Алматы Жастары

Алматы жастарды несиелеу бағдарламасы

Алматылық жастар тиімді талаптармен баспана сатып ала алады

Алматыда жастарға арналған «Алматы жастары» жаңа тұрғын үй бағдарламасы іске қосылғалы отыр. Бұл бағдарлама 35 жасқа дейінгі алматылықтардың өз пәтерін сатып алуы үшін жеңілдігі бар заем алуына мүмкіндік береді. Қазіргі таңда «Қазақстанның тұрғын үй құрылыс жинақ банкі» АҚ («Бәйтерек» холдингінің еншілес ұйымы) мен Тұрғын үй және тұрғын үй инспекциясының басқармасы Ынтымақтатық туралы тиісті келісім жасасты.

«Алматы Жастары»  жаңа тұрғын үй бағдарламасының бірегейлігі төмен пайыздық мөлшерлемесінде, яғни: көлемі 10 млн. теңгеге дейінгі заем жеңілдігі бар  жылдық 5%-бен берілетін болады. Бағдарлама бойынша кредитті қайтару мерзімі жекелей, бірақ, төлем қабілеттілігі бойынша 3 жылдан 19 жылға дейінгі мерзіммен   есептеледі.

Өткізілген шара барысында Алматы қаласының әкімі Бауыржан Байбек мемлекет басшысының тапсырмасы бойынша ағымдағы жыл Алматыда Жастар жылы болып хабарланғандығын айтып өтті. Оның аясында  жастардың өзін-өзі танытуы және жан-жақты дамуы, мегаполис талаптарында олардың өмірге бейімделуі үшін жағдай жасау мақсатында

тиісті Жол картасы іске асырылады.  

«Бүгінде қалада 35 жасқа дейінгі 800 мың адам тұрып жатыр. Жастар үшін баспана мәселесі барынша өзекті. «Алматы Жастары» атты жеңілдетілген тұрғын үй бағдарламасын енгізу үшін қазірдің өзінде жергілікті бюджеттен 1 млрд теңге бөлінді. Оның үстіне, «Алматы Жастары» бағдарламасы жастарды ынталандырумен қатар қаржының қалада қалуына да ықпал етеді. Жеңілдігі бар кредитпен тек Алматы қаласындағы үйді сатып алуға болады. Яғни, осы қаржы есебінен құрылысшылар мен жұмысшыларға жалақы төленеді, кәсіпорындарға тапсырыс беріледі, құрылыс компаниялары қала бюджетіне салық төлейді», -деді Б.Байбек.

Айта кетерлігі, бағдарлама жұмыс істейтін жастарды ынталандыруға бағытталған. Қала ұйымдарында жұмыс істейтін жастардың әр жылының өтіліне 1 ұпай есептеледі. Ал егер жас адам әлеуметтік салада, мысалы мектепте немесе балабақшада еңбек етсе, оның еңбек өтілінің ұпайы екі еселенеді. Әлеуметтік мүмкіндігі төмен жандар үшін де жеңілдетілген жағдай жасалған. Олардың қатарына көпбалалы отбасылар, 1 және 2 топ мүгедектері, толық емес отбасылар, жетімдер және басқалары кіреді.

Сонымен қатар, қала билігі «Алматы» ӘКК ҰК» АҚ арқылы студенттер үшін жатақхана құрылысын салуды қолға алмақшы. Қазіргі кезде осы жобаға қатысуға «Алматы Менеджмент Университеті» мен С. Асфендияров атындағы Қазақ Ұлттық медицина университеті ниет білдіруде. Алматы жастарына қолдау көрсетудің Жол картасы аясында 2020 жылға дейін 12 жатақхана салу жоспарланған. Биылғы жылдың аяғына дейін төрт жатақхана құрылысы аяқталады.

«Біз тұрғын үй құрылыс жинағы жүйесінде алғаш рет әкімдікпен салымшыларды қолдауға бағытталған келісімге қол қойдық. Егер бұған дейін барлығы тұрғын үй құрылысын қолдауға тырысса, енді бағытымыз бірінші рет өзгерді. Алматы бойынша біздің қоржынымыз қомақты. Бүгінгі күні біздің бөлімшеде 147 мың адамның депозиті бар. Оның 50 мыңы 20-30 жас аралығындағы жастар. Әрі олардың 13 мыңы биылғы жылы келгендер»,- деді «Тұрғын үй құрылыс жинақ банкі» басқармасының төрайымы Ләззат ИБРАГИМОВА.

