Тарих

Тұрғын үй құрылыс жинақтары жүйесі Қазақстандағы халықтың тұрғын үй жағдайын жақсарту жөніндегі іс-шаралар бойынша кредит берудің сапалы жаңа жүйесі болып табылады. Қазақстан – ТМД аумағында осы жүйенің бірінші кезекте табысы орташа және орташадан төмен халыққа арналған қағидаттары мен шарттарын іске асыру басталған бірінші ел.

2021

Жыл ішінде:

• Тұрғын үй жағдайларын жақсарту үшін зейнетақы төлемдерін пайдалану қағидалары және www.enpf-оtbasy.kz онлайн-платформасы арқылы Қазақстан Республикасының аумағында тұрғын үй жағдайларын жақсартуға және емделу ақысын төлеуге зейнетақы жинақтарын пайдалануға өтінімдер қабылдау үшін www.enpf-оtbasy.kz онлайн-платформасы іске қосылды.

• Банктің банктік операцияларды жүргізуге лицензиясы қызметтің жаңа түрімен кеңейтілді, бұл – тұрғын үй жағдайларын жақсарту және (немесе) емделу ақысын төлеу мақсатында біржолғы зейнетақы төлемдерін аудару үшін жеке тұлғалардың ағымдағы банктік шоттарын ашу және жүргізу.

• Fitch Ratings рейтингтік агенттігі Банкке ұлттық валютадағы эмитент дефолтының ұзақ мерзімді рейтингін «BBB-» деңгейінен «ВВВ» деңгейіне дейін көтерді. Рейтинг бойынша болжам – «Тұрақты».

• Mооdy's Investоrs Service агенттігі Банктің ұлттық валютадағы депозиттері бойынша ұзақ мерзімді рейтингті «Ваа3» деңгейінен «Ваа2» деңгейіне дейін көтерді. Рейтинг бойынша болжам – «Тұрақты».

• Мобильді қолданбада және Банк сайтындағы интернет-банкингте «Ипотекалық қарызды мерзімінен бұрын ішінара өтеу» онлайн сервисі енгізілді.

• Азия даму банкінен қарыз қаражаты есебінен тұрғын үйді қаржыландыруда гендерлік теңдікті қамтамасыз етуге бағытталған, Қазақстан әйелдерінің тұрғын үй жағдайын жақсартуға арналған «Ұмай» бағдарламасы іске қосылды.

• Банк жұмысының ашықтығы мен айқындығын арттыру, ақпаратқа қол жеткізу және азаматтармен жедел кері байланыс орнату үшін «Ашық диалог» блог-платформасында (https://dialоg.egоv.kz) Банк Басқармасының төрайымы Ляззат Ибрагимованың блогы пайда болды.

• Берілген сенімхат негізінде клиенттердің өкілдеріне қызмет көрсетуді оңтайландыру үшін ВРМ жүйесінде «Сенімхаттар» модулі іске асырылды.

• Өтінімдер бойынша шешімдер қабылдаудың автоматты жүйесін скоринг карталары жұмысының нәтижелері бойынша шешімдер қабылдай отырып, «Алдын ала іріктеу» процесімен интеграциялау ендірілді.

• Клиенттерге қашықтықтан қызмет көрсетудің жаңа функциясы іске қосылды, бейне қоңырау арқылы депозитті онлайн ашу, сондай-ақ интернет-банкингте «Сақтандыру шарттарын ұзарту» онлайн операциясы жүзеге асырылды.

• Банк Жамбыл облысында жарылыс кезінде қаза тапқан екі отбасының және төтенше жағдай салдарынан зардап шеккен, Отбасы банкте кредиттері болған 7 отбасының 16,6 млн теңге сомасындағы берешегін есептен шығарды.

• Банктің мобильді қолданбасында «Консьерж сервис», «Қарызды мерзімінен бұрын толық өтеу», «Қосалқы қарыз алушылармен қарызды мерзімінен бұрын ішінара өтеу» онлайн сервистері іске қосылды.

• Blоckchain технологиясын қолдана отырып, жылжымайтын мүлік кепілін онлайн тіркеу іске қосылды.

• Тұрғын үйді сатып алу және сату бойынша маркетплейс («Baspana market» порталы) іске қосылды, онда клиенттер тұрғын үйді таңдай алады, мемлекеттік бағдарламаларға қатысуға өтінім бере алады, Банктің жеке бағдарламалары бойынша құрылыс салушылардан оңтайлы нұсқаны таңдай алады, қайталама нарықта пәтер сатып алады, ал құрылыс салушылардың өз кабинеттері болады, онда олар электронды түрде ынтымақтастық туралы өтінім бере алады және Банк сатып алушыларының үлкен пулына арналған пәтерді сатуға қою мүмкіндігіне ие болады.

• Депозитті толықтыру және кредитті өтеу бойынша Банк серіктестерінің тізімі кеңейтілді – нөлдік комиссиямен Fоrte bank мобильді қолданбасы арқылы төлеудің (депозитті толықтыру, кредитті өтеу) жаңа тәсілі енгізілді.

