыруға қатысу;
3) Қазақстан Республикасының 2020-2024 жылдарға арналған әлеуметтік-экономикалық даму болжамының негізгі көрсеткіштерін нақтылаумен;
4) қол жеткізген нәтижелерді ескере отырып, Банкті дамытудың ұзақ мерзімді көрсеткіштері мен бағыттарын нақтылау қажеттілігі.

Құрылымы мен баяндау форматы бойынша Даму стратегиясы даму стратегияларын әзірлеу жөніндегі мемлекеттік және халықаралық әдіснамалық ұсынымдарға, сондай-ақ, "Бәйтерек" ҰБХ" АҚ еншілес ұйымдарының даму стратегияларын әзірлеу, келісу, бекіту, мониторингілеу және өзектендіру жөніндегі әдістемелік ұсынымдарға сәйкес келеді.

Миссиясы

Банктің миссиясы Банктің мақсатын, оның жайғасымын көрсетеді және қоғам үшін де, жалпы мемлекет үшін де Банк қызметінің стратегиялық мәнін анықтайды. Банктің миссиясы:

«Қазақстандық отбасыларды өз баспаналарымен қамтамасыз ету және Отанға деген сезімін нығайту» болып табылады.

Көрінісі

Банктің осы көрінісі бизнестің даму бағытын және ұзақ мерзімді болашақта күтілетін жағдайды білдіреді:

"Біз 2023 жылы – тұрақты, жоғары технологиялы, клиентке бағдарланған әлеуметтік маңызы бар, тұрғын үй құрылысы жинақтары жүйесінің қағидаттарын іске асыратын, мемлекеттік бағдарламаларды іске асыруға белсенді қатысатын, халықтың кең ауқымын баспанамен қамтамасыз ету үшін тұрғын үй құрылысын дамытуға қолдау көрсететін банкпіз".

Стратегиялық мақсаттары

2023 жылдың соңындағы стратегиялық мақсаттары:
‒       ТҚЖ жүйесі қатысушыларының ЭБХ-ға үлесін 17%-ға дейін арттыру;
‒       ипотекалық кредит беру нарығындағы үлесті 36%-ға дейін арттыру;
‒       озат технологияларды енгізу және Банк қызметін автоматтандыру арқылы клиенттерге қызмет көрсету бойынша операциялардың 70% - ын online-ға аудару.

Банк өз миссиясын іске асыру аясында шешетін негізгі міндеттер:
1-міндет.
Халық арасында ТҚЖ жүйесін танымал ету, қорландырудың баламалы көздері
2-міндет.
Банк өнімдерін, оның ішінде, мемлекеттің әлеуметтік бағдарламаларын іске асыру аясында тұрақты жетілдіру.
3-міндет.
Жоғары білікті қызметкерлермен сапалы қызмет көрсету арқылы халықты кеңінен қамту.
4-міндет.
Халықты қолжетімді тұрғын үймен қамтамасыз ету саласындағы мемлекеттік саясатты іске асыру.

«ҚАЗАҚСТАННЫҢ ТҰРҒЫН ҮЙ ҚҰРЫЛЫС ЖИНАҚ БАНКІ» АҚ 2023 ЖЫЛҒА ДЕЙІНГІ ДАМУ СТРАТЕГИЯСЫ

Навигация

Бөлімшеге онлайн түрде жазылу

Мемлекет сыйлықақысы

Қайталама тұрғын үй несие

Бақытты отбасы

Стратегия

Қоңырауға тапсырыс беру