Атырау қаласында «Нұрлы жер» бағдарламасына қатысу үшін қосымша байқау басталғаны туралы

Құрметті салымшылар!
«Қазақстанның тұрғын үй құрылыс жинақ банкі» АҚ (әрі қарай - Банк) «Тұрғын үй құрылыс жинақ жүйесі арқылы несиелік тұрғын үй құрылысы» бағыты бойынша «Нұрлы жер» бағдарламасына қосымша байқау басталғаны туралы хабарлайды.
Нысан: Атырау қаласы, Береке мөлтек ауданы (8,0 га уч.) мекенжайы бойынша орналасқан 45 және 60 пәтерлік тұрғын үй, №3,4 айқындама, нысан коды – 413.
Құрылыс нысаны пайдалануға 2017 жылдың шілде айында берілді
«таза» әрлеудегі тұрғын үйдің 1 ш.м. бағасы: 140 000,00 теңге
Пәтер саны: 10 (он), оның ішінде:
Пәтер түрі: 2-бөлмелі - 10 пәтер, жалпы ауданы 63,91 шаршы метр.
Қатысуға өтініш беру мерзімі: 2018 жылғы 24 қыркүйектен бастап 04 қазанға дейін (қоса алғанда).
Баллдарды есептеу күні (үміткерлерді іріктеу) – 05 қазан 2018 жыл.

Өтінішті Банктің www.baspana.kz интернет-ресурсы беруге болады.
Өтініш берушілерге қойылатын талаптармен, пәтерлерді бөлу тәртібімен, құрылыс нысанының сипаттамасымен, соның ішінде ғимарат қасбетін және пәтерлердің жоспарлануын Банктің www.hcsbk.kz интернет ресурсында «Қолжетімді тұрғын үй» бөлімінде және/немесе Банктің www.baspana.kz интернет-ресурсында егжей-тегжейлі танысып, көруге болады.

Өтініш беру күні мен уақыты өтініш берушінің иеленген баллдары мен кезектілігіне әсер етпейді.
Өтініштер Банк салымшыларынан ғана қабылданады.