Ерболат Досаев "Бәйтерек" Ұлттық холдингінің жаңа Төрағасы атанды.

Естеріңізге сала кетейік, Қазақстанның Ұлттық экономикасының министрі Ерболат Досаев 5 мамырда Президенттің төрағалығымен  өткен Ақорда жиынында қызметтен кетуге өтініш білдірген болатын.

«Нұрсұлтан Әбішұлы, Сіздің  қабылдаған шешіміңізді ескере отырып, Жер кодексінің жаңа ережелері   қажет және өзекті,  әлемдік тәжірибеге сай келеді  деп санаймын. Қоғамда болып жатқан талқылаулар мен қалыптасқан жағдайларға  байланысты, Сізден, Нұрсұлтан Әбішұлы,  менің Ұлттық экономика министрі лауазымынан отставкамды қабылдауыңызды сұраймын. Сондай-ақ, Үкіметтің әр түрлі жоғарғы лауазымдарына тағайындап,  сенім білдіргеніңіз үшін, Сізге және  бірге қызмет еткен Үкімет мүшелеріне  алғыс білдіремін ", - деді Е. Досаев

"Досаев –Үкіметке қажет министрлердің бірі, бірақ, осы жағдайда, мен сіздің отставкаңызды қабылдаймын.  Ұлттық экономика министрінің орынбасары Қайырбек Үскенбаевты тапсырылған жұмыстарды атқара алмағаны үшін қызметінен босатамын»,-деді Н.Назарбаев.

Досаев Ерболат Аскарбекұлы 1970 жылы 21 мамырда Алматы қаласында туылған. Алматы энергетикалық институтын (1993) және Н.Э.Бауман атындағы Мәскеу мемлекеттік техникалық университетін бітірген.  Мамандығы бойынша – электрондық техника инженері.

Еңбек өтілі:
· «Іскер» КҒӨК менеджері (1993-1994);
· «Вега»  МП директорының орынбасары (1994);
· «Акцепт» фирмасы» ЖШС директорының орынбасары, директоры (1994-1996);
· «Акцепт» корпорациясы» ЖТАҚ директоры, бірінші вице-президенті, Бас директор (1996-1997);
· «Тұран Әлем Банкі» ЖАҚ Басқармасы Төрағасының орынбасары (02.1997-08.1997);
· «Алматы қаржы-сауда банкі» ЖАҚ Басқармасы Төрағасы (08.1997-03.1998);
· Қазақстан Республикасының Премьер-Министрі кеңесшісі (03.1998-07.1998);
· ҚР Бағалы қағаздар жөніндегі ұлттық комиссиясының мүшесі (12.1999-07.2001);
· Қазақстан Республикасы Энергетика, индустрия және сауда Вице-министрі (07.1998-02.2000);
· Қазақстан Республикасы Қаржы Вице-министрі (02.2000-11.2001);
· Қазақстан Республикасы Табиғи монополияларды реттеу, бәсекелестікті қорғау және кіші бизнесті қолдау агенттігінің Төрағасы (11.2001-08.2002);
· Қазақстан Республикасы Табиғи монополияларды реттеу және бәсекелестікті қорғау агенттігінің Төрағасы (09.2002-06.2003);
· Қазақстандағы Еуропалық қайта құру және даму банкін басқарушы, Қазақстан Республикасының қаржы министрі (06.2003-04.2004);

· ҚР Денсаулық сақтау министрі (04.2004-09.2006);