«Сәтбаев жұмыскер» өңірлік бағдарламасы

Бағдарламаға қатысушылар

"Сәтбаев жұмыскер" Бағдарламасына қатысушыларға қойылатын негізгі талаптар

• ҚР азаматтығы;
• Қатысушының Ұлытау облысы Сәтбаев қаласында тұрақты тіркелуінің болуы;
• Қатысушының жасы өтініш берген уақытта 60-қа дейін (қоса алғанда) болуы керек, жұбайының (зайыбының) жасы ескерілмейді (болған жағыдайда);
• Бағдарламаға қатысушының және оның отбасы мүшелерінің соңғы 5(бес) жыл ішінде ҚР аумағында меншік құқығындағы тұрғын үйдің (ерлі-зайыптылардың ортақ мүлкі, отбасының басқа мүшелерімен бірлескен ортақ үлестік мүлкі) болмауы
• Кәсіптердің Жұмыс кәсіптерінің тізбесіне сәйкестігі (жұмыс орнынан анықтамамен расталады)
• Жалақы мөлшері 200 айлық есептік көрсеткіштен аспауы тиіс (жұмыс орнынан жалақы туралы анықтамамен расталады);
• Несиелеуге ерлі-зайыптылардың біреуі ғана қатыса алады.

Кредиттеуге мемлекеттік мекемелер мен кәсіпорындардың (АҚ, мемлекеттің 100 пайыз қатысуымен ЖШС), сондай-ақ салалардың жұмысшы кәсіптерінің мамандары қатыса алады:

• өңдеу өнеркәсібі және машина жасау;
• электр энергиясымен, газбен, бумен, жылумен, ыстық сумен және кондиционерленген ауамен жабдықтау;
• сумен жабдықтау; су бұру; қалдықтарды жинау, өңдеу және жою, ластануды жою жөніндегі қызмет;
• кондоминиум объектісін басқару және кондоминиум объектісінің ортақ мүлкін күтіп ұстау бойынша
• құрылыс;
• ауыл, орман және балық шаруашылығы;
• жеңіл өнеркәсіп;
• тау-кен өнеркәсібі және карьерлерді қазу;
• Ұлытау облысы Сәтбаев қаласында орналасқан көлік және қойма шаруашылығының нысандары.

Кредит беру шарттары:

• 

  Қарыздың ең жоғары сомасы :
  20 000 000 (жиырма миллион) теңге;

• 

  Қарыз бойынша сыйақы мөлшерлемесі:
  жылдық 5% (ЖТСМ 5,2% бастап 5,7% дейін);

• 

  Қарыз мерзімі:
  19 жылға дейін;

• 

  Бастапқы жарна:
  қарыз сомасының 10%-ы;

• 

  Қарыздың нысаналы мақсаты:
  «Қазақстандық тұрғын үй компаниясы» АҚ кепілдігі болған кезде бастапқы және қайталама нарықтарда салынып жатқан объектілерден тұрғын үй сатып алу.