Қамқорлықтағы адамды тұрғын үйге мұқтаждар есебінен шығару: заңды өкілдерге арналған нұсқаулық

Заңды өкілдер (қамқоршылар) orken.otbasybank.kz порталы арқылы қамқорлықтағы адамды тұрғын үйге мұқтаждар есебінен енді өздігінен шығара алады.

Ол үшін заңды өкіл жеке кабинетінде өтініш беріп, оған ЭЦҚ арқылы қол қоюы қажет.

1. otbasybank.kz интернет-ресурсына ЭЦҚ арқылы кіріңіз.
2. «Қамқорлықтағылар» бөлімін ашыңыз.
   Бұл бөлім экранның сол жақ бөлігінде орналасқан.
3. Тізімнен қажетті қамқорлықтағы адамды таңдаңыз.
4. Қамқорлықтағы адамның жеке кабинетіне өтіңіз.
   Ол үшін оның аты-жөнінің жанындағы батырманы басыңыз.
5. «Операциялар» бөліміне өтіп, «Есептен шығару» батырмасын таңдаңыз.
6. Тұрғын үйге мұқтаждар есебінен шығару тәртібі туралы ақпаратпен танысыңыз.
7. Есептен шығару себебін таңдаңыз.
   Қажет болған жағдайда бірнеше себепті таңдауға болады.
8. Өтінішке ЭЦҚ арқылы қол қойыңыз.
9. «Тұрғын үймен қамтамасыз ету орталығы» электрондық базасынан есептен шығару туралы өтінішпен танысып, «Иә, өтінішпен таныстым» деген белгі қойыңыз.
10. Қажет болған жағдайда өтінішті жүктеп алыңыз.
11. «Жіберу» батырмасын басыңыз.

Өтініш сәтті жіберілгеннен кейін қамқорлықтағы адам тұрғын үйге мұқтаждар есебінен шығарылады.

Отбасы банк өтінішке қол қоймас бұрын ақпаратпен және есептен шығару үшін таңдалған себеппен мұқият танысуды ұсынады.