Құрметті ШҚО салымшылары!

«Қазақстанның тұрғын үй құрылыс жинақ банкі» ШҚО әкімдігі мен «Ертіс» ӘКК» ҰК» АҚ арасында 2015 жылдың 16 қаңтарында жасалған тұрғын үй құрылысын жүзеге асыру жөніндегі Меморандум аясында «№2 айқындама, ШҚО, Ұлан ауданы, Қасым Қайсенов кентіндегі Нұржау көшесінде орналасқан 40-пәтерлі бес қабатты тұрғын үй» құрылысы бойынша Ынтымақтастық келісіміне қол қойылғандығын хабарлайды.

Барлығы 40 пәтер, бағасы 1 шаршы метрге 119 000 теңге. Құрылыстың аяқталу мерзімі: қыркүйек 2016 жыл.

Тұрғын үйді сатып алушылар пулына қатысуға өтініш қабылдау мерзімі болжаммен 2016 жылдың 29 тамызынан бастап.
Банктің ШҚО, Өскемен қаласы, Головков көшесі, 25/1 мекен-жайында орналасқан филиалында немесе Банктің www.hcsbk.kz интернет ресурсында тұрғын үй құрылыс жинақ жүйесі арқылы тұрғын үйді сатып алушылар пулын құру тәртібімен және құрылыс нысанының суреттемесімен (соның ішінде ғимарат қасбетін және пәтерлердің жоспары) танысуға болады.