Бағдарламаға қатысу үшін 10 күн ішінде өтініш беру қажет. Оны almaty-zhastary.kz арнайы сайты арқылы жасауға болады. Авторизация үшін жақын маңдағы ХҚКО-дан  электронды цифрлы қолтаңба алу керек. Өтініш қабылдау мерзімі аяқталған соң қатысушыларды іріктеу басталады. Жеңілдігі бар кредит алуға үміткерлер  пулына жас алматылықтарға қолдау білдіретін «Алматы Жастары» бағдарламасының барлық талаптарына сәйкес арнайы ұпай бойынша жүйе арқылы іріктелгендер енеді. Ұпайға некеде тұрған жылы, балалар саны, жұмыс өтілі мен еңбек ететін жері, жеке кәсіпкерлігі, Алматыда тіркелген мерзімі және басқалары ықпал етеді. Пул толық жасалғаннан кейін ғана «Тұрғынқұрылысжинақбанкі» өз жұмысына кіріседі. Банк кандидаттың төлем қабілетін тексеріп, сонан соң 5 % пайыздық жеңілдігі бар кредит береді. Жастарға берілетін кредиттің жалпы көлемі 10 млн теңге. Қарыз тек жаңа үй сатып алуға беріледі, пәтерді бағдарламаға қатысушы өзі таңдайды.

 «Алматы Жастары» бағдарламасы туралы толығырақ Алматы қаласы Тұрғын үй және тұрғын үй инспекциясы басқармасының (www.uzh-almaty.kz), «Қазақстанның тұрғын үй құрылыс жинақ банкі» АҚ  (www.hcsbk.kz)  сайттарынан және 300 және  8-8000-801-880 (қоңырау шалу тегін), +7 (727) 380 05 23, +7 (727) 380 05 02 телефондары арқылы білуге болады.

 «Алматы Жастары» бағдарламасының қатысушыларына қойылатын талаптар:

1. Өтініш беру кезіне Қатысушының және оның жұбайының жасы 35 жастан аспауы тиіс. Бағдарламаға ерлі-зайыптылардың тек біреуі ғана қатыса алады;

2. Ерлі-зайыптылардың екеуінің де және отбасы мүшелерінің (егер олар ерлі-зайыпты болса) Алматы қаласында кем дегенде 1 жыл тұрақты тіркеуінің болуы,

3. Қатысушыда және онымен үнемі бірге тұратын отбасы мүшелерінде Қазақстан Республикасының аумағында сатып алумен жалдамалы тұрғын үйдің немесе меншік құқығында тұрғын үйдің болмауы;

4. Қатысушының Қазақстан Республикасы аумағында соңғы 5 жыл ішінде тұрғын үй жағдайларын әдейі нашарлатуы фактілерінің болмауы;

5. Қатысушының Алматы қаласында ресми жұмысының өтілі жарты жылдан кем болмауы керек.  Аталған талап халықтың әлеуметтік жағынан әлсіз топтарына, атап айтқанда:

·         1 және 2 топтағы мүгедектерге;

·         мүгедек балалары бар немесе оларды тәрбиелеушi отбасыларға;

·         жетім балалар мен ата-ана қамқорлығынсыз қалған балалар;

·         4 және одан да көп кәмелет жасқа  толмаған балалары бар көпбалалы отбасыларға;

·         1 және одан көп кәмелет жасқа  толмаған балалары бар толық емес отбасыларға жүрмейді.

6. Өзін-өзі жұмыспен қамтушы тұрғындарда жарты жылдан кем емес ЖК ретінде мемлекеттік тіркеу туралы куәлік болуы керек.

БАҒДАРЛАМАҒА ҚАТЫСУ ТАЛАПТАРЫ МЕН РӘСІМДЕРІ

Толығырақ ақпарат http://almaty-zhastary.kz/ сайтында орналастырылған.


Қосымша ақпарат алу үшін төмендегі байланыс телефондарына хабарласыңыз: 

ТЕЛЕФОН

МЕКЕМЕ

+7 (727) 380 05 23, +7 (727) 380 05 02

Алматы қаласының Тұрғын үй және тұрғын үй инспекциясы басқармасы

300, 8-8000-801-880

«ҚТҚЖБ» АҚ-ның тегін қолдау телефондары






ХОТИТЕ УЗНАВАТЬ О НАШИХ АКЦИЯХ ПЕРВЫМИ?!

Қоңырауға тапсырыс беру