«ДИПЛОММЕН – АУЫЛҒА!" БАҒДАРЛАМАСЫ БОЙЫНША БЮДЖЕТТІК КРЕДИТТЕР"

«Дипломмен ауылға!» бағдарламасын мерзімінен бұрын толық өтеу жөніндегі НҰСҚАУЛЫҚ

Кредитті ішінара мерзімінен бұрын өтеуге өтініш беру бойынша қызмет алушыларға арналған НҰСҚАУЛЫҚ

«Отбасы банк» АҚ ауданның (облыстық маңызы бар қаланың) жергілікті атқарушы органдардың (бұдан әрі - ЖАО) азаматтарға кредит беруі бойынша «Дипломмен - ауылға!" бағдарламасының операторы болып табылады.

Бағдарламаға ауылдық елді мекендерге жұмыс істеу және тұру үшін келген немесе оқудан оралған бірқатар мамандықтар бойынша қазақстандықтар қатыса алады. Бұл сұранысқа ие мамандықтар тізбесіне сәйкес денсаулық сақтау, білім беру, әлеуметтік қамсыздандыру, архив ісі, мәдениет, спорт, цифрлық технологиялар, агроөнеркәсіптік кешен саласындағы мамандар, ауылдар, кенттер, ауылдық округтер әкімдері аппараттарының мемлекеттік қызметшілері (бұдан әрі - маман). Көрсетілген тізбені ЖАО алдағы кезеңге қалыптастырады.

Басты шарт - мамандар кредит алған кезде ауылдық елді мекенде орналасқан ұйымда тиісті мамандық бойынша кемінде 3 жыл жұмыс істеуге міндеттеме алады. Мамандардың кредит алуға өтініш беруі және ЖАО-ның мақұлдауы Банк порталында жүзеге асырылады. Кредит алуға өтініш беру үшін маман https://otbasybank.kz/ порталына тіркеліп, Жеке кабинетке кіруі тиіс, жеке тұлғаның ЭЦҚ болуы тиіс, мобильді азаматтар базасында тіркелген болуы тиіс.

БЮДЖЕТТІК КРЕДИТ ШАРТТАРЫ:

• 
  ЕҢ ЖОҒАРЫ СОМА:
  АУДАНДАРДЫҢ ӘКІМШІЛІК ОРТАЛЫҚТАРЫ - 2500 АЕК-ТЕН КӨП ЕМЕС; АУЫЛДЫҚ ЕЛДІ МЕКЕНДЕР - 2000 АЕК-ТЕН КӨП ЕМЕС
• 
  КРЕДИТ МЕРЗІМІ: 15 ЖЫЛҒА ДЕЙІН
• 
  СЫЙАҚЫ МӨЛШЕРЛЕМЕСІ:
  ЖЫЛДЫҚ 1% (ЖТСМ – ЖЫЛДЫҚ 1% )
• 
  КРЕДИТ БЕРУ/ҚЫЗМЕТ КӨРСЕТУ ҮШІН КОМИССИЯЛАР:
  КӨЗДЕЛМЕГЕН

БЮДЖЕТТІК КРЕДИТТІҢ НЫСАНАЛЫ МАҚСАТЫ:

• 
  МАМАННЫҢ ЖҰМЫС ОРНЫ БОЙЫНША АУЫЛДЫҚ ЕЛДІ МЕКЕНДЕРДЕ ТҰРҒЫН ҮЙ САТЫП АЛУҒА/САЛУҒА.
• 
  Маманның жұбайынан (зайыбынан) және маман мен оның жұбайының (зайыбының) жақын туыстарынан тұрғын үй сатып алуға, сондай-ақ маман тұрақты тұратын тұрғын үй-жайды сатып алуға жол берілмейді.

Тиісті елді мекендерде тұрғын үй сатып алуға немесе салуға бюджеттік кредит түріндегі әлеуметтік қолдау шаралары ерлі-зайыптылардың біреуіне ғана беріледі.

Ауылдық елді мекенге жұмыс істеу үшін келген маманға әлеуметтік қолдау шараларын ұсыну мерзімі ол келген (тіркелген) сәттен бастап ұзақтығы үш жылға дейін белгіленеді. Үш жылдық мерзім аяқталғаннан кейін әлеуметтік қолдау алу құқығы жойылады.

