Құрметті Клиенттер!

Қазіргі уақытта «Кезекте тұрған азаматтардың тізімі көрсетілген бірыңғай республикалық дерекқор» сервистік бағдарламалық өнімі өшірулі. Енді жергілікті әкімдіктер қазақстандықтарды Kezekte.kz цифрлық платформасы арқылы баспана кезегіне қояды. Осыған байланысты «Нұрлы жер» мемлекеттік бағдарламасының кедергісіз жүзеге асырылуы үшін Отбасы банк жаңа платформаға біріктірілуде. 

Сондықтан, қазіргі уақытта мемлекеттік бағдарлама бойынша нысандарға жаңа өтінімдерді қабылдау және несиеге өтінім беру мүмкін емес.

Пулдарға қатысуға немесе тікелей сату арқылы тұрғын үй сатып алуға жолданып жатқан өтінімдерді қабылдау ұзартылады.

Сондай-ақ пулдар бойынша біліктілік кезеңдері (баспана таңдау мерзімі мен үлестіру күнін қоса алғанда) және тікелей сатуға арналған біліктілік кезеңдері де ұзартылады.

Мерзімдерді ұзарту туралы хабарландыруларды біздің сайттан бақылап отырыңыздар.

Келтірілген қолайсыздық үшін кешірім сұраймыз!