Ақтөбе қаласында «Нұрлы жер» Бағдарламасына қатысу үшін өтініштерді қабылдау арқылы дауыс берудің басталғаны туралы

Құрметті салымшылар!
«Қазақстанның тұрғын үй құрылыс жинақ банкі» АҚ «Жекеменшік құрылыс компаниялары тарапынан тұрғын үй құрылысын ынталандыру» бағыты бойынша «Нұрлы жер» Бағдарламасына қатысу үшін өтініштерді қабылдау арқылы тұрғын үй құрылыс жобаларын жүзеге асыру үшін дауыс берудің басталғаны туралы хабарлайды.
Нысан: «Ақтөбе қаласы, Кобозев көшесі, №12 үй» мекенжайында орналасқан «5 қабатты тұрғын үй».
Құрылыстың аяқталу мерзімі: желтоқсан 2017 ж.
Тұрғын үйдің 1 ш.м. бағасы: «таза» әрлеуде 145 000,00 теңге.
Жайлылық класы: III

Пәтер саны: 55, оның ішінде:
1-бөлмелі пәтер түрі: 11 пәтер, жалпы ауданы 39,60 – 41,80 шаршы метр,
2-бөлмелі пәтер түрі: 20 пәтер, жалпы ауданы 57,70 – 59,30 шаршы метр,
2-бөлмелі пәтер түрі: 4 пәтер, ең жоғарғы аудан 65,10 шаршы метр
3-бөлмелі пәтер түрі: 20 пәтер, жалпы ауданы 78,6 – 82,7 шаршы метр,

Қатысу үшін өтініштер қабылдау мерзімі: 05.10.2017ж. - 18.10.2017ж.
Баллдарды есептеу күні (Үміткерлерді таңдау): 19.10.2017ж.

Өтінішті Банктің www.hcsbk.kz интернет-ресурсындағы «Жеке кабинет/Интернет-банкинг» бөлімінде беруге болады. Өтінішті берген күн мен уақыты өтініш берушінің иеленген баллдары мен кезектілігіне әсер етпейді.
Өтініштер Банк салымшыларынан ғана қабылданады.
«Нұрлы жер» Бағдарламасына қатысуға өтініш беру арқылы Банк салымшылары Объектіге және оның әрі қарай жүзеге асырылуына дауыс береді.
Өтініш берушілерге қойылатын талаптармен, Құрылыс нысанының сипаттамасымен, соның ішінде ғимарат қасбетін және пәтерлердің жоспарлануын Банктің www.hcsbk.kz интернет-ресурсындағы «Қолжетімді тұрғын үй» бөлімінде егжей-тегжейлі танысып, көруге болады.

Қосымша сұрақтар туындаған жағдайда, Банктің Колл-орталығына 300 (ұялы телефон арқылы тегін) нөмірі бойынша хабарласуыңызды сұраймыз.