• Қазақстан Республикасының Цифрлық даму, инновациялар және аэроғарыш өнеркәсібі министрлігінің, «Ұлттық ақпараттық технологиялар» АҚ мен Отбасы банктің ақпараттық жүйелерін интеграциялау жүргізілді, нәтижесінде Банк клиенттері EGОV Mоbile электрондық үкіметтің мобильді қолданбасында «Цифрлық құжаттар» сервисін пайдалана алады.

• Нұр-Сұлтан қаласының мемлекеттік қалалық және республикалық ұйымдарында жұмыс істейтін азаматтар санаты үшін Банк пен Нұр-Сұлтан қаласы әкімдігінің 2021-2023 жылдарға арналған «Elоrda Zhastary» бірлескен бағдарламасы іске қосылды.

2020

Жыл ішінде:

• Интернет-банкингке шоттар арасындағы аударымдар деген жаңа сервис енгізілді.

• Алматы қаласының мемлекеттік қалалық және республикалық ұйымдарында жұмыс істейтін азаматтар санаты үшін Алматы қаласы әкімдігі мен Банктің «Алматы жастары» деп аталатын бірлескен жобасы іске қосылды.

• Байланыс орталығының операторы «Бейне кеңес беру» сервисі арқылы алғашқы депозитін ашты.

• 2020 жылғы 20 наурызда Fitch Ratings халықаралық рейтингтік агенттігі Банк эмитенті дефолтының ұзақ мерзімді рейтингін «BBB-» деңгейінде растады. Рейтингтер бойынша болжам – «Тұрақты».

• Қазақстан Республикасында Төтенше жағдай режимінің енгізілуіне байланысты клиенттерден қарыздар бойынша төлем мерзімін кейінге қалдыруға өтініштер қабылдау басталды.

• Банк сайтында ағымдағы шот ашу, деректемелерді өзгерту, салым шарттарын өзгерту, салымды бөлу қызметтерін алу бойынша «Бейне қоңырау» сервисі енгізілді.

• Интернет-банкингте «Төлемді кейінге қалдыру» модулі іске қосылды.

• Қашықтан банктік қызмет көрсету үшін ҚРҰБ ҚБЕО «Сәйкестендіру деректерімен алмасу орталығы» ақпараттық жүйесімен интеграциялау жүзеге асырылды.

• «Отбасы банк» АҚ CRM жүйесінде көп арналы E-mail, Push,  SMS хабарламалар жіберу сервисі іске асырылды.

• Банк пен Еуразиялық топ арасында Eurasian Resurces Grоup (ERG) кейбір кәсіпорындарының қызметкерлеріне жеңілдікпен кредит беру (бастапқы жарнасыз кредит беру) жөнінде келісімге қол қойылды.

• Жаңа өнім – «Арнау» балалар депозиті іске қосылды (кредит бойынша сыйақы мөлшерлемесі жылдық 2%, депозит бойынша жинақтаудың ең аз мерзімі 10 жылды құрайды).

• Банк кеңес берушілері арқылы қарызды ресімдеуге құжаттарды беру бойынша қызметтің жаңа түрі енгізілді.

• 2020 жылғы 1 шілдеден бастап жас отбасыларға арналған «Жас отбасы» жаңа тұрғын үй бағдарламасы іске қосылды (кредит бойынша мөлшерлеме алғашқы екі жылда жылдық 6%, содан кейін ол 5%-ға дейін төмендейді).

• 2020 жылғы 4 тамызда Түркістан қаласында Банк филиалы ашылды (2020 жылғы тамыздан бастап Банктің аймақтық желісінде - 18 филиал).

• «Шаңырақ» пилоттық жобасына қатысушыларға кредит беру» бағыты бойынша Мемлекеттік тұрғын үй-коммуналдық дамудың 2020-2025 жылдарға арналған «Нұрлы жер» бағдарламасына қатысуға өтініштер қабылдау басталды.

• Интернет-банкте және ТҚЖБ24 мобильді қолданбасында бірінші салым ашылды.

• Интернет-банкингтегі жеке құжат ретінде клиенттің кредит бойынша төлем кестесін өз бетінше жүктеу қызметі іске асырылды.

• Клиенттің жыл қорытындысы бойынша мемлекет сыйлықақысы есептелетін депозитті өз бетінше таңдауы, сондай-ақ салымшының интернет-банкингте немесе ТҚЖБ24 мобильді қолданбасында депозиттерді өз бетінше біріктіруі бойынша қызметтер іске асырылды.

• 2020 жылғы 20 желтоқсанда «Қазақстанның тұрғын үй құрылыс жинақ банкі» акционерлік қоғамы «Отбасы банк» тұрғын үй құрылыс жинақ банкі» акционерлік қоғамы болып қайта тіркелді.

2019

Жыл ішінде:

• Ұйымдардың өз қызметкерлеріне қолдау көрсетуіне және олардың тұрғын үй жағдайларын жақсартуға көмектесуіне мүмкіндік беретін «Корпоративтік» бағдарламасы бекітілді.

• «Сыйлық сертификаты» жаңа өнімі енгізілді, ол ТҚЖ туралы шартты сыйлық ретінде үшінші тұлғаға өтеусіз беруге мүмкіндік береді.

