Интернет-банк

baspana.kz

Консультанттар

Бөлімшелер мен терминалдар

Регион

Банк туралы

Банк туралы

Біздің Банк

Әр мемлекеттің өз стратегиялық мақсаттары мен міндеттері бар. Қазақстан үшін әлеуметтік саясаттың маңызды бағыттарының бірі — азаматтарды қолжетімді әрі сапалы тұрғын үймен қамтамасыз ету. 2000ж. 7 желтоқсандағы "ҚР-да тұрғын үй құрылысы жинағы туралы" ҚР Заңымен реттелген тұрғын үй құрылыс жинақ (ТҚЖ) жүйесінің қалыптасуына экономикалық өсім мен мемлекеттің әлеуметтік бағдары негіз болып отыр.

"Қазақстанның тұрғын үй құрылыс жинақ банкі" АҚ — еліміздегі тұрғын үй құрылыс жинақ жүйесін жүзеге асыратын бірден-бір банк. ТҚЖ жүйесі салымшылардың ақшасын тұрғын үй құрылыс депозиттеріне тарту және оларға тұрғын үй заемдарын беру арқылы халықтың тұрғын үй жағдайын жақсартуға бағытталған.

2003 жылдың шілде айында "Қазақстанның тұрғын үй құрылыс жинақ банкі" АҚ заңды тұлғаларды мемлекеттік тіркеу туралы куәлік алды. Осы жылдың қыркүйек айында банктің филиал желісін дамыту және салымшыларды тұрғын үй құрылыс депозиттеріне тарту бойынша кең көлемді жұмыс атқарылды.

2005 жылы банк алғашқы рет заем берді. Бұл — аралық заем еді. 2006 жылы шығынсыз қызметке көшіп, алғашқы тұрғын үй заемын берді. 2007 жылы Банк Moody’s халықаралық рейтинг агенттігінен рейтинг алды. Сондай-ақ Тұрғын үй құрылыс жинақ банкі қазақстандық банктердің алғашқысы болып ISO9001:2000 сапа менеджменті жүйесіне сәйкестік сертификатын алды. Сыртқы тәуелсіз сертификаттау органы бұл сертификатты жыл сайын растап отырады.

Бұдан кейін "Қазақстанның тұрғын үй құрылыс жинақ банкі" АҚ-ның мемлекеттік және салалық бағдарламаларға қатысу көлемі елеулі түрде кеңи түсті. Оның үстіне, банк тұрғын үй құрылыс жинақ жүйесі арқылы тұрғын үйді өткізу бойынша жекеменшік құрылысшылармен ынтымақтастық жасаса бастады.

01.09.2019 жылға салымшылардың жинағы  705 756 млн. теңгені құрап отыр. Ағымдағы жылы шарттық сомасы 674 497 млн.теңгені құрайтын 244 439 ТҚЖ шарты жасалып, сомасы 333 140 млн. теңгені құрайтын 31 523 заем берілді. Қазіргі кредиттік қоржын 880 409 млн.теңгені құрайды. 

Банкке Республикалық бюджеттен және ұлттық қордан 220 900 млн. теңге сомасында  кредиттік қаржы  бөлінді,  01.09.2019 жылғы жағдай бойынша,  бөлінген қаражаттың 164 871 млн.теңгесі игерілді.

 «Нұрлы жер» тұрғын үй құрылысы бағдарламасының  қатысушыларына алдын ала және аралық тұрғын үй заемдарын беру үшін «Бәйтерек» ҰБХ» АҚ»-дан    Банкке 22 000 млн. теңге сомасында қаражат бөлінді. 01.09.2019 жылғы  жағдай бойынша, осы Бағдарлама бойынша белгіленіп алынған сома толық көлемде игерілген. 

Алматы қ. Әкімдігі 2017 жылдың 18 қыркүйегінде бекіткен «Жастарды қолдау жер картасы-2020» бағдарламасының қатысушыларына алдын ала және аралық тұрғын үй заемдарын беру үшін Алматы қаласының әкімдігінен Банкке 2 196 млн. теңге сомасында бюджеттік қаражат бөлінді. 01.09.2019 жылғы  жағдай бойынша, осы Бағдарлама бойынша белгіленіп алынған сома толық көлемде игерілген.

Алматы қ. Әкімдігі «Бақытты отбасы» бағдарламасының қатысушыларына алдын ала және аралық тұрғын үй заемдарын беру үшін Алматы қаласының әкімдігінен Банкке 2 500 млн. теңге сомасында бюджеттік қаражат бөлінді. 01.09.2019 жылғы жағдай бойынша,  осы Бағдарлама бойынша белгіленіп алынған сома толық көлемде игерілген.

