Қарағанды қаласында «Өз үйім» бағдарламасына қатысу үшін өтініш қабылдау туралы

Құрметті салымшылар!

«Қазақстанның тұрғын құрылыс жинақ банкі» АҚ (бұдан әрі – Банк) «Өз үйім» бағдарламасына (бұдан әрі – Бағдарлама) қатысуға өтініш қабылдау туралы хабарлайды.

Нысан: Қарағанды облысы, Қарағанды қаласы, «Көгілдір Тоғандар» ықшам ауданы, 5/5 мекен-жайында орналасқан көппәтерлі тұрғын үй.

Тапсырыс берушінің/Құрылыс салушының атауы: Токтаров «ОЛИВИЯ» жауапкершілігі шектеулі серіктестігі.
Құрылыстың болжамды аяқталу мерзімі: 2018 жылдың шілде айы.
Тұрғын үй толық дайын күйінде және бекітілген жобаға сәйкес өткізілетін болады:
Іргетасы – қадалар қағылған, монолитті т/б ростверкпен жасалған.
Қабырғалары - сыртқы қабырғалары – пенобетондық блоктар сыртқы минералдық плиталармен жылытқышпен толтырылған. Ішкі қабырғалары – пенобетондық блоктармен жасылған.
Қалқалары – пенобетондық блоктар, дәретхана мен жуынатын бөлмелерде – кірпіштен жасалған.
Жабу және қайта жабу плиталары – монолитті т/б.
Шатыры – орамды «Унифлекс» екі қабаттан тұрады.
Баспалдақтары – металл косоурмен құрамы т/б баспалдақтар.
Ішкі әрлеу – толық аяқталған.
Терезелері – темірпластиктен жеке дайындалған қос стеклопакеттері.
Есіктері – ағаштан жасалған, өртке қарсы темірден жасалған (ішкі), жеке дайындауы, жылытылған, темірден жасалған (сыртқы).
Қабырғалары мен төбелері – қабылғалары сыланған және теңестірілген.
Едендері – т/б тартпа.
Тұрғын үйдің 1 шаршы м. құны: 160 000 теңге
Жайлылық сыныбы: IV.
Пәтер саны: 58, соның ішінде:
Пәтер түрі 2-бөлм.: 29 пәтер (алаңы 58,75 – 60,66 ш.м.);
Пәтер түрі 3-бөлм.: 11 пәтер (алаңы 71,44 – 75,09 ш.м.);
Пәтер түрі 3-бөлм.: 18 пәтер (алаңы 79,99 – 82,59 ш.м.);

«Өз үйім» бағдарламасына қатысуға өтініш қабылдау мерзімі: 20.06.2018 ж. бастап 12.07.2018 ж. дейінгі күнді қоса алғанда.
Балл есептелетін күн (Үміткерлерді іріктеу): 13.07.2018 ж.
Іріктеу (төлем қабілеттілігін бағалау) мерзімі: 16.07.2018 ж. бастап 31.07.2018 ж. дейінгі күнді қоса алғанда.
Іріктеу орны: Қарағанды қ.
«Өз үйім» бағдарламасына қатысуға өтініш беру үшін өтініш берушінің тұрғын үй құрылыс жинақ шотында кемінде 500 000 (бес жүз мың) теңге жинағы болуы тиіс.
Өтініш берушінің тұрғын үй құрылыс жинақ шотында таңдалған пәтер құнының кемінде 30%-ы көлемінде тұрғын үй құрылыс жинағы болғанда алдын ала тұрғын үй заемын алуға өтініш беру мүмкін болады.
Бағдарламаға қатысуға өтініш бере отырып, Банк Салымшылары Нысандағы пәтерлерді Банк салымшыларына өткізуге дауыс береді. Өтініш қабылдау аяқталған күні Банктің ішкі құжаттарына сәйкес Үміткерлердің/Резервистердің [Іріктелген үміткерлер] қажетті саны жеткіліксіз болған жағдайда, онда Нысанға қажетті дауыс беру саны жиналмаған деп есептелініп, Бағдарламаға қатысуға берілген өтініштердің күші автоматты түрде жойылады.
Бағдарламаға қатысуға өтініш Банктің www.baspana.kz интернет-ресурсында тек қана Банк салымшыларынан қабылданады.
Тұрғын үйді бөлу тәртібі, іріктеуге (төлем қабілеттілігін бағалау) құжаттар тізімі, сондай-ақ ғимарат қасбетінің фото-суреттерімен және пәтерлердің/жеке тұрғын үйлердің жоспарымен Банктің www.hcsbk.kz және/немесе www.baspana.kz интернет-ресурсында танысуға болады.