• Банк «Бақытты отбасы» өңірлік бюджеттік кредит беру шеңберінде Алматы қаласының әкімдігімен 3 млрд теңге сомасына шарт жасасты. Сондай-ақ қарыз беру бойынша өзара іс-қимыл туралы келісім жасалды.

• Белгілі бір объектілердің аумағында көшеттер отырғызу бойынша «Жасыл Мекен» акциясы ұйымдастырылды, оған 35 000-нан астам адам тартылды.

• Банкке «Нұрлы жер» мемлекеттік тұрғын үй құрылысы бағдарламасы шеңберінде алдын ала және аралық тұрғын үй қарыздарын беру үшін 50 млрд теңге бөлінді.

• Банктің жалғыз акционерінің шешімімен Директорлар кеңесінің құрамы өзгертілді.

• Банк бірінші облигациялық бағдарлама аясында 20 млрд теңге көлемінде өз облигацияларын орналастырды.

• 2019 жылғы 27 тамызда Мооdy's Investоrs Service халықаралық рейтингтік агенттігі «Қазақстанның тұрғын үй құрылыс жинақ банкі» АҚ-ның ұзақ мерзімді рейтингтері бойынша болжамын «Тұрақтыдан» «Жағымдыға» өзгертті.

• Бірінші кредиттік бюроның биометриялық верификациясын қолдана отырып, «Бейне сервис» арқылы депозиттерді қашықтан ашу бойынша пилоттық жоба іске қосылды.

2018

Жыл ішінде:

• ТҚЖ жүйесінің жаңа 386 мың қатысушысын тарту.

• «Нұрлы жер» мемлекеттік тұрғын үй құрылысы  бағдарламасын іске асыруға қатысу.

• Банк клиенттер үшін «Онлайн басқаға беру» - интернет банкингте үшінші тұлғаларға беру қызметін іске қосты.

• «Әскери баспана» мамандандырылған сайты арқылы өтінімдерді қабылдау 02.07.2018 ж. бастап 01.08.2018 ж. дейін жүзеге асырылды. 16.08.2018ж. келесі бағдарламалар бойынша кредиттік өтінімдер қабылдау және кредит беру басталды:

• 1. алдын ала тұрғын үй қарызы шарттарында құрылыс салушыдан бастапқы тұрғын үйге кредит беру;

• 2. алдын ала тұрғын үй қарызы шарттарында нарықтағы қайталама тұрғын үйге кредит беру.

• ҚР Ұлттық Банкінен банктік және өзге де операцияларды және бағалы қағаздар нарығындағы қызметті жүргізуге лицензия алынды (04.09.2018ж. №1.2.60/44), ол заңды тұлғалардың банктік шоттарын ашуға және жүргізуге, сенім білдірушінің мүддесінде және тапсырмасы бойынша ипотекалық қарыздар бойынша талап ету құқықтарын сенімгерлік басқаруға және т.б. құқық береді).

• Банк пен Дүниежүзілік банк тобына кіретін Халықаралық қаржы корпорациясы арасында Ынтымақтастық туралы меморандумға қол қойылды.

2017

Жыл ішінде:

• «Қазақстанның тұрғын үй құрылыс жинақ банкі» АҚ-ның 2023 жылға дейінгі дамуының жаңа стратегиясы бекітілді.

• ТҚЖ жүйесінің жаңа 352 мың қатысушысын тарту.

• 2015 жылғы тамыздан бастап теңгенің еркін өзгермелі айырбас бағамы режиміне көшуге байланысты өтемақының екінші траншы 20,3 млрд теңге мөлшерінде төленді.

• «Нұрлы жер» мемлекеттік тұрғын үй құрылысы бағдарламасын іске асыруға қатысу.

• Банк пен жергілікті атқарушы органдар арасында «Нұрлы жер» мемлекеттік тұрғын үй құрылысы бағдарламасы шеңберінде Ынтымақтастық туралы меморандумға қол қойылды.

• Тұрғын үй құрылысы жинақ ақшасы туралы шарт жасасу үшін және тұрғын үй құрылысы жинақ ақшасы туралы шарт бойынша шарттық соманы ұлғайту үшін комиссияны нөлдеу.

• Банктің қолданыстағы тарифтік бағдарламаларының барлық негізгі шарттарын біріктірген «Баспана» жаңа тарифтік бағдарламасы қолданысқа енгізілді.

• Банктің жаңа интернет-ресурсы – «baspana.kz жылжымайтын мүлік порталы»  іске қосылды.

• Сбербанк терминалдары арқылы және «Сбербанк онлайн» интернет банкингі арқылы депозитті толықтыру немесе кредитті өтеу үшін Сбербанк арқылы (терминалдар және интернет банкинг) Банк қызметтерін төлеудің баламалы арнасы іске қосылды.

• «Алматы қаласының жастарын қолдаудың 2017-2020 жылдарға арналған Жол картасы» бағдарламасы бойынша кредиттік өтінімдерді қабылдау іске қосылды.