 «Нұрлы жер» тұрғын үй құрылысы бағдарламасының  қатысушыларына алдын ала және аралық тұрғын үй заемдарын беру үшін  Қазақстан Республикасының Қаржы министрлігінен Банкке 8 000 млн. теңге сомасында қаражат бөлінді. 01.09.2019 жылғы жағдай бойынша,  белгіленіп алынған сома толық көлемде игерілген.

«Нұрлы жер» тұрғын үй құрылысы бағдарламасының  қатысушыларына алдын ала және аралық тұрғын үй заемдарын беру үшін  Қазақстан Республикасының Қаржы министрлігінен Банкке 24 000 млн. теңге сомасында қаражат бөлінді. 01.09.2019 жылғы жағдай бойынша,  белгіленіп алынған сома толық көлемде игерілген.

«Нұрлы жер» тұрғын үй құрылысы бағдарламасының  қатысушыларына алдын ала және аралық тұрғын үй заемдарын беру үшін  Қазақстан Республикасының Қаржы министрлігінен Банкке 15 000 млн. теңге сомасында қаражат бөлінді. 01.09.2019 жылғы жағдай бойынша,  белгіленіп алынған сома толық көлемде игерілген.

«Нұрлы жер» тұрғын үй құрылысы бағдарламасының  қатысушыларына алдын ала және аралық тұрғын үй заемдарын беру үшін  Қазақстан Республикасының Қаржы министрлігінен Банкке 28 000 млн. теңге сомасында қаражат бөлінді. 01.09.2019 жылғы жағдай бойынша,  бөлінген қаражаттың 20 808 млн.теңгесі игерілген.

«Нұрлы жер» тұрғын үй құрылысы бағдарламасының  қатысушыларына алдын ала және аралық тұрғын үй заемдарын беру үшін  Қазақстан Республикасының Қаржы министрлігінен Банкке 50 000 млн. теңге сомасында қаражат бөлінді. 01.09.2019 жылғы жағдай бойынша,  бөлінген қаражаттың 1 167 млн.теңгесі игерілген.

Ал тұрғын үй заемын беру мерзімі — 6 жылдан 25 жылға дейін. Айта кететін жайт, мемлекет Тұрғын үй құрылыс жинақ банкі салымшыларының депозиттеріне сыйлықақы төлеп, тұрғын үй құрылыс жинақ жүйесіне қаржылық қолдау көрсетеді. Мемлекеттің жыл сайынғы сыйлықақысы ынталандырылатын салым сомасының 20% көлемінде (бірақ 200 АЕК-тен артық емес).

"Қазақстанның тұрғын үй құрылыс жинақ банкі" АҚ сенімділік, сенім, ашықтық және клиенттері әрі серіктестерімен өзара қарым-қатынасының жоғары сапасы қағидаттарын сақтай отырып, тұрғын құрылыс жинақ жүйесіне қатысу үшін экономикалық тұрғыдан белсенді ел халқының кеңінен қамтылуына ұмтылады.

Банктің ұйымдастырушы құрылымына Алматы қаласындағы Орталық аппарат пен 17 аймақтық филиал кіреді.

БАНКТІҢ МИССИЯСЫ

Қазақстандық отбасыларды жеке баспанамен қамтамасыз ету және Отанға деген сезімді нығайту

БАНКТІҢ СТРАТЕГИЯЛЫҚ КӨРІНІСІ

Біз 2023 жылы – тұрақты, жоғары технологиялы, клиентке бағдарланған әлеуметтік маңызы бар, тұрғын үй құрылыс жинақ жүйесінің қағидаларын іске асыратын, мемлекеттік бағдарламалардың іске асырылуына белсенді түрде қатысатын, халықтың кең ауқымын баспанамен қамтамасыз ету үшін тұрғын үй құрылысын дамытуға қолдау көрсететін банк.

"Қазақстанның тұрғын үй құрылыс жинақ банкі" АҚ Жалғыз акционері — "Бәйтерек" Ұлттық басқарушы холдингі".

"Бәйтерек" ұлттық басқарушы холдингі 2013 жылы құрылған.