КРЕДИТ БОЙЫНША КЕПІЛМЕН ҚАМТАМАСЫЗ ЕТУ:

• САТЫП АЛЫНАТЫН ТҰРҒЫН ҮЙ
• ҚҰРЫЛЫСҚА АРНАЛҒАН КРЕДИТТЕР БОЙЫНША:
  • МАМАННЫҢ/ҮШІНШІ ТҰЛҒАНЫҢ АТЫНА МЕНШІК ҚҰҚЫҒЫМЕН РЕСІМДЕЛГЕН ӨТІМДІ ЖЫЛЖЫМАЙТЫН МҮЛІК;
  • САЛЫНҒАН ТҰРҒЫН ҮЙ ПАЙДАЛАНУҒА БЕРІЛГЕННЕН ЖӘНЕ ОНЫ ТІРКЕГЕННЕН КЕЙІН, ЖАО-МЕН КЕЛІСІМІ БОЙЫНША БҰРЫН БЕРІЛГЕН КЕПІЛДІ ЖЕР УЧАСКЕСІ БАР САЛЫНҒАН ТҰРҒЫН ҮЙГЕ АУЫСТЫРУҒА БОЛАДЫ.

МАМАНДАРҒА ҚОЙЫЛАТЫН ТАЛАПТАР:

• ҚР азаматы;
• Өтініш берген сәтте маманның бұрын алынған қарыздары/кредиттері бойынша өтелмеген мерзімі өткен берешегі жоқ, соңғы 2 жылда бір кредит бойынша күнтізбелік 90 күннен асатын үздіксіз мерзімі өткен берешегі жоқ.
• Өтініш берген сәтте сұранысқа ие мамандықтар тізбесіне енгізілген мамандық бойынша жұмыс істейді;
• Маман өтініш берген күнге дейінгі соңғы екі жыл ішінде тұруға келген немесе оқудан оралған маман жұмыс істейтін елді мекен орналасқан ауданда (облыстық маңызы бар қалада, аудандық маңызы бар қалада) маманның, оның жұбайының (зайыбының) және балаларының жылжымайтын мүлкі жоқ.

КРЕДИТ АЛҒАНҒА ДЕЙІН МАМАН БАНКТЕ ТҚЖ САЛЫМЫН ЖӘНЕ АҒЫМДАҒЫ ШОТТЫ АШУЫ ТИІС.

ҚҰРЫЛЫСҚА АРНАЛҒАН КРЕДИТТЕР БОЙЫНША ҚОСЫМША ШАРТТАР:

ЖАО маманға төмендегідей шарттарды ескере отырып, іріктеу үшін тұрғын үйлердің үлгілік жобаларының нұсқаларын немесе мемлекеттік сараптаманың оң қорытындысы бар жобаларды ұсынады:

1 ш. м. тұрғын үйдің құны 46 АЕК- тен аспайды;

тұрғын үй құрылысының жалпы сметалық құны берілетін кредиттің екі еселенген мөлшерінен аспайды;

тұрғын үй құрылысының ең ұзақ мерзімі кредит берілген сәттен бастап 12 айдан аспайды.

САЛЫМ МЕН АҒЫМДАҒЫ ШОТТЫ ҚАЙ ЖЕРДЕ АШУҒА БОЛАДЫ:

• ӨЗ БЕТІНШЕ OTBASYBANK МОБИЛЬДІ ҚОСЫМШАСЫНДА
• OTBASYBANK.KZ ЖЫЛЖЫМАЙТЫН МҮЛІК ПОРТАЛЫНДАҒЫ ЖЕКЕ КАБИНЕТТе
• СІЗГЕ ЫҢҒАЙЛЫ КЕЗ КЕЛГЕН ЖЕРДЕ – ОТБАСЫ БАНК КЕҢЕСШІЛЕРІ АРҚЫЛЫ
• СІЗДІҢ ҚАЛАҢЫЗДЫҢ КЕҢЕС БЕРУ ОРТАЛЫҒЫНДА
• БІЗДІҢ САЙТТАҒЫ БЕЙНЕ ҚОҢЫРАУ АРҚЫЛЫ
• ОТБАСЫ БАНКТІҢ КЕЗ КЕЛГЕН БӨЛІМШЕСІНДЕ