Құрметті салымшылар!

 «Отбасы банк» АҚ (бұдан әрі-Банк)   Тұрғын үй-коммуналдық дамудың 2020 – 2025 жылдарға арналған "Нұрлы жер" мемлекеттік бағдарламасына  «ЖАО-ның әлеуметтік кредиттік тұрғын үйін өткізу»  бағыты бойынша қатысуға арналған қосымша конкурсқа өтініштер қабылдау басталатынын  хабарлайды.

Нысан: "Қызылорда облысы Қазалы ауданы Әйтеке би кентінде орналасқан, 4 пәтерлік жер учаскесі бар 10 көппәтерлі тұрғын үй", Қазақстан, Қызылорда облысы, Қазалы ауданы, Әйтеке би кенті, 5 квартал аумағы, №1,2,3,4,5,6,7,8,9,10 үй мекенжайы бойынша орналасқан.

Құрылыстың жоспарланған аяқталу мерзімі: 30.12.2020 жыл.

Тұрғын үйдің 1 шаршы метрінің құны: «таза» әрлеуде  140 000 теңге.

Жайлылық сыныбы: 4

Қатысуға арналған өтініш қабылдау мерзімі:  26.04.2022 ж. бастап 03.05.2022 ж. дейін

Ұпайлар есептелінетін (Үміткерлерді іріктейтін) күн: 04.05.2022 ж.

Пулға қатысуға арналған өтінішті Банктің Otbasybank.kz. интернет-ресурсында беруге болады.  Өтініш беру күні мен уақыты берілген үпайлар  санына және өтініш берушілердің кезектілігіне әсер етпейді.

Өтініштер ЖАО-да кезекте тұрған, Банк салымшыларынан ғана қабылданады:

Тұрғын үй-коммуналдық дамудың 2020 – 2025 жылдарға арналған "Нұрлы жер" мемлекеттік бағдарламасына қатысуға арналған өтініш беру арқылы Банк салымшылары Нысанға және оның әрі қарайғы өткізілуіне дауыс береді.

Өтініш берушіде тұрғын үй құнының кемінде 10% - ы мөлшерінде жинақ шотындағы тұрғын үй құрылысы жинақтарының тиісті сомасы болған кезде пулға қатысуға өтініш беруге болады.

Өтініш берушінің жинақ шотында таңдалған тұрғын үй құнының кемінде 20% – ы мөлшерінде, жинақтары болған кезде қарыз берілуі мүмкін.

Өтініш берушілерге қойылатын талаптармен, құрылыс нысанының сипаттамасымен, соның ішінде ғимарат қасбетінің және пәтер жоспарының суреттерін Банктің Otbasybank.kz. және/немесе  www.hcsbk.kz интернет-ресурсындағы «Қолжетімді тұрғын үй» бөлімінен толығырақ көре аласыздар.