Негізгі міндеті — жеке меншік құқы бар, сонымен қатар ұлттық даму институттары, ұлттық компаниялар, басқа заңды тұлғалар сеніп басқаруға берген акциялар пакетін (қатысу үлесі) басқару болып табылады. Холдинг Қазақстан Республикасы Президентінің 2013 жылғы 22 мамыр күнгі № 571 Жарлығына орай даму институттарын, қаржылық ұйымдарды басқару жүйесін оңтайландыру мен ұлттық экономиканы дамыту мақсатында құрылған. 2014 жылдың соңына қарағанда, Холдинг өзінің аясына 11 еншілес ұйымды біріктірді.
"Бәйтерек" холдингінің маңызды міндеттерінің бірі — Холдинг компаниялары тобының тиімді және бір-бірін толықтыратындай жұмыс істеуін қамтамасыз ету болып табылады.

Холдингтің еншілес ұйымдары

- Ірі жобаларды және кәсіпорындарды қаржыландыруға, Қазақстан Республикасын индустриялық-инновациялық дамытудың 2015 – 2019 жылдарға арналған мемлекеттік бағдарламасын іске асыруға қатысатын даму институттары: «Қазақстанның даму банкі» АҚ, «Қазына Капитал Менеджменті» АҚ, «Қазақстанның инвестициялық қоры» АҚ,«KazakhExport» Экспорттық сақтандыру компаниясы» АҚ, «Kazakhstan Project Preparation Fund» ЖШС.

- Инновациялық қызметтің, шағын және орта бизнестің дамуына қолдау көрсетіп, «Бизнестің жол картасы-2020» бизнесті қолдау мен дамытудың бірыңғай бағдарламасы іске асырушы институттар: «Технологиялық даму жөніндегі ұлттық агенттік» АҚ, «ДАМУ» кәсіпкерлікті дамыту қоры» АҚ.

- Жылжымайтын мүлік, тұрғын үй құрылысы жинақтары сала-сындағы жобаларды және «Нұрлы жер» тұрғын үй құрылысы бағдарламасын іске асыруға қатыстырылған қаржылық ұйымдар мен ұлттық компаниялар: «Қазақстанның тұрғын үй құрылыс жинақ банкі» АҚ, «Қазақстан Ипотекалық Компаниясы» Ипотекалық ұйымы» АҚ, «Бәйтерек девелопмент» АҚ, «Тұрғын үй құрылысына кепілдік беру қоры» АҚ.

"Бәйтерек" ҰБХ" ресми сайты — www.baiterek.gov.kz


Аудит

"ПрайсуотерхаусКуперс" ЖСС Аудиторлық компаниясы Банктің 2019–2021 жылдар аралығындағы қаржылық есептілік аудитін жүргізеді, келісімшарттың жалпы сомасы ҚҚС есебінсіз 75 500 000 (жетпіс бес миллион бес жүз мың) теңгені құрайды.



Банк рейтингі

Халықаралық рейтингтік агенттік қазіргі уақытта Банкке төмендегі рейтингтерді меншіктеді.

20.04.2018ж. Fitch Ratings кредит қорытындысына сәйкес

Ұлттық валютадағы ұзақ мерзімді эмитенттің дефолттық рейтингі (ЭДР)

BBB-

"Тұрақты" болжамы

Ұлттық валютадағы қысқа мерзімід ЭДР

F3

"Тұрақты" болжамы

11.07.2018ж. Moody’s кредит қорытындысына сәйкес

Ұлттық валютадағы депозит бойынша ұзақ мерзімді рейтингі

Baa3

"Жағымды" болжамы

Ұлттық валютадағы депозит бойынша қысқа мерзімді рейтингі

P-3

"Жағымды" болжамы

Кредит төлеу қабілеттілікті базалық бағалау Ва2 "Жағымды" болжамы

ХАЛЫҚАРАЛЫҚ ҰЙЫМДАРҒА МҮШЕЛІК

Еуропалық құрылыс жинақ кассасы федерациясы
Халықаралық тұрғын үйді қаржыландыру одағы
Ынтымақтастық туралы меморандум

Халықаралық ұйымдарға мүшелік


Лицензия

Банк және өзге де операцияларды және бағалы қағаздар нарығында қызметті жүргізуге

Көрсету

Тауар таңбасына куәлік
Ресми бюллетень

Статистика

Негізгі көрсеткіштер туралы ақпарат (01.01.2019)
Негізгі көрсеткіштер туралы ақпарат (01.02.2019)
Негізгі көрсеткіштер туралы ақпарат (01.02.2019)
Негізгі көрсеткіштер туралы ақпарат (01.03.2019)
Негізгі көрсеткіштер туралы ақпарат (01.04.2019)
Негізгі көрсеткіштер туралы ақпарат (01.05.2019)
Негізгі көрсеткіштер туралы ақпарат (01.06.2019)
Негізгі көрсеткіштер туралы ақпарат (01.07.2019)
Негізгі көрсеткіштер туралы ақпарат (01.08.2019) 
Негізгі көрсеткіштер туралы ақпарат (01.10.2019)

