Теміртау жастары

2024 ЖЫЛҒА АРНАЛҒАН ТЕМІРТАУ ЖАСТАРЫ ЖАСТАРҒА КРЕДИТ БЕРУДІҢ ӨҢІРЛІК БАҒДАРЛАМАСЫ

Бағдарламаға қатысушылар

Қатысушыларға қойылатын негізгі талаптар

• ҚР азаматтығы;
• Қатысушының және онымен бірге тұратын оның отбасы мүшелерінің (кәмелетке толмаған балаларының және т. б., бар болса) Теміртау қаласында кемінде соңғы 1 (бір) жыл үздіксіз тұрақты тіркелуінің болуы;
• Өтініш беру сәтінде жасы - 35 жасқа дейін (қоса алғанда), жұбайының (зайыбының) жасына қарамастан (бар болса);
• Соңғы 5 жылда қатысушыда және отбасы мүшелерінде жылжымайтын мүліктің болмауы;
• Зейнетақы шотынан үзінді көшірмемен расталған өтініш беру сәтінде Теміртау қаласында таңдалған қызмет саласында кемінде бір жыл ресми жұмыс өтілі;
• Кредит беруге ерлі-зайыптылардың біреуі ғана қатыса алады.
• Теміртау қаласында жас мамандарға кредит беруге объектілері Теміртау қаласында орналасқан төмендегі қызмет салалары қатыса алады:
  • Денсаулық сақтау – Теміртау қаласында орналасқан Денсаулық сақтау саласындағы мемлекеттік ұйымдардың штаттық қызметкерлері;
  • Білім беру - Теміртау қаласында орналасқан білім беру саласындағы мемлекеттік ұйымдардың (оның ішінде мемлекеттің 100% қатысуымен АҚ және КЕАҚ) педагог қызметкерлері;
  • Мәдениет – Теміртау қаласында тіркелген мемлекеттік мәдени ұйымдардың бейінді қызметкерлері;
  • Спорт – Теміртау қаласында тіркелген мемлекеттік ұйымдарда еңбек қызметін жүзеге асыратын спортшылар мен жаттықтырушы-оқытушылар;
  • БАҚ – атап айтқанда: мемлекеттік қызметшілерді қоспағанда, Теміртау қаласында орналасқан БАҚ-та есепке қою туралы куәлігі бар ұйымдардың/мекемелердің штаттық қызметкерлері;
  • Жоғары оқу орындары – атап айтқанда: Теміртау қаласында тіркелген жоғары оқу орындарының штаттық қызметкерлері;
  • Әлеуметтік сала - Теміртау қаласында тіркелген Халықты әлеуметтік қорғау саласындағы мемлекеттік ұйымдардың штаттық қызметкерлері.
  • Төтенше жағдайлар министрлігінің (ТЖМ) қызметкерлері;
  • «Қазпошта» АҚ қызметкерлері;
  • «Оқжетпес-Т» ЖШС қызметкерлері;
  • Теміртау қаласының жолаушылар көлігі кәсіпорындарының қызметкерлері.

Кредит беру шарттары:

• 
  Қарыздың ең жоғары сомасы: 15 млн. теңге;
• 
  Бастапқы жарна - қарыз сомасының : 10%-ы;
• 
  Қарыз бойынша сыйақы мөлшерлемесі: жылдық 6 % (ЖТСМ 6,2% бастап 6,8% дейін);
• 
  Қарыз мерзімі:19 жылға дейін;
• 
  Қарыздың нысаналы мақсаты: «Қазақстандық тұрғын үй компаниясы» АҚ кепілдігі болған кезде салынып жатқан объектілерде бастапқы және қайталама нарықтарда тұрғын үй сатып алу.