• SMS-хабарлама арқылы депозитті толықтыру немесе кредитті өтеу үшін Beeline операторы арқылы Банк қызметтерін төлеудің жаңа баламалы арнасы іске қосылды.

• Қазақстан қор биржасының (KASE) Листинг комиссиясының шешімімен «Қазақстанның тұрғын үй құрылыс жинақ банкі» АҚ облигациялары негізгі алаңның «облигациялар» санаты бойынша KASE ресми тізіміне енгізілді.

2016

Жыл ішінде:

• Өңірлерді дамытудың 2020 жылға дейінгі бағдарламасын іске асыруға қатысу.

• ТҚЖ жүйесінің жаңа 292 мың қатысушысын тарту.

• 29,3 млрд. теңге сомасына 316 760 салымдар бойынша өтемақы төлеу.

• Банктің халыққа кредит беру, комиссияларды қолдану мәселелері бойынша ішкі құжаттарға өзгерістер енгізуі, Банктің кредиттік портфелін стресс-тестілеуді жүргізу рәсімдері, кредиттік шарттарды әзірлеу және бекіту рәсімі және т.б. регламенттелді.

• Уәкілетті органдардың Банк қызметіне 2 сыртқы тексеру жүргізуі («Алматы қаласы мемлекеттік еңбек инспекциясы және көші-қон басқармасы» КММ, Республикалық бюджеттің атқарылуын бақылау жөніндегі есеп комитеті).

• «Ақпаратқа қол жеткізу туралы» ҚР 16.11.2015ж. №401-V Заңына сәйкес Банк қызметі туралы ақпараттың ашықтығын және қолжетімділігін қамтамасыз ету.

• Банк өнімдерін өткізу жүйесі және клиенттер үшін сервисті жақсарту:

• Банктің жаңа веб-сайты енгізілді.

• Банк кеңес берушілерінің әлеуметтік желісі енгізілді (агенттік желі) – http://cоnsultant.hcsbk.kz.

• Төлемдерді Kaspi.kz арқылы оnline қабылдау режиміне ауысу жүзеге асырылды.

• «Өтеу күнін комиссиясыз ауыстыр» акциясы басталды.

• Клиенттерге 4 млн. теңгеден астам шарттық сомамен ТҚЖ туралы шарт жасасу үшін комиссияға 50% жеңілдік беретін «Кез келген салым екі есе арзан» акциясы іске қосылды.

• 19.08.2015ж. бастап тұрғын үй қарызын ресімдеген клиенттерге ТҚЖ туралы шарт жасасу үшін комиссияға 100% жеңілдік беретін «Тиімді өтемақы» акциясы іске қосылды.

• Банктің веб-сайтында жаңа Интернет-банкинг іске қосылды, бұл ретте «Жеке кабинет» сервисі қатар жұмыс істейді.

• Банк клиенттеріне қарыз бойынша кезекті төлемді еске салу туралы смс-хабарлама енгізілді.

• Банк қызметтеріне QIWI Kazakhstan төлем терминалдары арқылы төлем жасау енгізілді, комиссия төлем сомасының 1,3%-ын құрайды.

• Банктің Оңтүстік Қазақстан облысының Жетісай қаласында, Қарағанды облысының Жезқазған қаласында, Ақтөбе облысының Хромтау қаласында, Астана қаласының Орталық филиалында, Ақсу қаласының Павлодар облыстық филиалында, Балқаш қаласының Қарағанды облыстық филиалында, Шығыс Қазақстан облыстық филиалында, Риддер қаласында, Рудный қаласының Қостанай облыстық филиалында, Түркістан қаласының Оңтүстік Қазақстан облыстық филиалында, Шу қаласының Жамбыл облыстық филиалында,  Өтеген батыр кентінің Алматы облыстық филиалында,  Алматы қалалық филиалында қосымша үй-жайлар ашылды.

• IОS және Andrоid-те интернет-банкингтің мобильді қолданбалары іске қосылды.

• Банк пен «БанкЦентрКредит» АҚ арасында төлемдерді қабылдаудың баламалы арналарына қызмет көрсетуге шарт жасалды. Банк клиенттері қызметтерді «БанкЦентрКредит» АҚ кассалары, банкоматтары, интернет-банкингі және терминалдары арқылы төлей алады.

• Банкте ТҚЖ туралы шартты ашудың жеңілдетілген рәсімі мен тәртібі енгізілді.

• Банк клиенттерінен интернет банкингте алдын ала мақұлдаумен кредиттік өтінімдерді қабылдауға мүмкіндік беретін «алдын ала іріктеу» жүйесі іске қосылды.