Мұрағат 2018 (жүктеу)
Мұрағат 2017 (жүктеу)
Мұрағат 2016 (жүктеу)
Мұрағат 2015 (жүктеу)

Аналитика

Жүктеу

Сыртқы тексеру жөніндегі ақпарат

12.06.2016 жылғы жоспардан тыс тексеруді белгілеу туралы № 659 Акт негізінде "Алматы қаласы бойынша көші-қон және еңбек инспекциясы мемлекеттік басқармасы" тарапынан 13.07.2016 ж. - 31.07.2016 ж. мерзімі аралығында еңбек заңнамасы талаптарын орындау мәселелері бойынша Банкте жоспардан тыс тексеру жүргізілді. 28.07.2016 жылғы "Қазақстанның тұрғын үй құрылыс жинақ банкі" АҚ жоспардан тыс тексеру Актіне сәйкес, тексеру қортындысы бойынша еңбек заңнамасы талаптарын бұзу байқалмады.

Республикалық бюджеттің орындалуын бақылау жөніндегі есеп комитетінің (бұдан әрі – Есеп комитеті) аудиторлық шаралар өткізуіне берілген 04.11.2016 ж. № 30-4-1-Т тапсырма негізінде, 14.11.2016 жылдан 29.12.2016 жылға дейінгі аралықта "Бәйтерек» Ұлттық басқарушы холдингі" АҚ бөлген республикалық бюджеттің, Қазақстан Республикасының Ұлттық қорының қаржысын және квазимемлекеттік сектор субъектілерінің активтерін басқару және пайдалану тиімділігіне мемлекеттік аудит (бұдан әрі – мемлекеттік аудит) жүргізілді.

"Қазақстанның тұрғын үй құрылыс жинақ банкі" АҚ мемлекеттік аудит қорытындысы бойынша, Есеп комитетінің 2017 жылғы 07 сәуірдегі № 6-5-Н ұйғарымы түсті, оған сәйкес 2017 жылғы 01 қазанға дейін "Нұрлы Жол" Мемлекеттік бағдарламасында қарастырылған халықтың әлеуметтік тұрғыдан аз қамтылған бөлігі мен жас отбасылардың тұрғын үй құрылыс жинақ жүйесіне қолжетімділігін қамтамасыз ету үшін қолданыстағы тарифтік тұрғын үй бағдарламаларының талдауы мен бағалауы шараларын қабылдауға, сондай-ақ тұрғын үй бағдарламаларының қатысушылары үшін өңірлік үйлеспеушіліктерді теңестіруге бұйрық берілді.

Қазақстан Республикасы Энергетика министрлігінің Экологиялық реттеу және бақылау комитетінің Қызылорда облыстық Экология департаменті, 2017 жылғы 30 мамырдағы №75 тексеру белгілеу туралы актіге сәйкес, "Қазақстанның тұрғын үй құрылыс жинақ банкі" АҚ Қызылорда филиалында Қазақстан Республикасының Экологиялық кодесі талаптарының сақталынуын тексеру белгіленді. Тексеру мерзімі: 2017 жылғы 31 мамырдан бастап 2017 жылғы 30 маусымға дейін. Тексерілетін кезең: 2017 жылғы 1 қаңтардан бастап 2017 жылғы 30 маусымға дейін.

Тексеру нәтижесінде 2017 жылғы 16 маусымдағы № 42 Акт берілді, оған сәйкес, дизельді генератор жұмысының салдарынан қоршаған ортаға шығарылған зиянды заттар нормадан асатындықтан, Қазақстан Республикасының 2007 жылғы 9 қаңтардағы № 212-III Экология Кодексінің 69-бабының 3-тармағын бұзу анықталды. Банктің Қызылорда филиалының лауазымды тұлғасы 34 035,0 теңге көлемінде айыппұл түрінде әкімшілік жауапкершілікке тартылды. Бұдан бөлек, Экология кодексінің 321-бабының 1 және 2-тармақтарына сәйкес, тексеруші орган Банкке қатысты 39 628,0 теңге көлемінде қоршаған ортаға келтірілген зиянды өтеу туралы ұйғарым берді. Айыппұл төленіп, ұйғарым орындалды.

