Әлеуметтік жауапкершілік
Банк өз қызметкерлеріне жұмыс процесінде өз әлеуетін іске асыруға, олардың нәтижелерін бейтарап және әділ бағалауға тең мүмкіндіктер береді. Банктің Кадр саясаты, Тұрақты даму саясаты, сондай-ақ Іскерлік этика кодексі жынысы, жасы, нәсілдік, саяси, діни және басқа да ұқсас белгілері бойынша кемсітушілікке жол бермеу мәселелерін реттейді.
Банк жыныс белгілері бойынша кемсітушілікке жол бермейді және әйелдердің Банк өміріне толық және тең қатысуын қамтамасыз етеді. Персоналды іріктеу және жоғарылату кез келген кемсітушілік көріністерін болдырмай, Банктің ішкі құжаттарына сәйкес тек кәсіби білім, тәжірибе және құзыреттілік негізінде жүзеге асырылады. Мансаптық өсу өнімділікті, біліктілікті және құзыретті объективті бағалауға негізделген.
Банкте Іскерлік этика кодексін сақтамау туралы ақпаратты жинау және Кодекс ережелерін бұзуға қатысты дауларды қарау/шешу үшін омбудсмен институты бар. Банктегі омбудсмен лауазымын әйел адам атқарады. Сондай-ақ, жеке еңбек дауларын шешу мақсатында Банкте жеке еңбек дауларын қарау бойынша Келісім комиссиясы құрылды. Комиссияның құрамы еңбек ұжымының жалпы жиналысында сайланған жұмыс беруші мен Банк қызметкерлерінің тең санындағы өкілдерінен тұрады. Комиссия жеке еңбек дауларын қарайтын тұрақты жұмыс істейтін орган болып табылады.
