Баспасөз мәлімдемелері

Отбасы банк ("Бәйтерек" холдингінің еншілес ұйымы) мемлекеттік білім беру жинақтау жүйесінің (МББЖЖ) қатысушысы болды және бүгін онда алғашқы "AQYL" білім беру жинақтау салымдары ашылды.
Алғашқылардың бірі болып Отбасы банкінде бұл салымды өз балаларына Астана қаласының тұрғыны Ақмаржан Шакупова ашты. Оның егіздері Айбол мен Айбек жақында бір жасқа толған. Енді олардың анасы ұлдарының болашақ біліміне белсенді түрде ақша жинауды жоспарлап отыр.

2024 жылдың 1 ақпанынан бастап 18 жасқа толған қазақстандықтар Ұлттық қордан алынған жинақтарын пайдалана алады.
Оны Отбасы банктің («Бәйтерек» холдингінің еншілес ұйымы) enpf-otbasy.kz платформасы арқылы онлайн режимінде жүзеге асыруға болады.
enpf-otbasy.kz платформасын бүгін ең алғашқы болып Тараз және Шымкент қалаларының студенттері пайдаланды.

"Отбасы банк" АҚ ("Бәйтерек" холдингінің еншілес ұйымы) 5 жыл бойы "Жаңа баспана" (бұған дейін – Әскери баспана) бағдарламасын іске асыруда. Бұл мемлекеттен тұрғын үй төлемдерін алатын азаматтарға арналған банктің жеке бағдарламасы.  Бағдарламаға тұрғын үй төлемдерін алып тұратын, Отбасы банкінде арнайы ағымдағы шоты бар және бұған дейін тұрғын үй төлемдерін жылжымайтын мүлік сатып алу үшін пайдаланбаған кез келген азамат қатыса алады.

Батыс Қазақстан облысында "Жайық жастары" жастар тұрғын үй бағдарламасы басталды. Бұл БҚО әкімдігі мен Отбасы банкінің ("Бәйтерек" холдингінің еншілес ұйымы) бірлескен жобасы, оның көмегімен жас мамандар қолжетімді шарттармен тұрғын үй сатып ала алады. Бағдарламаны қаржыландыруға өңір әкімдігі 600 млн теңге бөлді. Заемдарды Отбасы банк беретін болады.
"Жайық жастарына" медициналық қызметкерлер, мұғалімдер, мемлекеттік қалалық және республикалық мәдени ұйымдардың бейінді қызметкерлері, спортшылар мен жаттықтырушы - оқытушылар, коммуналдық кәсіпорындардың қызметкерлері, мемлекеттік қызметшілер, ЖАО қызметкерлері қатыса алады.

Қазақстан Республикасының Қаржы нарығын реттеу және дамыту агенттігі төрағасы орынбасарының бұйрығына сәйкес, "Отбасы банк" АҚ-на ("Бәйтерек" холдингінің еншілес ұйымы) операциялардың қосымша түрлерін қоса отырып, лицензия берілді. Атап айтсақ:  
- мемлекеттік білім беру жинақтау жүйесіне қатысу үшін жеке тұлғалардың депозиттерін қабылдауға, банктік шоттарын ашуға және жүргізуге;
- мемлекеттік білім беру жинақтау жүйесі шеңберінде сенімгердің мүддесі мен тапсырмасы бойынша ақшаны басқарудың сенімгерлік операцияларын жүргізуге.
Бұл дегеніміз, Отбасы банкі мемлекеттік білім беру жинақтау жүйесінің (МББЖЖ) қатысушысы болады және 2024 жылдың 1 ақпанынан бастап қазақстандықтар банкте "AQYL" білім беру жинақтау салымын аша алады.

Мемлекет басшысы Қасым-Жомарт Тоқаевтың «Egemen Qazaqstan» газетіне сұхбаты

Тұрғын үй бағдарламасы Абай облысының Аягөз ауданында іске қосылады. Бұл аудандық әкімдік пен Отбасы банкінің ("Бәйтерек" холдингінің еншілес ұйымы) бірлескен жобасы. Бастапқы кезеңде жергілікті әкімдік өз бюджетінен 81 млн теңге көлемінде қаражатын бөледі.

Жас ғалымдарға арналған тұрғын үй бағдарламасының алғашқы қатысушылары қоныс тойын атап өтуге дайындалып жатыр. Заемдарды Алматы мен Шығыс Қазақстан облысының ғылыми қызметкерлері мен оқытушылары алды.
Бағдарламаның 27 қатысушысы қазір өздеріне қолайлы тұрғын үй іздеуде, сонымен қатар 110 маман – заем рәсімдеу үстінде.

Eurasian Resources Group (ERG) құрамындағы «Еуроазиаттық энергетикалық корпорациясы» АҚ Ақсу электр станциясы мамандарының тұрғын үй жағдайларын жақсартуға бағытталған жеңілдетілген бағдарлама қолға алынды. Оған қатысқан қызметкерлерге Отбасы банкі жылдық 5% үстемемен (ЖТҮС мөлшері 5,2%-дан басталады) займ береді. Энергетиктерден талап етілетін бастапқы жарна межесі – бар болғаны 10%.  

2024 жылғы 1 қаңтардан бастап Қазақстанда «Ұлттық қор – балаларға» бағдарламасы басталады. Осы бағдарламаның аясында Қазақстанның әр баласының жинақтаушы шотына қаржы аударылады, ол қаражатты  болашақта білімге немесе баспана сатып алуға жұмсауға болады.

Жаңа бағдарлама бойынша тұрғын үйді хирург, анестезиолог, реаниматолог, инфекционист, травматолог, невропатолог және басқа да медицина қызметкерлері ала алады. Ең бастысы, олардың барлығы клиникалық тәжірибемен айналысатын, 2022 жылдың 1 қаңтарынан бастап жұмысқа орналасқан болуы тиіс. Бағдарламаға қатысушылардың барлығы мемлекеттік денсаулық сақтау ұйымдарының негізгі қызметкерлері болуы керек.

Жас ғалымдарды баспанамен қамтамасыз ету бағдарламасы іске қосылды. Отбасы банк («Бәйтерек» холдингінің еншілес ұйымы) пен ҚР Ғылым және жоғары білім министрлігі арасында қол қойылған ынтымақтастық туралы келісім аясында, 2023 жылдың 1 желтоқсанынан бастап ғалымдардан заем алу туралы өтініштер қабылдайды.