Қазақстан Республикасы Қаржы министрлігінің Ішкі мемлекеттік аудит комитетінің Алматы қаласы бойынша Ішкі мемлекеттік аудит департаменті» РММ 2017 ж. 02 тамыздағы №158 тексеруді тағайындау актісіне сәйкес, «Қазақстанның тұрғын үй құрылыс жинақ банкі» АҚ-ға 2017 жылдың 04 тамызынан бастап 2017 жылдың 11 тамызына дейін жоспардан тыс тексеру (сәйкес аудиті) жүргізді. Тексеру нәтижесі бойынша ескертулер мен бұзушылықтар орын алмады.

Қазақстан Республикасының Ішкі істер министрлігінің Төтенше жағдайлар жөніндегі комитеті Алматы қаласының Төтенше жағдайлар департаментінің Алмалы аудандық Төтенше жағдайлар жөніндегі бөлімі «Қазақстанның тұрғын үй құрылыс жинақ банкі» АҚ-ға өрт қауіпсіздігі талаптарын сақтау мәселелері бойынша тексеру жүргізуді белгіледі. Тексеру мерзімі: 2017 жылдың 30 тамызынан бастап 2017 жылдың 30 қыркүйегіне дейін.

Қазақстан Республикасы Еңбек және халықты әлеуметтік қорғау министрлігі Еңбек, әлеуметтік қорғау және көші-қон комитетінің Батыс Қазақстан облысы бойынша департаменті» РММ Батыс Қазақстан облыстық филиалында мүгедектерді әлеуметтік қорғау саласында Қазақстан Республикасының заңнамаларының сақталуына бұрын белгіленген кезектен тыс тексеру жүргізу аяқталды. Тексеру мерзімі: 2017 жылдың 25 қыркүйегінен бастап 2017 жылдың 03 қарашасына дейін. Тексеру кезеңі: 2017 жылдың 01 қаңтарынан 2017 жылдың 24 қыркүйегіне дейін. Тексеру нәтижесі бойынша Қазақстан Республикасында мүгедектердi әлеуметтiк қорғау туралы заңнаманың талаптарын бұзуды жою жөніндегі 2017 жылғы 30 қазандағы №19 нұсқама берілді.

Қазақстан Республикасы Қаржы министрлігінің Ішкі мемлекеттік аудит комитетінің Алматы қаласы бойынша Ішкі мемлекеттік аудит департаменті 2018 жылғы 11 сәуірдегі №74 аудиторлық шараны өткізу тапсырмасына сәйкес, «Қазақстанның тұрғын үй құрылыс жинақ банкі» АҚ-ға 2018 жылдың 12 сәуірінен бастап 5 мамырына дейін жоспардан тыс тексеру (сәйкес аудиті) жүргізді. Тексеру өткен кезең: 2017 жылдың 01 тамызынан 2018 жылдың 31 наурызына дейін. Аудит қорытындысы бойынша Банк қызметтерінде қаржылық бұзушылықтар орын алмады.

Қазақстан Республикасы Ішкі істер министрлігінің Төтенше жағдайлар комитеті Алматы қаласының Төтенше жағдайлар департаменті Алмалы ауданы Төтенше жағдайлар бөлімі" РМК"-нің (әрі қарай – уәкілетті орган) 2018 жылғы 26 маусымдағы тексеруді тағайындау туралы актісі негізінде 2018 жылғы 28 маусымнан 2018 жылғы 29 маусым аралығындағы уақыт кезеңінде "Қазақстанның тұрғын үй құрылыс жинақ банкі" АҚ-да (әрі қарай - Банк) азаматтық қорғаныс (өрт қауіпсіздігі) саласында Қазақстан Республикасының заңнама талаптарын сақтауға байланысты тәуекел деңгейін бағалау негізінде ерекше тәртіп бойынша тексеру жүргізілді.

Жүргізілген тексеру нәтижесінде азаматтық қорғаныс (өрт қауіпсіздігі) саласында анықталған талаптардың бұзылуымен 2018 жылғы 29 маусымда тексеру нәтижелері туралы акт жасалды, 2018 жылғы 29 маусымда №282 анықталған бұзушылықтарды жою туралы ұйғарым, сондай-ақ, Банктің лауазымды тұлғасына ескерту түрінде 2018 жылғы 05 шілдеде №187 әкімшілік жазаға тарту туралы қаулы берілді.