2015

Жыл бойында

• «Өңірлерді дамыту - 2020» Бағдарламасын жүзеге асыруға қатысуы.
• ТҚЖ жүйесінің жаңа 225 мың қатысушыларын қатыстыруы.
• Банктің орталық аппаратының және филиалдарының қызметтеріне уәкілетті органдармен 9 сыртқы тексеріс өткізуі (ҚР ҰБ, Салық комитеті, Қызылорда облысы бойынша еңбек саласындағы Бақылау басқармасы ММ, ҚР ҚМ ҚБК Батыс Қазақстан облысы бойынша қаржы бақылау инспекциясы (Прокуратура органдары және т.б.)
• Банктің сыртқы сайтындағы ақпараттарды ҚР 16.11.2015ж. №401–V «Ақпараттарға рұқсат» Заңына сәйкес ашықтық және қолжетімділік талаптарына сәйкес келтіруі.
• 2015 жылғы 28 шілдедегі Банк пен Баушпаркассе Швебишь Халль құрылыс жинақ кассасы арасындағы ынтымақтастық туралы Меморандумға және құпия ақпараттарды жарияламау туралы Келісімге қол қоюы.

Клиенттер үшін Банк өнімдерін өткізу және қызмет көрсетуін жақсарту жүйесі:

• «Kaspi Bank» АҚ-мен kaspi.kz интернет-ресурсында төлемдерді қабылдау бойынша қызмет көрсету туралы Шарт жасалды.
• 1000-нан 0-теңгеге дейін жинақ, несие шотының жағдайы туралы анықтамаларды, несие қарызының болуы/болмауы және басқа да анықтамаларды беру үшін комиссия көлемі төмендетілді.
• Өңірлерді дамытудың 2020 жылға дейінгі бағдарламасы бойынша тұрғын үйді сатып алушылар мен жалға алушылардың пұлын құру рәсімдерін оңайлату, комиссияларды қолдану қалыпқа кіретін кейбір мәселелер бойынша Банктің ішкі құжаттарға өзгеріс енгізуі.
• Банктің төлем терминалдарына клиенттің ЖСН енгізу арқылы салым/ай сайынғы төлемдер енгізу қызметі іске асырылды.
• Клиенттердің Банктің веб-сайтында кезекті электронды брондау мүмкіндігі іске асырылды.
• Банктің веб-сайтындағы жеке кабинетіндегі қолданушылар үшін жаңа «кез-келген Банктің картасымен депозит толтыру, кредит өтеу» қызметі қолжетімді.
• Төлемдер комиссиясыз нақты уақыт режимінде клиенттердің шотына түседі.
• «Pay Point» ЖСС «Эксимбанк» АҚ-мен Pay Point электронды ақша жүйесінде өзара іс-қимыл туралы шарт жасалды. Оның аясында «Pay Point» ЖСС 450 терминалы мен 50 кассалық желілері арқылы Банктің есебінен төлемдер қабылданатын болады. Клиенттер үшін төлем қабылдау тегін болады. Өйткені «Эксимбанк» АҚ комиссиясы Банк қаражаты есебінен төленеді.
• 1-9 трилиион теңгеден аса шарттық сомаға жету.

Сертификаттау:

• Сапа менеджменті жүйесі сертификатының ISO 9001:2008 стандартына сәйкестігінің расталуы.
  

Халықаралық ұйымдармен мүшелігі:

• Еуропалық құрылыс жинақ кассасы федерациясы.
• Халықаралық тұрғын үйді қаржыландыру одағы.

Банк акционерлері:

2013 жылғы тамыз айынан бастап «Қазақстанның тұрғын үй құрылыс жинақ банкі» АҚ –ның қазіргі уақытқа дейінгі жалғыз акционері «Бәйтерек» Ұлттық Басқарушы холдингі» АҚ болып табылады.

2013

Жыл бойында:

• Банк 2008-2010 жылдарға арналған Қазақстан Республикасында тұрғын үй құрылысы мемлекеттік бағдарламасын жүзеге асыруға қатысты;
• Банк «Қолжетімді тұрғын үй – 2020» бағдарламасын жүзеге асыруға қатысты.

Сертификация, рейтингтер:

• Moody’s халықаралық рейтинг агенттігі депозиттер бойынша Ba1/ Notprimeдеңгейінде ұлттық валютада ұзақ мерзімді және қысқа мерзімді Банк рейтингін растады.
• Сапа менеджменті жүйесі сертификатының ISO 9001:2008 стандартына сәйкестігі расталды

Банк өнімін өткізу жүйесі:

• 7 клиенттерге қызмет көрсету орталығы ашылды ( Астана қ. 2 ҚО, Өскемен қ. 2 ҚО, Шымкент, Жаңаөзен, Теміртау қ.).
• Банктің аумақтық бөлімшелерінің үй-жайларында және сауда үйлерінде 19 төлем терминалы пайдалануға енгізілді.
• Жеке Байланыс орталығы пайдалануға берілді.

Банк акционері:

• 2003 жылдың тамыз айынан бастап қазіргі дейін «Қазақстанның тұрғын үй құрылыс жинақ банкі» АҚ-ның Жалғыз акционері – «Бәйтерек» ұлттық басқарушы холдингі».

2012

Жыл бойында:

• Банк 2008-2010 жылдарға арналған Қазақстан Республикасында тұрғын үй құрылысы мемлекеттік бағдарламасын жүзеге асыруға қатысты;
• Банк «Қолжетімді тұрғын үй – 2020» бағдарламасын жүзеге асыруға қатысты.

