Отбасы банк «Сатып алу құқығымен жалға берілетін тұрғын үй» бағдарламасы бойынша өтінімдер қабылданатынын хабарлайды.

Тұрғын үй кезегінде тұрған, құрметті азаматтар! 2026 жылғы 27 шілде сағат 9:00-де «Сатып алу құқығымен жалға берілетін тұрғын үй» бағдарламасына қатысуға өтінімдер қабылдау басталады. Бұл бағдарламаны Қазақстан Тұрғын Үй Компаниясы іске қосты және ол Отбасы банкпен бірлесіп жүзеге асырылады.

Өтінімдер https://baspana.otbasybank.kz порталында қабылданады.

Кімдер қатыса алады: Бағдарламаға Қостанай облысында (облыс ішіндегі есепке тұрған елді мекенге қарамастан) тұрғын үй кезегінде тұрған Қазақстан Республикасының азаматтары мен қандастар қатыса алады.

Бағдарлама шарттары:

• Тұрғын үй түрі: сатып алу құқығымен жалға берілетін тұрғын үй
• Жалдау мерзімі: 20 жылға дейін
• Сыйақы мөлшерлемесі: жылдық 3,1%
• Бастапқы жарна: талап етілмейді
• Жалдау құны: 1 шаршы метр үшін 2 076,67 теңге
• Мерзімінен бұрын сатып алу: қалдық құны бойынша мүмкін
• Жалдау мерзімі аяқталғаннан кейін баспана жалға алушының меншігіне өтеді.

Тұрғын үйдің орналасқан жері:
Қостанай облысы, Рудный қаласы, Качарская көшесі, 13-үй.
Пәтер саны: 8 бір бөлмелі пәтер.

Үміткерлерге қойылатын талаптар:
Кем дегенде 6 ай үздіксіз жұмыс өтілі;
Төлем қабілеттілігін міндетті түрде растау;
Өтінімді қарау сәтінде қолданыстағы мерзімі өткен берешектің болмауы.

«Сатып алу құқығымен жалға берілетін тұрғын үй» бағдарламасын Қазақстан Тұрғын Үй Компаниясы іске қосты. Толық ақпаратты мына сілтеме арқылы білуге болады: https://khc.kz/ru/individuals/uslugi/302/920/