Тұрғын үй бағасының және/немесе техникалық сипаттамаларының өзгергені туралы

Құрметті салымшылар!

2016 жылғы 9 қарашадан бастап 9 желтоқсанға дейінгі кезеңде «БҚО, Орал қаласының Орал-Атырау және Орал-Саратов тас жолдары бойында орналасқан ТЖЖ-дағы №35-айқындамадағы 10-9 қабатты тұрғын үйлер кешені»(байлам) нысаны бойынша «Бәйтерек девелопмент» АҚ арқылы «Кредиттік тұрғын үй құрылысы» бағыты бойынша өтініштер қабылдау арқылы тұрғын үй құрылысы жобасын іске асыру үшін салымшылардың дауыс беруі өткізілді.
Салымшылардың дауыс беру нәтижесі бойынша (салымшылардың өтініштерін қабылдау) Нысан келісілді және Банк салымшыларына Нысаннан тұрғын үй берілу мүмкіндігі анықталды деп танылды.


«Бәйтерек девелопмент» АҚ тарапынан Банкке келіп түскен хатқа сәйкес, көрсетілген нысандағы пәтерлердің шаршы ауданының өзгеру себептеріне байланысты аталған Нысан бойынша тұрғын үйдің 1шаршы метрінің бағасы 141 135 теңгеден 137 487 теңге 50 тиынға өзгергендігін хабарлаймыз.
Салымшылар осы өзгертулермен келіспеген жағдайда, Банкке хабарласып, «Нұрлы жол» бағдарламасына қатысуға берген өтініштерін кері алуларына болады.
Сонымен қатар, егер осы хабарландыру Банктің интернет-ресурсына орналастырылған күннен бастап 30 (отыз) күнтізбелік күні ішінде салымшыдан өтінішті жою туралы өтініштер келіп түспесе, онда Банк осы өзгертулерге салымшы келісімін берді деп есептейтін болады. 2020 ж. дейін өңірлерді дамыту бағдарламасына/ «Нұрлы жол» бағдарламасына/ «Өз үйім» бағдарламасына қатысуды жалғастыруға ниетті салымшыларға Банк бағдарлама шарттары мен талаптарына сай тұрғын үйді одан әрі жүзеге асыру жұмыстарын жалғастырады.
Осы нысанға дауыс берген және «Нұрлы жол» бағдарламасы бойынша берген өтініштерін жойған Банк салымшылары Банк жүзеге асыратын басқа да тұрғын үй құрылыс нысандары бойынша дауыс беруге қатысуларына болады.
Өзге де нысандар бойынша ақпараттармен Банктің www.hcsbk.kz сайтында таныса аласыздар.
Сұрақтарыңыз туындаған жағдайда, 300 нөмірі бойынша (ұялы байланыстан тегін) Банктің Байланыс-орталығына хабарласуларыңызға болады.