Тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасы шеңберінде қатысуға өтініштерді қабылдау туралы хабарландыру

Құрметті салымшылар!

"Отбасы банк" АҚ (бұдан әрі – Банк) Тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасы шеңберінде "Жылдық 2%-дан аспайтын сыйақы мөлшерлемесі бойынша алдын ала немесе аралық тұрғын үй қарыздарды беру арқылы әлеуметтік кредиттік тұрғын үйді сату" бағытына қатысуға өтініштердің қабылданғаны туралы хабарлайды.

Нысан: «БҚО Орал қаласында 9 қабатты көп пәтерлі тұрғын үй салу. № 15 белгі» (Сыртқы инженерлік желілерсіз және абаттандырусыз)», орналасқан мекенжайы: Қазақстан Республикасы, Батыс Қазақстан облысы, Орал қаласы, Зачаганск кенті, Көктем шағын ауданы, Ақан Сері көшесі, үй 47/1. Нысан коды – 3224.

Нысанды пайдалануға беру күні: 17 тамыз 2023 жыл.

1 ш. м. тұрғын үйдің құны: 200 000 теңге, "таза" әрлеуде.

Жайлылық класы: 4

Пәтерлер саны: 80,

Пәтер түрі 2, Пул 1, 2 бөлмелі: 16 пәтер, максималды ауданы – 60,26 ш. м.,

Пәтер түрі 2, Пул 2, 2 бөлмелі: 16 пәтер, максималды ауданы – 69,27 ш. м.,

Пәтер түрі 3, Пул 3, 3 бөлмелі: 48 пәтер, максималды ауданы – 82,18 ш. м

Қатысуға өтініштерді қабылдау мерзімі: 14.12.2023 жылдан бастап 26.12.2023 жыл.

Сатып алушылардың тізімдерін қалыптастыру (Үміткерлерді іріктеу) күні: 27.12.2023 жыл.

Өтініш берушінің  жинақ шотында  200 000 (екі жүз мың) теңгеден  кем емес  тұрғын үй құрылыс жинақ сомасы бар болған кезде  қатысуға өтініш  беру мүмкін болады.

Қатысушыларды іріктеу есепке қою күні бойынша жүзеге асырылады. Есепке қою күні сәйкес келген кезде -қатысуға өтініш беру күні мен уақыты бойынша.

Тұрғын үйді бөлу кезінде азаматтардың мынадай санаттары басымдыққа ие:
- I және II топтағы мүгедектігі бар адамдар;
- мүгедек балалары бар немесе оларды тәрбиелеп отырған отбасылар.
Маңызды! Сот әрекетке қабілетсіз деп таныған адамдар мәртебесі бар "I және II топтағы мүгедектігі бар адамдар" санатындағы салымшылардан өтініш берген кезде ҚР Азаматтық Кодексінің 159-бабының негізінде банктік қарыз шарттарын жасасу (толық сатып алуды қоспағанда) мүмкін емес.

Пулға қатысу туралы өтінішті Otbasybank.kz. жылжымайтын мүлік порталында беруге болады

Өтініштер ЖАО кезекте тұрған Банк салымшыларынан келесі санаттар бойынша қабылданады:
1)    бірінші және екінші топтағы мүгедектер;
2)    мүгедек балалары бар немесе оларды тәрбиелеуші отбасылар;
3)    балалар – жетім балалар, ата-анасының қамқорлығынсыз қалған балалар;
4)    көп балалы отбасылар;
5)    толық емес отбасылар (2022 жылғы негізгі тізімнен «Бақытты отбасы» бағыты бойынша қатысушылар)

Қарыз беру өтініш берушінің жинақ шотында қарыз сомасының кемінде 10% мөлшерінде тұрғын үй құрылыс жинақтары болған кезде мүмкін болады.

Берілген өтініштерді пулға/тікелей сатуға бөлу шарттарымен, өтініш берушілерге қойылатын талаптармен, құрылыс объектісінің сипаттамасымен, оның ішінде ғимараттың қасбеттерінің фотосуреттерін және тұрғын үйдің орналасуын Otbasybank.kz жылжымайтын мүлік порталынан көруге болады.

Қосымша сұрақтар туындаған жағдайда, Банктің Байланыс орталығына келесі нөмір бойынша хабарласуыңызды сұраймыз: 300 (ұялы телефоннан тегін).