Банк жаңалықтары мұрағаты

Moody’s investors service халықаралық рейтингтік агенттігі «Қазақстанның тұрғын үй құрылыс жинақ банкі» АҚ-ның («Бәйтерек» холдингінің еншілес банкі) елдің егемен рейтингі деңгейіндегі «Baa3» ұзақмерзімді кредиттік рейтингін растады.

Тұрғын үй құрылыс жинақ банкі («Бәйтерек» Холдингінің еншілес ұйымы) Бүкіләлемдік жинақтау күнін тойлау қарсаңында жаңа салымшылар үшін науқан жүргізіп, Ашық есік күнін өткізеді.

«Бәйтерек» Холдингінің еншілес ұйымы «Бәйтерек девелопмент» акционерлік қоғамы қаржыландыруымен Қызылорда қаласында 350 пәтерлі жеті үйдің құрылысы аяқталуда. «Нұрлы жол» инфраструктуралық дамудың мемлекеттік бағдарламасы шеңберінде салынған әлеуметтік баспананы пайдалануға беру үстіміздегі жылдың қазан айына жоспарланған. «Сәулет» шағын ауданында орналасқан пәтерлердің аумағы 21 мың шаршы метрден асады.

Конституция күніне орай Жамбыл облысының тұрғындары бағалы сыйлық алды – оларға өздерінің пәтерінің кілті табысталды. Жаңа қоныстанушыларды облыс әкімінің бірінші орынбасары Бекболат Орынбеков пен “Тұрғын үй құрылыс жинақ банкінің” облыстық филиалының директоры құттықтап келді.
– Бес қабатты үйді мердігер мерзімінен бұрын берді. Барлық пәтер таза өңделген және салымшыларға 1 шаршы метріне 116 000 теңге бағада ұсынылатын болады. Объектінің жанында интеллектуалдық мектеп, базар, спорттық кешен бар. Жаңа қоныстанушыларымызға бұл жер барынша ыңғайлы болады деген үміттеміз”, – дейді ТҮҚЖБ Жамбыл облыстық филиалының директоры салымшыларға.

«Өз үйім» меншікті бағдарламасы аясында Тұрғын үй құрылыс жинақ банкі Қызылорда қаласында екі тұрғын үй бойынша (100 пәтер) пулға қатысу мақсатында банк салымшыларынан өтініштерді қабылдай бастады. Сырдария ықшам ауданының С. Бейбарыс көшесінде орналасқан жаңа нысандардың бірі - 40 пәтерге, екіншісі – 60 пәтерге есептелген. Тұрғын үйлер таза әрленген күйде және 1 ш.м. үшін 140 000 теңге бағасымен берілмек. Тұрғын үй құрылысы 2016 жылдың 1 қыркүйегінде аяқталады деп жоспарлануда.

Тұрғын үй құрылыс жинақ банкі («Бәйтерек» Холдингінің еншілес ұйымы) өз клиенттеріне ұлттық валюта бағамындағы айырманың бірінші бөлігін төлеуді аяқтады. Нәтижесінде 338 мың депозитке өтемақы төленді. Қалған 28 млрд. теңгені банк салымшылары 2017 жылдың 1 шілдесіне дейін екінші траншпен алатын болады. Қорытындысында, толықтыру коэффициенті 35,5%-ды құрайды. Сонымен қатар, Ranking.kz хабарлағандай, басқа банкілерде депозиті бар салымшылар салым сомасынан 21,5% өтемақыға ие болады. Ұлттық Банктың екінші дәрежелі басқа банктер клиенттеріне өтемақы төлеу үшін сақтаған 77,6 млрд. теңгесі ҚТҚЖБ-ның салымшыларына төленетін өтемақыдан бар-жоғы 27,4% -ға артық.

Бұл облыстағы тұрғын үй құрылыс аумағын кеңейтеді. Бұл мақсатқа қазірдің өзінде Ұлттық қордан 4,4 млрд теңге аударылды. Ақша жергілікті әкімдік арқылы бөлінеді.
Нәтижесінде Шымкенттің әкімшілік-іскерлік орталығында 11 тоғызқабатты үй бой көтермек. Бұл 558 пәтердің жалпы аумағы 32 мың шаршы метрді құрайды. Тұрғын үй құрылыс жинақ банкі салымшылары баспананы 1 шаршы метрге 14 000 теңгеден төлеп алады.

25-ші маусым күні салымшылар шотына 23.6 млрд. теңге көлемінде бағам айырмасының алғашқы траншы беріледі. Оның 8,6 млрд. теңгесі банктің жеке қаражатынан бөлінбек.
-Өтемақы, бірінші кезекте, 2016 жылдың 31-ші мамырына дейін банкпен қосымша келісімге қол қойып үлгерген салымшыларға төленеді. 221 705 салымшы 122,9 млрд. теңгені құрайтын депозиттің жалпы сомасынан өтемақы алады, - деп мәлімдейді, Тұрғын үй құрылыс жинақ банкінің баспасөз-қызметі.

«Қазақстанның тұрғын үй құрылыс жинақ банкі» АҚ 467 мыңнан аса шарт иелеріне, оның ішінде салымында 1 млн. теңгеден жоғары қаржысы бар салымшыларына өтемақы төлейді. Өтемақы төленетін салымдардың жалпы сомасы бүгінгі күні 171,9 млрд. тенгені құрап отыр.
Бағамдық айырмашылық бюджет қаражаты есебінен және банктің меншікті қаражатынан төленеді.

Биыл Қызылорда облысы Тұрғын үй құрылыс жинақ банкінің салымшыларына арнап қосымша тағы 40 мың шаршы метр баспана тұрғызады. 31 қаңтар күні Қызылорда облысының әкімі Қырымбек Көшербаев пен «Қазақстанның Тұрғын үй құрылыс жинақ банкі» АҚ Басқарма төрағасы Айбатыр Жұмағұлов банк салымшыларына арналған баспананың алғашқы кірпішін қалады.

«Бәйтерек» Холдингінің құрамына кіретін «Қазақстан тұрғын үй құрылыс жинақ банкі» АҚ Банк салымшыларын 2022 жылға дейін қолжетімді баспанамен қамтамасыз ететін «Өз үйім» атты дағдарысқа қарсы бірегей бағдарламасын жасап шығарды.