Сертификация, рейтингтер:

• Moody’s халықаралық рейтинг агенттігі Ba1/ Notprimeдеңгейінде ұлттық валютада ұзақ мерзімді және қысқа мерзімді Банк рейтингін растады.
• Сапа менеджменті жүйесі сертификатының ISO 9001:2008 стандартына сәйкестігі расталды

Марапаттау және жетістік:

• «Қазақстанның тұрғын үй құрылыс жинақ банкі» АҚ-ның негізгі көрсеткіштері бойынша «Эрнст энд Янг» компаниясы «банк қызметкерлерінің күшімен енгізілген жүйе жұмысы жоғары деңгейде» деп бағалады.
• СарапшыРА «2011 жылдың ең жақсы жылдық есептері» байқауында Банкке «Қаржы саласындағы ең жақсы жылдық есеп» номинациясында Номинант дипломы тапсырылды.

Банк өнімдері:

• Негізгі қарыздың 50% өтеуді кейінге шегеруді қарастыратын «Жеңіл 2» жаңа кредиттік өнімдер енгізілді.
• Алдын ала және аралық тұрғын үй заемдары, соның ішінде 1.01.13 жылдан бастап қолданылған республикалық бюджет қаржысы есебінен, «Қолжетімді тұрғын үй – 2020» бағдарламасы шеңберінде берілетін заемдар бойынша комиссия көлемдері мен сыйақы мөлшерлемелері төмендетілді.

Банк өнімін өткізу жүйесі:

• Ақтөбе, Өскемен, Астана, Қарағанды, Екібастұз қалаларында 5 клиенттерге қызмет көрсету орталығы ашылды.
• Банктің аумақтық бөлімшелерінің үй-жайларында алғашқы 35 төлем терминалы пайдалануға енгізілді.

Банк акционерлері:

• 28.03.13ж. бастапҚазақстан Республикасының Өңірлік даму министрлігіне «Қазақстанның тұрғын үй құрылыс жинақ банкі» АҚ акциялар пакетін иелену және пайдалану құқығы берілді.

2011

• ҚР Үкіметінің 30.03. 2011ж. №295 қаулысын орындау үшін, Банк акциялар пакетін иелену және пайдалану құқығы Қазақстан Республикасының Қаржы министрлігіне беріледі.
• 13.04.2011ж. бастап Қазақстан Республикасының Қаржы министрлігінің Мемлекеттік мүлік және жекешелендіру комитеті Банктің жалғыз акционері болып табылады.
• ҚР Президентінің 2011 жылдың 10 тамызындағы №136Жарлығын орындау үшін. ҚР Үкіметінің 2011 жылдың 23 қазанындағы №1224қаулысына сәйкес, заңнамада бекітілген тәртіпте, ҚР Құрылыс және тұрғын үй-коммуналдық шаруашылық істері агенттігіне «Қазақстанның тұрғын үй құрылыс жинақ банкі» АҚакциялар пакетін иелену және пайдалану құқығы берілді.
• 2011 жылдың 23 қазанынан бастап ҚР Құрылыс және тұрғын үй-коммуналдық шаруашылық істері агенттігі Банктің жалғыз акционері болды.

2010

Жыл бойы:

• Банк 2008-2010 жылдарға арналған Қазақстан Республикасында тұрғын үй құрылысы мемлекеттік бағдарламасын (2008-2010 МБ) жүзеге асыруға қатысты;
  
• Банк 2009- 2011 жылдарға арналған «Нұрлы Көш» мемлекеттік бағдарламасын жүзеге асыруға қатысты;
• Банк 2010 – 2014 жылдарға арналған ҚР құрылыс индустриясын дамыту және құрылыс материалдарын өндіру бағдарламасын жүзеге асыруға қатысты;
• Банк «Самұрық-Қазына» ҰӘҚ» АҚ жалға берілетін тұрғын үй бағдарламасын жүзеге асыруға қатысты;
• Банк тұрғын үй құрылыс жинақ жүйесі арқылы тұрғын үй құрылысы және өткізу бойынша жекеменшік құрылысшылармен ынтымақтастық жасай бастады.
• Банк 2008-2010 МБ жүзеге асыру аясында «Самұрық-Қазына» ҰӘҚ» АҚ-мен кредиттік шартқа қол қойды
• Сапа менеджменті жүйесі сертификатының ISO 9001:2008 стандартына сәйкестігі расталды
• Moody’s халықаралық рейтинг агенттігі Ba1/ Notprimeдеңгейінде ұзақ мерзімді және қысқа мерзімді Банк рейтингін бекітті
• Мемлекет басшысының 29.01.2010ж. «Қазақстанның Жаңа онжылдығы – жаңа экономикалық өрлеуі – Жаңа мүмкіндіктері» атты Қазақстан халқына жолдауын жүзеге асыру аясында жергілікті атқару органдарымен ниеттестік туралы келісімдерге қол қоя бастады
• Банк клиенттері үшін кредит беру талаптары жақсартылды
• Банктің ұйымдастырушылық құрылымы қайта ұйымдастырылды
• Алматы қаласында Банктің Қызмет көрсету орталықтары ашылды
• Банкте тиімділіктің негізгі көрсеткіштерін әзірлеу және ендіру (KPI) жұмыстары басталды
• ТҚЖ қатысушыларының саны 200 мың адамға жетті
• «Қазақстанның тұрғын үй құрылыс жинақ банкі» АҚ заемшыларына берілген заемдарды қайта құрылымдау шаралары бағдарламасының қолдану мерзімі ұзартылды
• 2010 – 2014 жылдарға арналған ҚР құрылыс индустриясын дамыту және құрылыс материалдарын өндіру бағдарламасын жүзеге асыру аясында жергілікті атқару органдарымен және Қазақстан Республикасының Құрылыс және тұрғын үй-коммуналдық шаруашылық істері агенттігімен ынтымақтастық туралы келісімге қол қойды.
• Банк активтері 100 млрд. теңгеге жетті

