Противодействие коррупции

"Отбасы банк" АҚ-да алаяқтыққа және сыбайлас жемқорлыққа қарсы іс-қимыл саясаты

Сыбайлас жемқорлық пен алаяқтық мәселесі бойынша: +7 (727) 330-94-82 / эл. пошта: antifraud@hcsbk.kz

2020 жылғы 12 ай бойынша «Отбасы банк» тұрғын үй құрылыс жинақ банкі» АҚ-дағы сыбайлас жемқорлық тәуекелдерін ішкі талдаудың
НӘТИЖЕЛЕРІ

«Отбасы банк» тұрғын үй құрылыс жинақ банкі» АҚ (бұдан әрі – Банк) «Сыбайлас жемқорлыққа қарсы іс-қимыл туралы» Қазақстан Республикасының 2015 жылғы 18 қарашадағы № 410-V Заңының 8-бабының 5-тармағына, сондай-ақ Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы №12 бұйрығымен бекітілген Сыбайлас жемқорлық тәуекелдеріне ішкі талдау жүргізудің үлгілік қағидаларына, Банк Басқармасының 2016 жылғы 17 маусымдағы бекітілген шешімімен (отырыстың № 140 хаттамасы) "Қазақстанның тұрғын үй құрылыс жинақ банкі" АҚ-да алаяқтық пен сыбайлас жемқорлыққа қарсы іс-қимыл қағидаларына және «Отбасы банк» АҚ қызметінің сыбайлас жемқорлық тәуекелдеріне ішкі талдау жүргізу туралы» Банк Басқармасы Төрайымының 2021 жылғы 20 сәуірдегі № 188 бұйрығына (бұдан әрі – Бұйрық) сәйкес, Банк қызметіндегі сыбайлас жемқорлық тәуекелдеріне ішкі талдау жүргізілді.

Сыбайлас жемқорлық тәуекелдеріне ішкі талдау келесі бағыттар бойынша жүргізілді:

1) Банктің ішкі құжаттарында сыбайлас жемқорлық тәуекелдерін анықтау;
2) Банктің ұйымдастырушылық-басқарушылық қызметінде сыбайлас жемқорлық тәуекелдерін анықтау.

Талдау бұйрыққа сәйкес құрылған жұмыс тобының күшімен жүргізілді.

1. Банктің ішкі құжаттарында сыбайлас жемқорлық тәуекелдерін анықтау.

Сыбайлас жемқорлық тәуекелдерін анықтау мақсатында, Банктің барлық құрылымдық бөлімшелерінің қызметін реттейтін Банктің 260 ішкі құжатына талдау жүргізілді.

Банктің 9 ішкі құжаты бойынша ішкі құжаттарды талдау шеңберінде әлеуетті сыбайлас жемқорлық тәуекелдерін тудыратын жекелеген нормалар анықталды.

Ішкі құжаттарға және белгіленген ескертулерге жүргізілген талдау нәтижелері бойынша сыбайлас жемқорлық тәуекелдерін тудыратын факторларды барынша азайту мақсатында банктің ішкі құжаттарына өзгерістер мен толықтырулар енгізу жөніндегі іс-шаралар жоспары жасалды.

2. Банктің ұйымдастырушылық-басқарушылық қызметінде сыбайлас жемқорлық тәуекелдерін анықтау.

Банктің ұйымдастыру-басқару қызметінде талданып отырған кезеңде қызметтің төмендегі бағыттары талданған:

1. Қызметкерлерді басқару, оның ішінде кадрлардың ауысуы: қызметкерлерді басқару, оның ішінде кадрлардың ауысуы шеңберінде сыбайлас жемқорлық тәуекелдері, анықталған жоқ.
2. Мүдделер қақтығысын реттеу: мүдделер қақтығысын реттеу шеңберінде сыбайлас жемқорлық тәуекелдері анықталған жоқ.
3. Мемлекеттік қызмет көрсету: Банк мемлекеттік қызметтерді көрсетпейді.
4. Рұқсат беру функцияларын іске асыру: Банк рұқсат беру функцияларын жүзеге асырмайды.
5. Бақылау функцияларын іске асыру: Банк бақылау функцияларын орындамайды.
6. Ұйымдастыру-басқару қызметінен туындайтын өзге де мәселелер.

Банктің ұйымдастыру-басқару қызметін талдау нәтижелері бойынша мынадай ұсыныстар берілді:

1. Банктің ішкі құжаттарында орта буын басшылары мен желілік басшыларды қоспағанда, Банктің біліктілік талаптарына сәйкес келмеген жағдайда, орталық аппарат қызметкерлерінің бос лауазымдарына үміткерлерді қарастыру тәртібін регламенттеу;
2. Банктің ішкі құжаттарында мемлекеттік функцияларды орындауға уәкілеттік берілген лауазымдарға теңестірілген лауазымдарға үміткерлердің осы ұйымда жұмыс істейтін жақын туыстары, жұбайы және (немесе) жекжаттары туралы банк басшылығына жазбаша нысанда хабарлау міндетін регламенттеу;
3. Сыбайлас жемқорлық тәуекелдерін ықтимал туындататын факторларды мүмкіндігінше азайту мақсатында іс-шаралар жоспарында көзделген іс-шаралар мен мерзімдерге сәйкес Банктің ішкі құжаттарына өзгерістер мен толықтырулар енгізу;
4. Банк жасасатын сатып алу шарттарына шарт тараптарының сыбайлас жемқорлыққа қарсы заңнама нормаларын міндетті сақтауын көздейтін ережелердің енгізілуін көздеу.

Навигация

Бөлімшеге келу уақытын онлайн брондау, өзгерту және жою

Мемлекет сыйлықақысы

Қайталама тұрғын үй несие

Бақытты отбасы

Противодействие коррупции

Қоңырауға тапсырыс беру