Атырау қаласында «Өз үйім» бағдарламасы бойынша қосымша байқау басталғаны туралы

Құрметті салымшылар!
«Қазақстанның тұрғын үй құрылыс жинақ банкі» АҚ (әрі қарай - Банк) «Өз үйім» бағдарламасының «Жергілікті атқару органдары арқылы несиелік тұрғын үй салу» бағыты бойынша қосымша байқау басталғаны туралы хабарлайды.
Нысан: «Атырау қаласы, Береке мөлтек ауданы, (8,0 га уч.), №5,7,9 айқындама» мекенжайы бойынша орналасқан үш 60-пәтерлік тұрғын үйлер, нысан коды – 1051.
Құрылыс нысаны пайдалануға 2017 жылдың шілде айында берілді
«таза» әрлеудегі тұрғын үйдің 1 ш.м. бағасы: 143 000,00 теңге
Жайлылық класы – 3 (үшінші)
Пәтер саны: 2 (екі), оның ішінде:
Пәтер түрі: 3-бөлмелі - 2 пәтер, жалпы ауданы 83,83 шаршы метр
Қатысуға өтініш беру мерзімі: 2019 жылғы 26 сәуірден бастап 05 мамырға дейін (қоса алғанда).
Баллдарды есептеу күні (үміткерлерді іріктеу) – 06 мамыр 2019 жыл.
«Өз үйім» бағдарламасына қатысуға өтініш беру үшін Өтініш берушінің тұрғын үй құрылыс жинақ шотында 500 000,0 (Бес жүз мың) тенгеден кем емес сомада жинағы болуы шарт.

Өтінішті Банктің baspana.kz интернет-ресурсы беруге болады. Өтініш беру күні мен уақыты өтініш берушінің иеленген баллдары мен кезектілігіне әсер етпейді.
Өтініштер Банк салымшыларынан ғана қабылданады.
Аралық тұрғын үй заемын алуға өтініш беру Өтініш берушінің тұрғын үй құрылыс жинақ шотында таңдалған пәтер құнының кем дегенде 50% болған жағдайда мүмкін болады.
Алдын ала тұрғын үй заемын беруге Банктың мүмкіндігі болған жағдайда алдын ала тұрғын үй заемын алуға өтініш беру Өтініш берушінің тұрғын үй құрылыс жинақ шотында таңдалған пәтер құнының кем дегенде 20% болған жағдайда мүмкін болады.
«Жергілікті атқару органдары арқылы несиелік тұрғын үй құрылысы» бағыты бойынша:
Нысанның 50 %-дан кем емес тұрғын үй ЖАО-да кезекте тұрған азаматтар арасында бөлінеді.
Бағдарламаға қатысуға өтініш берген немесе төлемқабілеттілігін растамаған ЖАО-да кезекте тұрған азаматтардың саны жеткіліксіз болған жағдайда, тұрғын үй Банк салымшылары есебінен басқа да Өтініш берушілер арасында бөлінеді.
Пәтерлерді бөлу тәртібі Банктің www.hcsbk.kz интернет-ресурсында көрсетілген.
Төлемқабілеттілігін растау үшін қажетті құжаттар тізімі Банктің www.hcsbk.kz интернет-ресурсында көрсетілген.
Өтініш берушілерге қойылатын талаптармен, пәтерлерді бөлу тәртібімен, құрылыс нысанының сипаттамасымен, соның ішінде ғимарат қасбетін және пәтерлердің жоспарлануын Банктің www.hcsbk.kz интернет ресурсында «Қолжетімді тұрғын үй» бөлімінде және/немесе Банктің baspana.kz интернет-ресурсында егжей-тегжейлі танысып, көруге болады.
Қосымша сұрақтар туындаған жағдайда, 300 (ұялы телефоннан тегін) нөмірі бойынша Банктің Колл-орталығына хабарласуыңызға болады.