Алматы облысы, Талдықорған қ. тұрғын үй құрылысы бойынша ЖАО-мен Ынтымақтастық жөніндегі келісімшартқа қол қойылғандығы туралы

Құрметті салымшылар!

«Өңірлерді дамытудың 2020 жылға дейінгі бағдарламасы» шеңберінде Алматы облысы, Талдықорған қаласы, Оңтүстік-батыс ауданында орналасқан тұрғын үй құрылысы бойынша Алматы облысының әкімдігімен Ынтымақтастық жөніндегі келісімшартқа қол қойылғандығын хабарлаймыз. Барлығы 140 пәтер, оның ішінде «Қазақстанның тұрғын үй құрылыс жинақ банкі» АҚ желісі бойынша 71 пәтер, бағасы - 1 шаршы метрі 100 000 (жүз мың) теңге. Тұрғын үй құрылысы 2015 жылдың 30 қарашасында аяқталады.

Тұрғын үйді сатып алушылар мен жалға алушылардың пулына қатысуға өтініш қабылдау мерзімі: 2015 жылдың 31 тамызынан бастап.    

Банктің Алматы облысы, Талдықорған қ., Төлебаев к-сі, 86 мекен-жайында орналасқан филиалында немесе Банктің www.hcsbk.kz Интернет-ресурсында тұрғын үй құрылыс жинақ жүйесі арқылы тұрғын үйді сатып алушылар мен жалға алушылардың пулын құру тәртібімен және құрылыс нысанының суреттемесімен (соның ішінде ғимарат қасбетін және пәтерлердің жоспарлануын көру де бар) егжей-тегжейлі танысуға болады.