Сатып алу ережелері

2023 жылға арналған сатып алу жоспары

2022 жылға арналған сатып алу жоспары

Банктің 2019-2025 жылдарға арналған ұзақ мерзімді сатып алу жоспары

«Бәйтерек» холдингі жанынан сатып алуды бақылау қызметі жұмыс істей бастады

2020 жылдың 1 қаңтарынан бастап «Бәйтерек» холдингінде Сатып алуды бақылау жөніндегі орталықтандырылған қызмет (СБОҚ) өз жұмысын бастады. Ол «Мемлекеттік мүлік туралы» ҚР Заңын іске асыру үшін Директорлар кеңесінің шешімімен құрылды.

Қызмет «Бәйтерек» холдингінің компаниялар тобында жүйелік проблемаларды анықтаумен және сатып алу жүйесін жетілдірумен айналысуды ниет етіп отыр. Ол сатып алу ережелерінің сақталуына ішкі бақылауды жүзеге асырады, сондай-ақ әлеуетті өнім берушілердің сатып алу кезінде жол берілетін ережелердің бұзылуына қатысты шағымдарын қарайтын болады. Бұл ретте СБОҚ Холдинг Басқармасына тәуелді емес және тікелей Директорлар кеңесіне есеп береді.

Холдингтің және оның еншілес ұйымдарының сатып алуды жүргізу ережелерін бұзуына тап болған әлеуетті өнім берушілер тапсырыс берушінің әрекетіне немесе әрекетсіздігіне, шешіміне «Мемлекеттік мүлік туралы» Заңның 186-4 бабында белгіленген тәртіппен және мерзімде СБОҚ-ға шағым беруге құқылы.

Белгіленген мерзімде шағым берген кезде шағымды қарау мерзімі аяқталғанға дейін СБОҚ-ның сатып алу туралы шарт жасасуды тоқтата тұратынын атап өту қажет. Шағымда көрсетілген фактілер расталған жағдайда сатып алу қорытындыларын жойғанға дейін СБОҚ Заңда белгіленген тиісті шараларды қабылдайтын болады.

Әлеуетті өнім берушілердің СБОҚ-ға уақтылы жүгінуі сатып алу кезінде жол берілген қателіктерге жедел ден қоюға, сондай-ақ оларды жою және болашақта жол бермеу үшін ұсынымдар мен тетіктерді әзірлеуге мүмкіндік береді.

«Бәйтерек» ҰБХ» АҚ-ның немесе оның сатып алуды жүргізетін еншілес ұйымдарының әрекеттеріне (әрекетсіздігіне), шешімдеріне шағымды мына мекенжай бойынша СБОҚ-ға беруге болады: Қазақстан Республикасы, Z05T2H3, Астана қаласы, Есіл ауданы, Мәңгілік Ел даңғылы, 55 А ғимарат. Сондай-ақ шағымды электрондық сатып алудың ақпараттық жүйесі арқылы беруге болады.