Құрметті клиенттер!

Қазақстанның кейбір аймақтарында эпидемиологиялық жағдайдың өршуіне және қозғалысқа шектеу қойылғанына байланысты, 2020 жылдың 31 наурызы мен 5 сәуірі аралығында келесі аймақтардағы Тұрғын үй құрылыс жинақ банкі бөлімшелері жабық болатынын хабарлаймыз:
- Атырау облыстық филиалы, Атырау қаласы;
- Маңғыстау облысы және Ақтау, Жаңаөзен қалалары;
- Қарағанды облыстық филиалы және Қарағанды, Теміртау, Балқаш, Жезқазған қалалары.

Сондай-ақ, Қазақстан Республикасы Президентінің жанындағы төтенше жағдай режимін қамтамасыз ету жөніндегі мемлекеттік комиссияның 2020 жылдың 27 наурызындағы шешіміне сәйкес, 2020 жылдың 30 наурызы мен 5 сәуірі аралығында Нұр-Сұлтан және Алматы қалаларындағы Тұрғын үй құрылыс жинақ банкі бөлімшелері жабық болатынын осыған дейін хабарлағанбыз.

Банктің басқа бөлімшелерінде көрсетілетін операциялар шектеулі түрде жүреді, сіздер тек келесі қызметтерді пайдалана аласыздар:
1. Депозит – депозитті сату/жабу, ағымдағы шоттан ақша шешіп алу;
2. Несие – несие өтеу (бір бөлігін/толық), тұрғын үй заемына өту.

Құрметті клиенттер, еліміздегі жағдай күн сайын өзгеруде. Біз сіздерге ТҮҚЖБ бөлімшелерінің жұмыс тәртібі өзгерген жағдайда, бұл туралы ақпаратты 24 сағат бұрын хабарлап отыратын боламыз.

Несиелеріңіз жайлы алаңдамауларыңызды сұраймыз. 2020 жылдың 26 наурызынан бастап Тұрғын үй құрылыс жинақ банкінде «Клиенттерге арналған 7 қадам» атты бағдарлама іске қосылды. Соған сәйкес, Төтенше жағдай кезінде банк алдында өз міндеттемелерін уақытылы орындамаған салымшылар үшін автоматты несие шегерімі ұсынылады. Несие шегерімінің мерзімі – 2020 жылдың 16 наурызынан 16 маусымына дейін, яғни, 90 күн. Толығырақ мына жерде.

Өз денсаулығыңызға көңіл бөліңіз, үйде болыңыз