Өңірлік құрылымдардың дамуы: Қазақстан бойынша 18 филиал және Алматы қ. 3 қызмет көрсету орталығы

2009

• 2009- 2011 жылдарға арналған «Нұрлы Көш» мемлекеттік бағдарламасы жүзеге асырыла бастады.
• Банк клиенттерінің заемдарын қайта құрылымдау бағдарламасы іске қосылды.
• Moody’s халықаралық рейтинг агенттігі Baa3/P-3 деңгейінде ұзақ мерзімді және қысқа мерзімді міндеттемелер бойынша Банк рейтингін растады.
• 20 тамыздан бастап «Самұрық-Қазына» ұлттық әл-ауқат қоры» АҚ Банктің Жалғыз акционері болып табылды.
• «Русский Регистр» сертификаттау жөніндегі қауымдастық әрекет пен дамуда Банктегі Сапа менеджменті жүйесін қолдау ISO 9001:2008 стандартына сәйкес екенін растады.
• Банк теңгерімделген көрсеткіштер жүйесін енгізе бастады.
• Өңірлік құрылымдардың дамуы: 19 филиал.

2008

• 2008-2010 жылдарға арналған Қазақстан Республикасында тұрғын үй құрылысы мемлекеттік бағдарламасы аясында бірінші рет заем берілді.
• Moody’s халықаралық рейтинг агенттігі Банк рейтингтерін растады.
• Өңірлік құрылымдардың дамуы: 17 филиал.

2007

• 2005-2007 жылдарға арналған Қазақстан Республикасында тұрғын үй құрылысы дамуының мемлекеттік бағдарламасы аясында бірінші тұрғын үй заемы берілді.
• Қазақстан Республикасының Қаржы нарығын және қаржылық ұйымдарды реттеу мен қадағалау жөніндегі агенттігі Банкке қаржы агенті мәртебесін берді. Бұл Банкке мемлекеттік инвестициялық саясатты жүзеге асыруға қатысуға құқық береді.
• «Қазақстанның тұрғын үй құрылыс жинақ банкі» АҚ қазақстандық банктердің ішінен бірінші болып ISO9001:2000 сапа менеджменті жүйесіне сәйкестік сертификатын алды.
• ҚР «ҚР-дағы тұрғын үй құрылыс жинақ туралы» Заңына өзгерістер мен толықтырулар енгізілді. Соның аясында:
• «25/75» жинақтау сызбасы алынып тасталды
• Тұрғын үй құрылыс жинақ жүйесіне қатысушыларға алдын ала заем алу мүмкіндігі берілді
• ҚР «ҚР-дағы тұрғын үй құрылыс жинақ туралы» Заңына енгізілген өзгерістерге сәйкес, «Бастау», «Өркен», «Кемел», «Болашақ» атты жаңа тарифтік бағдарламалар енгізілді.
• «Қазақстандық ипотекалық кредиттерге кепілдік беру қоры» АҚ-мен Бас келісім қайта жасалды.
• Банк 2008-2010 жылдарға арналған Қазақстан Республикасында тұрғын үй құрылысы мемлекеттік бағдарламасының операторларының бірі болды.
• «Цесна Банк» АҚ-мен агенттік қызмет көрсету туралы шарт жасалды.
• Банк «алдын ала тұрғын үй заемы» атты жаңа қызмет көрсетуді енгізді.
• Банктің тарифтік бағдарламалары бойынша бірінші рет алдын ала тұрғын үй заемы берілді.
• Moody’s халықаралық рейтинг агенттігі Банкке «Ваa2» ұлттық валютадағы депозит бойынша ұзақ мерзімді рейтингін,«Рrime-2» ұлттық валютадағы депозит бойынша қысқа мерзімді рейтингін, «Е+» банктің қаржылық тұрақтылық рейтингін (BFSR) берді. Барлық рейтинг бойынша болжам – «тұрақты».
• Өңірлік құрылымдардың дамуы: 16 филиал.

