Тұрғын үй-коммуналдық дамудың 2020-2025 жылдарға арналған "Нұрлы жер" мемлекеттік бағдарламасының "ЖАО-ның әлеуметтік кредиттік тұрғын үйін сату" бағыты бойынша қосымша конкурс туралы хабарландыру

Құрметті салымшылар!

"Отбасы банк" АҚ (бұдан әрі – Банк) Тұрғын үй-коммуналдық дамудың 2020-2025 жылдарға арналған "Нұрлы жер" мемлекеттік бағдарламасының "ЖАО-ның әлеуметтік кредиттік тұрғын үйін сату" бағыты бойынша қосымша конкурс туралы хабарлайды.

Нысан: «БҚО, Теректі ауданы, Подстепное ауылдық округі, Тұқпай ауылындағы Орал-Ақсай тас жолы бойындағы «Жиырма 6 пәтерлік 3 қабатты тұрғын үйдің құрылысы» (абаттандырусыз және сыртқы желілерсіз)", орналасқан мекен-жайы: Қазақстан Республикасы, Батыс Қазақстан облысы, Теректі ауданы, Подстепный ауылдық округі, Тұкпай ауылы, Жарқын шағын ауданы.

Құрылыстың аяқталған мерзімі: 01.03.2022 жыл.

Тұрғын үйдің 1 ш. м. құны: 160 000 теңге, "таза" әрлеуде.

Тұрғын үй бірлігінің саны: 85.

Пәтер түрі 3: 3 бөлмелі пәтер, ең үлкен ауданы 104,2 ш. м.

Тұрғын үй-коммуналдық дамудың 2020-2025 жылдарға арналған "Нұрлы жер" мемлекеттік бағдарламасына қатысуға өтініштерді қабылдау мерзімі: 2022 жылғы 6-шы маусымынан бастап 2022 жылдың 20-шы маусымына дейін.

Ұпайларды есептеу күні (Үміткерлерді іріктеу): 21.06.2022 ж.

Өтініштер ЖАО-да кезекте тұрған Банк салымшыларынан ғана, оның ішінде "Бақытты отбасы" бағытының келесі санаттарынан қабылданады:

1) мүгедек балалары бар немесе оларды тәрбиелеуші отбасылар;
2) көп балалы отбасылар;
3) толық емес отбасылар.

Пулға қатысуға өтінішті Банктің https://otbasybank.kz/ интернет-ресурсында беруге болады.

Қарыз беру өтініш берушінің жинақ шотында таңдалған тұрғын үй құнының кемінде 20%-ы мөлшерінде, "Бақытты отбасы" бағыты қатысушылары үшін таңдалған тұрғын үй құнының кемінде 10%-ы болған кезде мүмкін болады.

Банктің www.hcsbk.kz интернет-ресурсындағы "Қолжетімді баспана" бөлімінде және/немесе Банктің Оtbasybank.kz интернет-ресурсында Өтініш берушілерге қойылатын талаптармен, құрылыс нысанының сипаттамасымен толық танысуға, оның ішінде ғимарат қасбеттерінің фотосуреттерін және тұрғын үйдің жоспарлануын көруге болады.

Өтініш беру күні мен уақыты берілген ұпайлардың санына және өтініш берушілердің кезектілігіне әсер етпейді.