Бағдарламаға қатысушылар

Қатысушыларға қойылатын жалпы талаптар

• Бағдарлама қатысушысы және оның отбасы мүшелері (жұбайы (зайыбы), кәмелетке толмаған балалары және т.б.) Қазақстан Республикасының азаматы болуы тиіс;
• Өтініш берушіде және оның отбасы мүшелерінде Қазақстан Республикасының аумағында соңғы 5 (бес) жыл ішінде меншік құқығындағы жылжымайтын мүліктің болмауы қажет;
• "Мемлекеттік жастар саясаты туралы" Қазақстан Республикасы Заңына сәйкес өтініш беру кезінде қатысушының (жұбайын қоса алғанда) жасы 18 жастан 34 жасқа дейін болуы тиіс. Бағдарламаға негізгі қатысушы ретінде тек ерлі-зайыптылардың біреуі ғана қатыса алады;
• Қатысушының Маңғыстау облысында соңғы 2 жыл ішінде тұрақты тіркеуінің болуы, сонымен бірге ӛтініш беру кезінде, онымен бірге тұратын отбасы мүшелерінің (жұбайы (зайыбы), кәмелетке толмаған балалары және т.б.) Маңғыстау облысында тұрақты тіркеуі болуы тиіс;
• Қатысушының төменде көрсетілген салалар бойынша ресми жұмыс өтілі (міндетті зейнетақы аударымдарының болуымен) Маңғыстау облысында кемінде соңғы 1 жыл болуы тиіс;
• Қатысушы аталған Бағдарлама аясында сатып алатын тұрғын үйді тіркелген мекенжайы бойынша ғана ала алады.
• Бағдарламаға қатыса алатын жастар санаты:
  • Денсаулық сақтау саласының қызметкерлері, атап айтқанда: техникалық және әкімшілік персоналды қоспағанда, тиісті медициналық жоғары білімі бар, Маңғыстау облысында орналасқан денсаулық сақтау саласындағы мемлекеттік және квазимемлекеттік мекемеде жұмыс істейтін бейінді мамандар;
  • білім және ғылым саласының қызметкерлері, атап айтқанда: техникалық және әкімшілік персоналды қоспағанда, тиісті педагогикалық жоғары немесе арнаулы орта білімі бар, Маңғыстау облысында орналасқан мемлекеттік білім беру ұйымының педагог қызметкерлері (пән мұғалімдері), мемлекет 100% қатысатын жоғары білім беру ұйымдарының оқытушылары мен ғылыми қызметкерлері;
  • мәдениет және өнер саласының қызметкерлері, атап айтқанда: техникалық және әкімшілік персоналды қоспағанда, тиісті жоғары немесе арнаулы орта білімі бар, Маңғыстау облысында орналасқан мәдениет және өнер (театр, музыка өнері, кітапхана және музей ісі, халық шығармашылық және мәдени-демалыс қызметі, мәдениет үйлері мен клубтары) саласындағы мемлекеттік және квазимемлекеттік мекемеде жұмыс істейтін бейінді мамандар;
  • ауылшаруашылық және ветеринария саласының қызметкерлері, атап айтқанда: техникалық және әкімшілік персоналды қоспағанда, тиісті жоғары немесе арнаулы орта білімі бар, Маңғыстау облысында орналасқан ауылшаруашылық және ветеринария саласындағы мемлекеттік және квазимемлекеттік мекемеде жұмыс істейтін бейінді мамандар;
  • спорт және дене шынықтыру саласының қызметкерлері, атап айтқанда: техникалық және әкімшілік персоналды қоспағанда, тиісті жоғары немесе арнаулы орта білімі бар, Маңғыстау облысында орналасқан спорт пен дене шынықтыру саласындағы мемлекеттік және квазимемлекеттік мекемеде жұмыс істейтін бейінді (спортшылар мен жаттықтырушылар, оқытушылар) мамандар;
  • байланыс және ақпарат саласының қызметкерлері, атап айтқанда: техникалық және әкімшілік персоналды қоспағанда, тиісті жоғары немесе арнаулы орта білімі бар, Маңғыстау облысында орналасқан мемлекет 100% қатысатын мемлекеттік және квазимемлекеттік мекемелерде бұқаралық ақпарат құралдары мен байланыс саласында жұмыс істейтін бейінді мамандар;
  • тұрғын үй-коммуналдық шаруашылық саласының қызметкерлері, атап айтқанда: техникалық және әкімшілік персоналды қоспағанда, тиісті жоғары немесе арнаулы орта білімі бар, Маңғыстау облысында орналасқан тұрғын үй коммуналдық шаруашылық саласындағы мемлекет 100% қатысатын 8 мемлекеттік және квазимемлекеттік мекемелерде жұмыс істейтін бейінді мамандар;
  • азаматтық қорғаныс және төтенше жағдайлар саласының қызметкерлері, атап айтқанда: техникалық және әкімшілік персоналды қоспағанда, ерікті өрт сөндірушілерді бастапқы даярлаудың оқу бағдарламасынан өткен немесе тиісті салада арнаулы орта білімі бар Маңғыстау облысында орналасқан мемлекеттік және мемлекет 100% қатысатын квазимемлекеттік мекемелерде жұмыс істейтін өрт сөндіру мен жедел-құтқару отрядтарының қызметкерлері;
  • көлік-логистика саласының қызметкерлері, атап айтқанда: техникалық және әкімшілік персоналды қоспағанда, тиісті жоғары немесе арнаулы орта білімі бар, Маңғыстау облысында орналасқан көлік-логистика саласындағы мемлекет 100% қатысатын мемлекеттік және квазимемлекеттік мекемелерде жұмыс істейтін бейінді мамандар;
  • Әлеуметтік қорғау саласының қызметкерлері, атап айтқанда: техникалық және әкімшілік персоналды қоспағанда, тиісті жоғары немесе арнаулы орта білімі бар, Маңғыстау облысында орналасқан әлеуметттік қорғау жүйесіндегі мемлекеттік және квазимемлекеттік мекемелерде жұмыс істейтін бейінді мамандар.

