ҚОСТАНАЙ ЖАСТАРЫ

2023 ЖЫЛҒА АРНАЛҒАН "ҚОСТАНАЙ ЖАСТАРЫ" ЖАСТАРҒА КРЕДИТ БЕРУДІҢ ӨҢІРЛІК БАҒДАРЛАМАСЫ

Бағдарламаға қатысушылар

Бағдарламаға қатысушыларға қойылатын жалпы талаптар

• Қостанай облысының барлық қалалары мен аудандарының барлық қызмет салаларының жас мамандары.
• Соңғы жұмыс орнында кемінде 6 ай жұмыс өтілінің болуы.
• Міндетті зейнетақы жарналарымен расталған тұрғын үй сатып алынатын қала аумағында жұмыс өтілінің болуы.
• Өтініш берушіде және оның отбасы мүшелерінде меншік құқығындағы тұрғын үйдің, сондай-ақ Қазақстан Республикасының аумағында соңғы 5 (бес) жыл ішінде тұрғын үй жағдайларының қасақана нашарлау фактілерінің, оның ішінде жылжымайтын мүліктегі үлестерді қоспағанда, Қазақстан Республикасының аумағында мемлекеттік бағдарламалар желісі бойынша алынған, жекешелендіру немесе мұрагерлік құқығы нәтижесінде кәмелетке толғанға дейін Бағдарламаға қатысушы немесе отбасы мүшелері алған жылжымайтын мүліктіегі үлесті және жұмыс істейтін жастар үшін сатып алу құқығынсыз жалға берілетін тұрғын үйді (берілген тұрғын үйден бас тарту туралы өтініш болған жағдайда) қоспағанда, ортақ бірлескен меншіктің, отбасының басқа мүшелерінің ортақ бірлескен (үлестік) меншігін құрайтын үлестік меншіктегі үлестің немесе сатып алу құқығымен жалға берілетін тұрғын үйдің болмауы.
• Отбасы мүшелерінің жиынтық айлық табысы соңғы 6 айда 150 АЕК-тен аспауы тиіс.
• Бағдарламаға ерлі-зайыптылардың біреуі ғана қатыса алады.

Кредит беру шарттары:

• 
  Қарыздың ең жоғары сомасы: 15 млн. теңге;
• 
  Бастапқы жарна: қарыз сомасының 10%-ы;
• 
  Қарыз бойынша сыйақы мөлшерлемесі : жылдық 5%;
• 
  Қарыз мерзімі: 19 жылды қоса алған мерзімге дейін;
• 
  Қарыздың нысаналы мақсаты: «Қазақстандық тұрғын үй компаниясы» АҚ кепілдігі болған кезде салынып жатқан объектілерде бастапқы және қайталама нарықтарда тұрғын үй сатып алу.