Банк жүргізген тексеру қорытындысы негізінде Банктің Орталық аппаратының ғимаратында өрт қауіпсіздігі талаптарын жоюға байланысты Шаралар жоспары жасалды.

Еңбек және халықты әлеуметтік қорғау министрлігінің Еңбек, әлеуметтік қорғау және көші-қон комитетінің департаменті" РММ "Қазақстанның тұрғын үй құрылыс жинақ банкі" АҚ-тың Алматы облыстық филиалында "Ерлік" қимыл қозғалысы кем мүгедектер ҚБ-ның мүгедектердің және тұрғындардың қозғалысы шектеулі тобының нысандарға қолжетімділігі мәселесі жөніндегі шағымы негізінде 2018 жылдың 28 тамызынан бастап 03 қыркүйегіне дейінгі кезеңде жоспардан тыс тексеру өткізді.

Тексеру нәтижесі бойынша 2018 жылдың 03 қыркүйегіндегі № 14-Э тексеру нәтижесі туралы акт толтырылды, сондай-ақ тексеру барысында туындаған бұзушылықтарды жою туралы 2018 жылғы 03 қыркүйектегі №38 ұйғарымы шығарылды.

"Атырау облысы Мемлекеттік еңбек инспекциясы басқармасы" ММ 2019 жылдың 01-02 тамыз аралығында "Қазақстанның тұрғын үй құрылыс жинақ банкі" АҚ Атырау облыстық филиалында жеке тұлғаның Қазақстан Республикасының еңбек заңнамасы талаптарының сақталуына қатысты шағымының негізінде жоспардан тыс тексеру жүргізілді.

Тексеру нәтижелері бойынша нөмірсіз және датасыз тексеру нәтижелері туралы акт жасалды, оның шеңберінде "Қазақстанның тұрғын үй құрылыс жинақ банкі" АҚ Атырау облыстық филиалының іс-әрекеттерінде Қазақстан Республикасының еңбек заңнамасы талаптарының бұзылуы анықталған жоқ.

"Еңбек және әлеуметтік қорғау министрлігінің Еңбек, әлеуметтік қорғау және көші-қон комитетінің Шымкент қаласы бойынша департаменті" РММ (бұдан әрі – тексеруші орган), 2019 жылғы 22 тамыздан бастап 03 қыркүйекке дейінгі кезеңде «Қазақстанның тұрғын үй құрылыс жинақ банкі» АҚ Шымкент қаласындағы филиалында Қазақстан Республикасындағы мүгедектерді әлеуметтік қорғау туралы заңнама талаптарын сақтау тұрғысында "Сынақ" мүмкіндігі шектеулі жандарды оңалту және әлуметтік құқықтарын іске асыру, қорғау" қоғамдық бірлестіктін шағымы негізінде жоспардан тыс тексеру жүргізді. 

Тексеру нәтижелері бойынша Қазақстан Республикасындағы мүгедектерді әлеуметтік қорғау туралы заңнама талаптарының бұзылуын жою туралы 2019 жылғы 03 қыркүйектегі №69 ұйғарым жасалды, сондай-ақ 2019 жылғы 03 қыркүйектегі №54 әкімшілік құқық бұзушылық туралы хаттама жасалды.

Тексеруші орган «Қазақстанның тұрғын үй құрылыс жинақ банкі» АҚ Шымкент қаласындағы филиалы қызметінде «Әкімшілік құқық бұзушылық туралы» Қазақстан Республикасының 2014 жылғы 5 шілдедегі  №235-v кодексінің 83-бабының 1-тармағының 1) тармақшасында көзделген    ірі кәсіпкерлік субъектілеріне төрт жүз айлық есептік көрсеткіш мөлшерінде айыппұл салуға әкеп соғатын әкімшілік құқық бұзушылық (мүгедектердің әлеуметтік және көлік инфрақұрылымы объектілеріне қол жеткізуін қамтамасыз етпеу) белгілерін тапты.

2019 жылғы 20 қыркүйекте Банк айыппұлды төледі.


Құрылымдық бөлімшелер туралы ақпарат

Көрсету

Ұйымдастырушылық құрылымы

Көрсету


Ваш город ?
Да
Нет

ХОТИТЕ УЗНАВАТЬ О НАШИХ АКЦИЯХ ПЕРВЫМИ?!

Қоңырауға тапсырыс беру

Сізбен 30 минуттан кейін хабарласады*
*жұмыс күндері сағат 9.00-ден 20.00-ге дейін,
ал демалыс және мереке күндері
сағат 9.00-ден 18.00-ге дейін