Атырау қ. тұрғын үйді сатып алушылар мен жалға алушылардың пулына қатысуға қосымша өтініштер қабылдау туралы, Алмагүл ықшам ауданы, №3 пул

Құрметті салымшылар!

2015 жылғы 18 маусымнан 30 маусымға дейін тұрғын үйді сатып алушылар мен жалға алушылардың пулына қатысуға қосымша өтініш қабылданатындығын хабарлаймыз. Пул Өңірлерді дамытудың 2020 жылға дейінгі бағдарламасының «Халықтың барлық санатына арналған тұрғын үй» бағыты бойынша ІІ топтың талаптарына сәйкес келетін тұлғалардың ішінен құрылады. Нысан – «Қолжетімді тұрғын үй – 2020» бағдарламасы шеңберінде құрылысы жоспарланып жатқан Атырау қаласы, Алмагүл ықшам ауданындағы бес қабатты 30, 45, 60 пәтерлі тұрғын үй/кешені, №3 пул (3 бөлмелі пәтер, барлығы 3  пәтер). 

Бағасы «таза» әрлеумен 1 шаршы метрге 111 502 теңге. Қатысушыларға қойылатын талаптармен Банктің www.hcsbk.kz интернет-ресурсындағы «Өңірлерді дамытудың 2020 жылға дейінгі бағдарламасы» бөлімінде танысуға болады.

Банктің барлық филиалдарында, сондай-ақ, Банктің www.hcsbk.kz интернет-ресурсындағы «Клиенттің жеке кабинетінде» өтініш беруге болады.
Өтініш тек Банк салымшыларынан ғана қабылданады.

Банктің Атырау қаласы,Абай к-сі,15А/1 мекен-жайында орналасқан филиалында немесе Банктің www.hcsbk.kz интернет ресурсында тұрғын үй құрылыс жинақ жүйесі арқылы тұрғын үйді сатып алушылар мен жалға алушылардың пулын құру тәртібімен және құрылыс нысанының суреттемесімен (соның ішінде ғимарат қасбетін және пәтерлердің жоспарлануын көру де бар) егжей-тегжейлі танысуға болады.