«Нұрлы жер» мемлекеттік бағдарламасы бойынша өтініш қабылдау арқылы дауыс берудің басталуы туралы

Құрметті салымшылар!
«Қазақстанның тұрғын үй құрылыс жинақ банкі» АҚ (бұдан әрі-Банк) Тұрғын үй-коммуналдық дамудың 2020-2025 жылдарға арналған «Нұрлы жер» мемлекеттік бағдарламасына «ЖАО-ның әлеуметтік кредиттік тұрғын үйін өткізу» бағыты бойынша қатысуға арналған өтініштер қабылдау арқылы тұрғын үй құрылысы жобаларын іске асыру үшін дауыс беру туралы хабарлайды.
Нысан: Тараз қаласы, Сүлейменов көшесінің соңындағы тұрғын үй құрылысы, коды 1532, 2 жер телім, 2 белгі.

Құрылыстын жоспарланған аяқталу мерзімі: шілде 2020 жыл
Тұрғын үйдің 1 шаршы метрінің құны: 140 000 теңге «таза» әрлеуде
Жайлылық сыныбы: 3
Пәтер саны: 60
Пәтер түрі: 1, 1-бөлмелі: 15 пәтер, максималды көлемі 42,13 ш.м.
Пәтер түрі: 2, 2-бөлмелі: 15 пәтер, максималды көлемі 56,04 ш.м.
Пәтер түрі: 3, 3-бөлмелі: 30 пәтер, максималды көлемі 73,42 ш.м.
Қатысу үшін өтініштер қабылдау мерзімі: 2020 жылғы 18 тамыздан бастап 2020 жылғы 15 қыркүйекке дейін
Ұпайлар есептелетін күн (Үміткерлерді іріктеу): 16 қыркүйек 2020 жыл
Пулға қатысуға арналған өтінішті Банктің интернет-ресурсында беруге болады. Өтініш беру күні мен уақыты берілген ұпайлар санына және өтініш берушілердің кезектілігіне әсер етпейді.
Өтініштер ЖАО-да кезекте тұрған, Банк салымшыларынан ғана қабылданады.
Тұрғын үй-коммуналдық дамудың 2020-2025 жылдарға арналған «Нұрлы жер» мемлекеттік бағдарламасына қатысуға арналған өтініш беру арқылы Банк салымшылары Нысанға және оның әрі қарайғы өткізілуіне дауыс береді.
Өтініш берушінің жинақ шотында пәтер құнының 5% кем емес көлемдегі тұрғын үй құрылыс жинақ сомасы бар болған кезде пулға қатысуға өтініш беру мүмкін болады.
Егер Өтініш берушінің жинақ шотында таңдалған тұрғын үй құнының кемінде 20% көлеміндегі тұрғын үй құрылыс жинағы бар болса, заем берілуі мүмкін.
Өтініш берушілерге қойылатын талаптармен, құрылыс нысанының сипаттамасымен, соның ішінде ғимарат қасбетінің және пәтер жоспарының фото-суреттерін Банктің baspana.kz және/немесе www.hcsbk.kz интернет-ресурстарындағы «Қолжетімді тұрғын үй» бөлімінде толығырақ көре аласыздар.
Қосымша сұрақтар туындаған жағдайда, Банктің Байланыс орталығына 300 нөмірі арқылы (ұялы телефоннан тегін) хабарласуыңызды өтінеміз.