Қызылордада әйнек шығаратын зауыт өз өнімімен бүкіл Қазақстанды қамтамасыз етеді – Назарбаев

«Индустрияландыру аясында облыста ірі кәсіпорындар іске қосылатын болады, соның ішінде бүкіл Қазақстанды өз өнімімен қамтамасыз ете алатын әйнек зауыты да бар, - деді Қазақстан Президенті Нұрсұлтан Назарбаев Қызылорда облысына жұмыс сапарының қорытындысы бойынша БАҚ өкілдері үшін брифингте.

Естеріңізге салайық, Қызылорда қаласында әйнек зауытының құрылысы ағымдағы жылғы көктемде басталды. Жоба «Бәйтерек» холдингтің еншілес құрылымдары – «Қазақстанның инвестициялық қоры» АҚ, «Қазақстанның Даму Банкі» АҚ-ның қатысуымен, сондай-ақ тартылған америкалық инвестор «StewartEngineers, Inc» компаниясының қатысуымен іске асырылуда.

Зауыттың өндірістік қуаты жылына 197,1 мың тонна немесе тәулігіне 600 тонна әйнекті құрайды. Жобаны іске асыру шамамен 300 тұрақты жұмыс орнын құрайтын болады.