Баллдардың есептелу тәртібі: Өтініш берушілердің тізімі баллдық жүйені ескере отырып салалар бойынша қалыптастырылады (баллдардың ең көп саны бойынша):

Қатысушылар бірдей ұпай жинаған жағдайда, жасы бойынша үлкен қатысушы артықшылыққа ие болады.

Кредит беру шарттары

• 

  Қарыздың ең жоғары сомасы
  • Ақтау қаласы үшін қарыздың ең жоғары сомасы 18000 000 (он сегіз миллион теңге) теңгеге,
  • Маңғыстау облысының басқа қалалары мен аудандары үшін 12 000 000 (он екі миллион) теңгеге тең;

• 

  Бастапқы жарна - қарыз сомасының 10%-ы.

• 

  Қарыз бойынша сыйақы мөлшерлемесі -
  жылдық 5 % (ЖТСМ 5,2% бастап 5,7 % дейін);

• 

  Қарыздың нысаналы мақсаты – Маңғыстау облысында «Қазақстандық тұрғын үй компаниясы» АҚ кепілдігі болған кезде бастапқы және қайталама нарықтарда салынып жатқан объектілерден тұрғын үй сатып алу.

• 

  Алдын ала қарыз мерзімі – 19 жылды қоса алғанда;

1. Шарт талаптарына сәйкес тұрақсыздық айыбын (айыппұл, өсімақы) есептеу;
2. Қарыз алушының банктік шоттарындағы ақшаны өндіріп алу;
3. Коллекторлық агенттікке берешекті сотқа дейінгі өндіріп алу мен реттеу үшін тапсыру;
4. Қарыз алушыдан Шарт бойынша берешекті өндіріп алу туралы өтінішпен сот органдарына жүгіну.