«Нұрлы жер» мемлекеттік тұрғын үй құрылысы бағдарламасы аясында «Кредиттік тұрғын үй құрылысы» бағыты бойынша пулсыз (конкурссыз) пәтерлерді сату туралы хабарлама!

Құрметті салымшылар!

«Отбасы банк» Тұрғын үй құрылыс жинақ банкі АҚ (әрі қарай - Банк) «Кредиттік тұрғын үй құрылысы» бағыты бойынша пулсыз пәтерлерді сату туралы хабарлайды.

Нысан: Батыс Қазақстан облысы, Орал қаласы, Зачаганск кенттік округі, Зачаганск кенті, Солидарности көшесі, 25 үй мекенжайы бойынша орналасқан «БҚО Орал қаласы Зашаған кентінің монолитті-қаңқа схемасы бойынша 9 қабатты №50 көппәтерлі тұрғын үй салу (сыртқы инженерлік желілерсіз)».

Объект коды: 1571

Пулсыз пәтерлерді сату «Нұрлы жер» мемлекеттік тұрғын үй құрылысы бағдарламасына қатысу үшін өтініштер қабылдау мерзімі: 20 қыркүйек 2021 ж. сағ. 10.00-нан сағ. 19:00-ге дейін. (Нұр-сұлтан қ. уақытымен).                                   

Брондауға өтінім қабылдаудың шарты, депозитіңізде жинақ сомасы кем дегенде 1 000 000 теңге болуы тиіс.

Жүйе үміткерлердің тізімін есептелген сыйақы мөлшеріне қарай орналастырады. Өтініш беру кезінде клиент бірнеше депозиттерді таңдай алады, салымшының жарналары жинақталады.

Өтінімдер Банктің https://baspana.otbasybank.kz/ интернет-ресурсында қабылданады.

Өтініш берушілерге қойылатын талаптармен, құрылыс нысанының сипаттамасымен, оның ішінде, ғимарат қасбеттерінің фотосуреттерін және тұрғын үйдің жоспарлануын Банктің https://baspana.otbasybank.kz/ және/немесе www.hcsbk.kz интернет-ресурсындағы «Қолжетімді баспана» бөлімінде толығырақ танысуға болады.

Өтініштер тек Банк салымшыларынан қабылданады.