«Нұрлы Жер» тұрғын үй бағдарламасы

Қолжетімді, тиімді, сенімді!

Құрметті клиенттер, ҚР Үкіметінің 2022 жылғы 23 қыркүйектегі №736 қаулысына сәйкес Тұрғын үй-коммуналдық дамудың 2020-2025 жылдарға арналған «Нұрлы Жер» мемлекеттік бағдарламасының (оның ішінде «Шаңырақ» пилоттық жобасы) күші жойылғанын хабарлаймыз.

Осы Бағдарлама бойынша келісімдер шеңберінде жасалған қалған объектілер «Нұрлы Жер» бағдарламасының талаптары бойынша сатылатын болады.

Жаңа объектілер бойынша келісімдер «Тұрғын үй-коммуналдық инфрақұрылымды дамытудың 2026 жылға дейінгі тұжырымдамасы» шеңберінде жасалады.

Тұрғын үй-коммуналдық дамудың 2020 - 2025 жылдарға арналған «Нұрлы жер» мемлекеттік бағдарламасын – Отбасы банкі салымшылары үшін ең тиімді шарттармен жаңа баспана иесі атанудың тамаша мүмкіндігі.

несие мөлшерлемесі – 5%-ға дейін
жылдық тиімді сыйақы мөлшерлемесі – 5,2% бастап 5,8% дейін

жаңа үйлердегі пәтерлер ең төмен бағамен

бастапқы жарна – үй құнының 20%-нан бастап

Салынып жатқан нысаннан пәтерді өз бетіңше таңдауға болады.
Толығырақ мына жерде

Бағдарламаға қатысушыларға арналған салық жеңілдіктері. Толығырақ мына жерде

Таза әрлеудегі үйлер

Біздің банктегі депозитіңізде жеткілікті соманың басы құралса,
Бағдарлама бойынша таңдап алған үйіңізді бірден сатып ала аласыз
немесе заем ресімдеуге болады.

Кеңес алу

«Нұрлы жер» бағдарламасы аясындағы барлық нысандар туралы ақпарат
otbasybank.kz порталында жарияланады..

Мұнда сіз салынып жатқан нысандармен танысып, өтінім қабылданып жатқан-жатпағанын анықтап, ұнаған пәтерді таңдап, тұрғын үй сатып алушылар пулына қатысуға өтінім бере аласыз.

otbasybank.kz порталына өту
«ЖАО-ның әлеуметтік кредиттік Тұрғын үйді өткізуі» бағытының аясында сіз «Нұрлы жер» бағдарламасы бойынша салынып жатқан тұрғын үй кешенін өзіңіз таңдай аласыз.

Барлық нысандарды otbasybank.kz сайтынан көруге болады.

1 ш. м бағасы*:
240 мың теңгеге дейін – Алматы қаласында;

220 мың теңгеге дейін – Астана қаласы мен оның маңындағы аймақтарда;

200 мың теңгеге дейін – Шымкент қаласы мен Алматы қаласы маңындағы аймақтарда;

180 мың теңгеге дейін – Ақтөбе, Атырау, Ақтау, Түркістан қалалары, Қарағанды және Қостанай облыстарында.
160 мың теңгеге дейін – қалған аймақтарда.
Негізгі конкурс әкімдік кезегінде тұрғандар арасында өткізіледі. Бос пәтерлер қалған жағдайда әкімдік кезегінде тұрмаған Банк салымшылары арасында қосымша конкурс ұйымдастырылады. Қосымша конкурстан кейін қалған пәтерлер тікелей сату арқылы жүзеге асырылады.

* Инженерлік желілер құнын қоспағандағы баға

Әкімдікте кезекте тұрған үміткерлерге қойылатын талаптар:

Қазақстан Республикасының азаматтығы;

соңғы 6 (алты) айда еңбек және (немесе) кәсіпкерлік қызметтен түсетін отбасының әрбір мүшесіне шаққанда күнкөріс деңгейінің 3,7-еселенген шамасына дейінгі табысының болуы .

*Табысты растамаған жағдайда және меншікті қаражаттардың жеткілікті сомасы бар болған жағдайда, әкімдіктің кредиттік тұрғын үйін қарызды ресімдеусіз сатып алуға болады.

Әкімдікте кезекке тұрмаған, –үміткер - банк салымшыларына қойылатын талаптар:
Қазақстан Республикасының азаматтығы;

соңғы 6 (алты) айда еңбек және (немесе) кәсіпкерлік қызметтен түсетін отбасының әрбір мүшесіне шаққанда күнкөріс деңгейінің 3,7-еселенген шамасына дейінгі табысының болуы;

өтініш берген күні Астана және Алматы қалаларынан үй сатып алуға үміттенетін өтініш берушілердің осы қалалардағы тұратын жері бойынша соңғы 2 (екі) жылдан кем емес тұрақты тіркеуінің болуы.
соңғы 5 (бес) жыл ішінде өтініш берушінің және оның отбасы мүшелерінің Қазақстан Республикасы аумағында тұрғын үйінің болмауы.
*Табысты растамаған жағдайда және меншікті қаражаттардың жеткілікті сомасы бар болған жағдайда, әкімдіктің кредиттік тұрғын үйін қарызды ресімдеусіз сатып алуға болады.

