Интернет-банк

baspana.kz

Консультанттар

Тұрғын үй құрылыс жинақ банкі салымшылары 2018 жылы күніне 100 қоныс тойдан атап өтіп отырған

Тұрғын үй құрылыс жинақ банкі салымшылары 2018 жылы күніне 100 қоныс тойдан атап өтіп отырған

25 Декабря 2018
Осы жылы Тұрғын үй құрылыс жинақ банкі («Бәйтерек» холдингінің еншілес ұйымы) тұрғын үй сатып алуға арналған заемдардың рекордтық санын ресімдеді. Жыл басынан бері бүгінгі күнге дейін банктің 36 790 салымшысы қоныс тойын атап өткен. Бұл – өткен жылмен салыстырғанда айтарлықтай жоғары көрсеткіш. 2017 жылы 28 673 заем берілген болатын.

2018 жылы ресімделген несие саны бойынша бірінші орында Астана тұр (барлығы 7 739 несие). Екінші орын Алматы қаласына тиесілі болса (5 786), үшінші орында Ақтөбе облысы орналасқан (3 696).
Несиелердің 42%-ы бастапқы нарықтан жаңа үй сатып алуға берілсе, 52%-ы қайталама нарықтағы қолданыста болған тұрғын үйлер бойынша ресімделген. Алматы мен Астананы қоспағанда, қолданыста болған үйлер Павлодар, Қарағанды және Шығыс Қазақстан облыстарында сұранысқа ие. Заемдардың орташа сомасы 10 млн теңгені құрады.

- Жалпы, банк жұмыс істеп келе жатқалы бері біз 170 000-дай қазақстандықтың тұрғын үй жағдайын жақсартуға көмектестік. Қазір Тұрғын үй құрылыс жинақ банкінде 119 мың несие бар. Олардың айтарлықтай бөлігінің, яғни 27 мың заемшының айлық табысы 50-100 мың теңге аралығында. 19 мың заемшы 100-140 мың теңге көлемінде жалақы алады. Ал 13 мың клиент 50 мың теңге табыспен заем ресімдеп, пәтер иесі атана алды. Бұл бірегей тұрғын үй құрылыс жинақ жүйесінің арқасында мүмкін болып отыр. Ол табысына қарамастан кез келген адамға баспаналы болуға жол ашады. Ал банктегі депозитін ай сайын тұрақты түрде ұсынылған сомаға толықтырып отырған клиент үшін төлем қабілеттілігін растау тәртібі жеңілдетілген, - деп атап өтті Тұрғын үй құрылыс жинақ банкі басқарма төрайымы Ләззат Ибрагимова.

Банктің әр төртінші несиесі «Нұрлы жер» мемлекеттік тұрғын үй құрылысы бағдарламасы аясында ресімделген. Бұл бағытта 2018 жылы барлығы 8 165 отбасы қоныс тойын атап өтті. Ал жалпы алғанда мемлекеттік бағдарлама жүзеге асырылып келе жатқан уақыт ішінде 12 700 адам жеңілдетілген шарттармен баспана иесі атанған.

Бұдан басқа 1 900 заем әскери қызметшілерге берілген. Банк осы жылы әскери қызмет өкілдері мен арнаулы мемлекеттік орган қызметкерлері үшін бөлек тұрғын үй бағдарламасын әзірлеген болатын. Бұл мақсатта Тұрғын үй құрылыс жинақ банкі өз қаражатынан 98 млрд теңге бөлді. Оның 24 миллиарды осыған дейін басқа екінші деңгейлі банктерден алынған заемдарды қайта қаржыландыруға бағытталды.
Отан қорғаушыларға арналған заемдар 6-8% аралығындағы мөлшерлемемен ресімделді. Заем өтеу есебіне мемлекеттің әскери қызметкерлерге арнап бөлетін тұрғын үй төлемдері бағытталады.
Жалпы алғанда, 2018 жылғы Тұрғын үй құрылыс жинақ банкінің қазақстандық ипотекадағы үлесі 63%-ды құрады. Осыған қарамастан банк ең төмен NPL деңгейін (уақтылы өтелмеген, өтеу мерзімі 90 күннен асып кеткен заемдар) сақтап қалып отыр. Қазір аталған көрсеткіш 0,22%-ды құрайды, ал қазақстандық банктер арасындағы орташа деңгей 8,17%-ға тең.

Банк ұзақмерзімді салымдар нарығында бірінші орында тұр. Қазіргі уақытта Тұрғын үй құрылыс жинақ банкінде 1,2 миллионнан астам депозит бар. Әр 8-депозит 18 жасқа дейінгі баланың атына ашылған. 2018 жылы 368 530 қазақстандық жаңа депозит ресімдеген. Ал жалпы депозит қоржынының көлемі 596,3 млрд теңгені құрайды.

Болашақ баспанаға деп ақша жинауда қазақстандықтарға мемлекет те көмектесіп отыр. Тұрғын үй құрылыс жинақ банкінің барлық салымшылары бір жыл ішіндегі шотқа салған ақшаның 20%-на тең мемлекет сыйлықақысын ала алады. Ол 200 айлық есептік көрсеткіштен (481 000 теңге) аспайтын салым сомасы бойынша есептеледі. Яғни 2018 жылдың ең жоғарғы мемлекет сыйлықақысы 96 200 теңгені құрап отыр. Аталған бонустың арқасында банк салымшылары депозит бойынша 13,3%-ға дейін баратын жылдық тиімді сыйқақыға қол жеткізе алады (базалық сыйақы мөлшерлемесі – 2%).
Қатары өсіп келе жатқан клиенттерге қызмет көрсету барысы жайлы болуы үшін Тұрғын үй құрылыс жинақ банкі бизнес-процестерді үздіксіз оңтайландырып, жаңа сервистер мен қызметтерді енгізіп келеді. Осы жылы видеобайланыс арқылы кеңес алу, депозитті онлайн-режимде сатып алу мүмкіндіктері пайда болды. Депозит сатуға және сатып алуға арналған онлайн-табыстау қызметінің көмегімен 1 000 адам шот иесі атанып, 5% көлеміндегі мөлшерлемемен заем ала алды.

«ЖССБ 24» интернет-банкингінде бөлімшеге келмей-ақ қызмет алатын 500 мыңдай клиент тіркелген. Бұл сервис арқылы заем өтеу кестесін қарап, шот жағдайы туралы анықтама алып, ең жоғарғы мемлекеттік сыйлықақы алу үшін қанша ақша салу керек екенін біліп, депозит толықтырып, несие өтеуге болады.

2019 жылы банк бизнес-процестерді жетілдіру мен автоматтандыруды ары қарай жалғастырады және клиенттерге онлайн-режимде көрсетілетін қызметтер үлесін арттырады.

Ваш город Алматы?
Да
Нет

ХОТИТЕ УЗНАВАТЬ О НАШИХ АКЦИЯХ ПЕРВЫМИ?!

Қоңырауға тапсырыс беру

Сізбен 30 минуттан кейін хабарласады*
*жұмыс кестесі: жұмыс күндері -
09:00-ден 19:00-ге дейін,
сенбі: 10:00-ден 14:00-ге дейін,
демалыс және мереке күндері - демалыс