2006

• «Қазақстанның тұрғын үй құрылыс жинақ банкі» АҚ алғашқы рет Банк қызметінің шығынсыз көрсеткішіне жетті.
• «Қазақстанның тұрғын үй құрылыс жинақ банкі» АҚ мен «Қазпошта» АҚ арасында қосымша Агенттік келісімге қол қойылды. Осы келісім аясында «Қазпошта» АҚ пошта байланысының облыстық және аудандық торабында «Қазақстанның тұрғын үй құрылыс жинақ банкі» АҚ атынан шарт жасау бойынша агенттік қызмет көрсетеді.
• Банк «Жеңіл» атты кредит берудің жаңа бағдарламасын енгізді.
• Банк клиенттеріне тарифтік бағдарламалар бойынша бірінші мәрте негізгі тұрғын үй заемын берді.
• Өңірлік құрылымдардың дамуы: 15 филиал.

2005

• Банктің тарифтік бағдарламалары бойынша алғашқы аралық тұрғын үй заемы берілді.
• Сәуір айында тұрғын үй құрылыс жинақ сомасына ынталандырылатын мемлекет сыйлықақысы 60-тен 200 айлық есептік көрсеткішке дейін арттыру туралы Қазақстан Республикасының «Қазақстан Республикасындағы тұрғын үй құрылыс жинақ туралы» Заңына өзгеріс енгізілді.
• «25/75 (мемлекеттік)», «25/75», «50/50 А», «50/50Б», «50/50 В» жаңа тарифтік бағдарламалары енгізілді.
• 2005-2007 жылға арналған Қазақстан Республикасында тұрғын үй құрылысы дамуының мемлекеттік бағдарламасы аясында Банк алғашқы заем берді.
• Қазан айында Банк «Экспонедвижимость» көрмесінде «Жылжымайтын мүлік нарығындағы жаңашыл идеяларды ілгерілеткені үшін» номинациясы бойынша марапатталды.
• Банк № 254 ұлттық және шетелдік валюталарда банктер жүзеге асыратын банктік және басқа да операцияларды жүргізуге және клиенттер шотын жүргізу құқығынсыз құнды қағаздар нарығында дилерлік қызметпен айналысуға лицензия алды.
• «Қазақстанның тұрғын үй құрылыс жинақ банкі» АҚ «В», «К» және «Р» санаттары бойынша «Қазақстандық қор биржасы» АҚ-ның мүшесі болып қабылданды.
• «Қазақстан Халық банкі» АҚ-мен ынтымақтастық туралы келісім жасалды.
• Өңірлік құрылымдарды дамыту: 11 филиал, 2 ЕКБ

2004

• 19 наурызда Қазақстан Президентінің «Бәсекелестікке қабілетті Қазақстанға, бәсекеге қабілетті экономикаға, бәсекеге қабілетті ұлтқа қарай» атты Қазақстан халқына жолдауында тұрғын үй құрылысы саласындағы жаңа мемлекеттік саясат баяндалды. Осыған сәйкес халықтың қалың жігін қолжетімді тұрғын үймен қамтамасыз ететінтұрғын үй құрылысы дамуының мәселелерін кешенді түрде шешу үшін, Президенттің 2004 жылдың 11 маусымындағы № 1388 «2005-2007 жылғы Қазақстан Республикасында тұрғын үй құрылысы дамуының мемлекеттік бағдарламасы туралы» Жарлығы шықты.
  
• 28 маусымында №715 қаулысымен 2005-2007 жылдарға арналған Қазақстан Республикасында тұрғын үй құрылысы дамуының мемлекеттік бағдарламасын жүзеге асыру шарасының жоспары бекітілді.
  
• 2004 жылдың 13 желтоқсанындағы № 11-III ҚР Заңымен Қазақстан Республикасының Салық кодексіне өзгеріс енгізілді. Осыған сәйкес ҚР аумағында үй жөндеуге, құрылысқа немесе баспана алуға тұрғын үй құрылыс жинақ банктерінде заңды тұлға – ҚР резиденті алған тұрғын үй заемы бойынша сыйақы өтеуге бағытталған сома салық салынатын табыстан шегерімге жатқызылды.
  
• Өңірлік құрылымдардың дамуы: 3 филиал, 4 өкілдік, 1 ЕКБ
  

2003

• Қазақстан Республикасы Үкіметінің «Тұрғын үй құрылыс жинақ банкін құру туралы» 2003 жылдың 16 сәуіріндегі №364 қаулысы негізінде,тұрғын үй құрылысын ұзақ мерзімді қаржыландырудың тиімділігін жетілдіру, көтеру және тұрғын үй құрылыс жинақ жүйесін дамыту мақсатында, мемлекеттің жарғылық капиталда 100%қатысуы арқылы«Қазақстанның тұрғын үй құрылыс жинақ банкі» акционерлік қоғамы құрылды.
• Қазақстан Республикасының Қаржы министрлігінің Мемлекеттік мүлік және жекешелендіру комитеті арқылы Қазақстан Республикасының Үкіметі Банктің Құрылтайшысы және Акционері болды.
• Банк бірінші рет «Қазпошта» АҚ-мен ынтымақтастық туралы келісім жасады.

2000

• 2000 жылдың 7 желтоқсанындағы Қазақстан Республикасының «Қазақстан Республикасындағы тұрғын үй құрылыс жинақ туралы» Заңы Қазақстанда тұрғын үй құрылыс жинақ жүйесінің енгізілуінің басы болды.