Сізге не істеу керек:

1. Отбасы банкінен депозит ашып, тұрғын үй құрылыс жинағы туралы келісім-шарт бекіту.

2. otbasybank.kz сайтында Бағдарламаға қатысу туралы өтінім беру. Барлық өтінімдер пул, яғни ұпай саны бойынша үміткерлер тізімі түрінде түзіледі. Пул мен ұпай есептеу туралы толығырақ мына жерде.

3. Депозитте үй құнының кем дегенде 20%-на тең бастапқы жарнаны жинау немесе бірден құю.

4. Отбасы банкі бөлімшесінде өтінім беру және төлем қабілеттілігін тексеруден өту.

5. Әкімдікпен сату-сатып алу келісім-шартын бекіту.

6. Отбасы банкінен заем алу.

Өтініштерді пулға қабылдау кезінде кандидаттардың тізімін қалыптастыру
Балдарды есептеу кезінде жинаған балдар санының «ең жоғарғы мәнінен ең төменгі мәніне" қағидаты бойынша үміткерлердің тізімі қалыптастырылады. Балдарды есептеу өтініштерді қабылдау аяқталған күннен кейінгі келесі жұмыс күні өтініштерді қабылдаудың соңғы күніндегі жағдай бойынша жүзеге асырылады. Тұрғын үй типі бойынша пәтерлер санына тең мөлшердегі үміткерлер кандидаттарға айналады. Үміткерлердегі балдардың саны тең болған кезде ең ерте күнмен ТҚЖ туралы шарт жасасқан үміткерлерге басымдық беріледі.

Тікелей сату кезінде кандидаттар тізімін саралау
«Баспана» порталы өтініш берген сәтте тікелей сатуға қатысатын салымға есептелген сыйақы сомасына қарай (жинақ шотындағы есептелген сыйақы сомасы неғұрлым жоғары болса, объектідегі осы пәтерді таңдауға басымдық соғұрлым жоғары болады) кандидаттардың тізімін автоматты түрде саралайды. Бұл ретте, егер брондау кезінде ТҚЖ туралы бірнеше шарт мәлімделсе, 3 (үш) жылға дейінгі мемлекет сыйлықақысын қоспағанда, жүйе жинақ шотындағы және сыйақы шотындағы сыйақының жалпы сомасын жинақтайды. Тізім бойынша келесі кандидаттар, бірінші кандидаттан кейін, егер бірінші кандидат өтініштің күшін жойса немесе біліктіліктен өтпесе, брондалған пәтерге құқығын сақтайды. Тізім бойынша келесі кандидатқа Банктің интернет-ресурсындағы жеке кабинетінде біліктілікке шақыру туралы хабарлама автоматты түрде жіберіледі.
Кандидаттың біліктілігін растау мерзімі өтініштерді тікелей сатуға қабылдау аяқталған күннен бастап 5 (бес) жұмыс күнін құрайды. Тізім бойынша келесі кандидатқа біліктілікті растаудың осындай мерзімі белгіленген.

Кеңес алу
«Жеке тұрғын үй құрылысын дамыту» бағытының аясында әкімдіктер инженерлік коммуникациялар жүргізілген жер телімдерінде үйлер құрылысын жүргізеді.

1 ш. м бағасы:
- 120 мың теңгеге дейін - инженерлік желілерді қоспағанда.
- Несие мөлшерлемесі - жылдығы 5%-ға дейін
- Жылдық тиімді сыйақы мөлшерлемесі - 5,2%-дан бастап.
Үміткерлерге қойылатын талаптар:
- Әкімдікте жеке тұрғын үй құрылысы аясында жер телімін алу үшін кезекке тұруы;
- Өтініш берушінің және оның отбасы мүшелерінің Қазақстан Республикасы аумағында тұрғын үйінің болмауы.
Сізге не істеу керек:

1. Отбасы банкінен депозит ашып, тұрғын үй құрылыс жинағы туралы келісім-шарт бекіту.

2. Депозитте үй құнының кем дегенде 20%-на тең бастапқы жарнаны жинау немесе бірден құю.

3. Бағыттама алу үшін әкімдікке бару.

4. Отбасы банкі бөлімшесінде өтінім беру және төлем қабілеттілігін тексеруден өту.

5. Әкімдікпен сату-сатып алу келісім-шартын бекіту.

6. Отбасы банкінен заем алу.

Кеңес алу