Құрметті клиенттер!

2020 жылдың 29 сәуірінен бастап Тұрғын үй құрылыс жинақ банкінің Алматы қаласындағы филиалы қайтадан өз жұмысын бастайды. Яғни, тек "Сейфуллин даңғылы, 498" мекенжайында орналасқан Орталық кеңсе ғана клиенттерге қызмет көрсетеді. Бұл бөлімше сағат 09:00-ден 16:00-ге дейін ашық.

Алматы қаласында әлі де карантин режимі сақталатындықтан, азаматтардың қауіпсіздігін қамтамасыз ету үшін, www.hcsbk.kz сайтындағы "Бөлімшелер мен терминалдар" бөлімінде немесе Интернет- банкингте алдын ала жазылудан өткеннен кейін ғана банк бөлімшесіне баруға болады. Бұл шара банк филиалдарында адамдардың көп жиналуын болдырмауға және клиенттердің қауіпсіздігі үшін белгіленген ара қашықтықты сақтауға мүмкіндік береді.

Сондай-ақ, Төтенше жағдай кезінде несие алу үшін өтінімдер қабылданбайтынын хабарлаймыз.

27 наурызға дейін банктік операциялар бойынша өтінім берген клиенттерге филиал қызметкерлері өздері хабарласып, операцияларды аяқтау мақсатында банк бөлімшесіне шақырады.