Бағдарламаның ауысуы туралы хабарландыру

Құрметті салымшылар!

«Қазақстанның тұрғын үй құрылыс жинақ банкі» АҚ Ақмола облысы Целиноград ауданының Қосшы ауылындағы 45-пәтерлі тұрғын үй құрылысы» нысаны бойынша тұрғын үй құрылыс жобасының іске асырылуының өзгергені туралы хабарлайды. Енді, бұл Нысан «Нұрлы жол» инфрақұрылымдық дамытудың мемлекеттік бағдарламасы аясында емес, «Қазақстанның тұрғын үй құрылыс жинақ банкі» АҚ–ның «Өз үйім» бағдарламасы бойынша жаңа дауыс берусіз жүзеге асырылатын болады.

Жоғарыда аталғандарға байланысты, төмендегі талаптар өзгереді:
• Нысанның «таза» әрлеудегі 1 ш.м. бағасы 178 312 (бір жүз жетпіс сегіз мың үш жүз он екі) теңгеге дейін азайтылатын болады.
• аралық тұрғын үй заемы бойынша сыйақы мөлшерлемесі – жылдық 7,5%-8,5%-ды құрайды;
• алдын ала тұрғын үй заемы бойынша сыйақы мөлшерлемесі – жылдық 9,5%-ды құрайтын болады;
• құрылыстың аяқталуы/пайдалануға берілуі 2017 ж. қыркүйек айы деп жоспарланып отыр.

Құрылыс нысанының сипаттамасымен, соның ішінде ғимараттың қасбетін және пәтерлердің жобалану суреттерін Банктің www.hcsbk.kz интернет ресурсында егжей-тегжейлі танысып, көруге болады.