«Мамыр – 5, 6» көппәтерлі тұрғын үй кешенінде тұрғын үй сатып алушылар мен жалға алушылардың пулына қатысуға қосымша өтініш қабылдау туралы

Құрметті салымшылар!

«Өңірлерді дамытудың 2020 жылға дейінгі бағдарламасы» тармақшасының талаптарын орындау мақсатында «Қазақстанның тұрғын үй құрылыс жинақ банкі» АҚ 2015 жылғы 21 мамырдан бастап 27 мамырға дейін «Мамыр-5, 6»  көппәтерлі тұрғын кешеніндегі (барлығы 2 пәтер, 3 бөлмелі) тұрғын үйді сатып алушылар мен жалға алушылардың пулына қатысуға қосымша өтініш қабылдайтынын хабарлайды. Мекен-жайы: Алматы қаласы, Әуезов ауданы,  Мамыр-5,6 шағын ауданы, бағасы «таза» әрлеумен 1 шаршы метрі 142 500 теңге. Объект құрылысы 2014 жылы аяқталған.  

Өтінішті Банктің барлық филиалдарында, сондай-ақ, Банктің www.hcsbk.kz Интернет-ресурсындағы «Клиенттің жеке кабинетінде» беруге болады. Өтініш тек Банк салымшыларынан ғана қабылданады.

Банктің Алматы қаласы, Сейфуллин даңғылы 498, мекен-жайында орналасқан филиалында немесе Банктің www.hcsbk.kz Интернет-ресурсында тұрғын үй құрылыс жинақ жүйесі арқылы тұрғын үйді сатып алушылар мен жалға алушылардың пулын құру тәртібімен және құрылыс нысанының сипаттамасымен (соның ішінде ғимарат қасбетін және пәтерлердің жоспарлануын көру де бар) егжей-тегжейлі танысуға болады.