Құрметті клиенттер, https://enpf-otbasy.kz платформасының 2022 жылғы 30 желтоқсандағы жұмыс тәртібі туралы хабарлаймыз

Құрметті клиенттер, https://enpf-otbasy.kz платформасының 2022 жылғы 30 желтоқсандағы жұмыс тәртібі туралы хабарлаймыз


Ағымдағы жылы https://enpf-otbasy.kz платформасында біржолғы зейнетақы төлемдерін алуға өтінімдер беру 2022 жылғы 30 желтоқсанда Астана қаласының уақытымен сағат 19.00-ге дейін қолжетімді болады. Жаңа жылда өтінімді 2023 жылғы 4 қаңтарда Астана қаласының уақытымен сағат 08.00-ден бастап беруге болады.
https://enpf-otbasy.kz платформасында 2022 жылғы 28 желтоқсанды қоса алғанға дейін берілген өтінімдер БЖЗҚ-ға ағымдағы жылы жолданады. 2022 жылғы 28 желтоқсаннан кейін (29-30 желтоқсанда Астана қаласының уақытымен сағат 19.00-ге дейін) берілген барлық өтінімдер БЖЗҚ-ға 2 (екі) жұмыс күні ішінде жіберіледі.

Келесі аталған:
- арнайы шоттардан ТҚЖ салымдарына аударымдар бойынша;
- арнайы шоттардан екінші деңгейдегі банктерге аударымдар бойынша;
- арнайы шоттардан біржолғы зейнетақы төлемдерін басқаға беру бойынша банктік операциялар
2022 жылғы 30 желтоқсанда Астана қаласының уақытымен сағат 16.00-ге дейін және 2023 жылғы 4 қаңтарда Астана қаласының уақытымен сағат 08.00-ден бастап қолжетімді болады.

Біржолғы зейнетақы төлемдерін алуға өтінім беруді алдын ала жоспарлауды сұраймыз.